ጌዳዋዳን፥ ኑኒ ኣማኔዳዋንቱ ኢ ሼምፒያሳ ጌላና። [a] 4 ኣዪሲ ጎፔ፥ ላፑንꬃ ጋላሳባ ኢቲሳዓን ፆሳ ማፃፋይ፥ «ፆሳይ ላፑንꬃ ጋላሳን ባሬ ኦሱዋ ኡባፔ ሼምፔዳ» ያጌዳ። [b] 5 ቃሲ ሄ ሳዓን፥ «ኡንቱንቱ ታኒ ሼምፒያሳ ኡባካ ጌሊኪኖ» ያጌዳ። [c] 6 ዎንጋላ ሚሺራቹዋ ኮይሮ ሲሴዳዋንቱ ኣዛዜቲቤና ዲራው፥ ሼምፑዋ ሳዓ ጌሊቤይኪኖ፤ ኢቲ ኢቲ ኣሳቱ ያ ጌላናዋንቱ ዴዒኖ። 7 ፆሳይ ዳሮ ዎዲያፔ ጉዪያን፥ ዳዊታ ባጋና ላዔንꬁዋ ኢቲ ጋላሳ፥ «ሃቼ» ጊያ ቃላን ኬሪዴ፥

ያጌዳ። [d] 8 ፆሳይ ሼምፒያሳ ኣሳ ኣፊዴ ኢያሱ ሼምፒሴዳዋ ጊዲንቶ፥ ፆሳይ ሃራ ጋላሳዋ ጉዬ ኬሬና። [e] 9 ሄዋ ዲራው፥ ፆሳ ኣሳው ሳምባታ ሼምፑ ናጌቲ ኡቴዳ። 10 ኣዪሲ ጎፔ፥ ፆሳይ ሼምፒያሳ ጌሊያ ኦኒኔ፥ ፆሳይ ባሬ ኦሱዋፔ ሼምፔዳዋዳን፥ ኢካ ባሬ ኦሱዋፔ ሼምፓና። [f] 11 ሲሚ ኢስራዔሊያ ኣሳይ ኣዛዜቴናን ኢፂዴ፥ ፆሳና ኢቲፔ ሼምፒያሳ ጌሌናን ኣቴዳዋዳን፥ ኑፔ ኦኒኔ ሄዋ ማላ ኢፁዋን ያ ጌሌናን ኣቴና ማላ ሚኖይቴ።

12 ኣዪሲ ጎፔ፥ ፆሳ ቃላይ ሚꬊናው ዴዒያዋኔ ኦꬂያዋ፤ ላዑ ባጋና ሌፌቴዳ ማሻፔካ ኣꬊዴ ኩሴ። ሄ ቃላይ ሼምፑኔ ኣያናይ፥ ኩሪኔ ኮልዚ ኢቲፔ ጋኬቲያሳ ሻካና ጋካናው ጫዴ። ቃሲ ኣሳ ዎዛናን ዴዒያ ኮሻኔ ቆፋ ኢ ሻኬ። 13 ኑኒ ኦꬂያዋ ዎቺያ ፆሳ ሲንꬃን ኡባባይካ ቤቲያዋፔኔ ቆንጪያን ዴዒያዋፔ ኣቲን፥ ኣ ኣይፊያን ጌሚያ ሜꬌታይ ኣያይኔ ባዋ።