3 ሂንቴንቱ ሂንቴንቱ ዎዛና ባዪዚዴ ዳቡሬና ማላ፥ ናጋራንቻቱ ባሬና ዳሮ ኢፂናካ ጌንጬዳ ዬሱሳ ቆፒቴ። 4 ናጋራና ሂንቴንቱ ባፄቲዴ፥ ሱꬃ ጉሳና ጋካናው ቢሮ ኦሌቲ ዲጊቤይኪታ። 5 ፆሳይ ባሬ ናናዳን፥ ሂንቴንታ ዞሪያዋ ዶጌዲቴ? ፆሳይ ሂንቴንታ፥

14 ኣሳ ኡባና ሳሮ ዴዓናው ሚኒቴ፤ ቃሲ ጌሻ ዴዑዋ ዴዒቴ። ኣዪሲ ጎፔ፥ ጌሻቴꬃይ ባይናን ኦኒኔ ጎዳ ቤዓናው ዳንዳዬና። 15 ፆሳ ኣꬎ ኬካቴꬃ ኦኒኔ ኣኬናን ኣቴና ማላ ናጌቲቴ፤ ቃሲ ዶላዴ፥ ባሬ ማርዚያን ኣሳ ዋዪሲያ ጫሞ ሚꬃዳን ሃኒዴ፥ ኦኒኔ ዳሮ ኣሳ ቱኒሴና ማላ ናጌቲቴ። ዛር 29፡18 16 ዎሹማናው ካጄሊያ ኣሳይ ኦኒኔ ዴዔና ማላ፥ ዎይ ቃሲ ኢቲ ጌዴ ሚያባው ባሬ ባይራቴꬃ ዛሊዔዳ፥ ኣያናባ ካዉሺሲያ ኤሳ ማላ ኣሳይካ ዴዔና ማላ ናጌቲቴ። ዶም 25፡29-34 17 ሄዋፔ ጉዪያን፥ ኤሳይ ባሬ ኣቡ ኣንጁዋ ኣካናው ኮዬዳዋ ኤሪታ፤ ሺን ኣ ኣቡ ኣ ኣንጄናን ኢፄዳ፤ ኣዪሲ ጎፔ፥ ናጋራፔ ሲሚያ ኦጊያ ኢ ሃራይ ኣቶ፥ ኣፎፂ ኮዪዴካ ዴማናው ዳንዳዪቤና። ዶም 27፡30-40

18 ሂንቴንቱ ቦቻናው ዳንዳዪያ ዴሪያኮኔ ኤፂያ ታማኮ፥ ꬉማኮ፥ ሻሪያኮኔ ጎቱዋኮ፥ ኬስ 19፡16-22፤ 20፡18-21፤ ዛር 4፡11-12፤ 5፡22-27 19 ቃሲ ማላካታ ዋሱዋኮኔ ቃላ ኮሻኮ ዪቤይኪታ። ኣሳይ ሄ ኮሻ ሲሴዳ ዎዴ፥ ሃራ ጉጂ ሲሴና ማላ ዎሴዳ። 20 ኣዪሲ ጎፔ፥ ፆሳይ ኡንቱንታ፥ «ሃራይ ኣቶ፥ ዶዓይካ ሄ ዴሪያ ቦቾፔ፥ ሹቻን ጫዴቲዴ ሃይቆ» ያጌዳ ኣዛዙዋ ኡንቱንቱ ጌንጫናው ዳንዳዪቤዪኪኖ። ኬስ 19፡12-13 21 ኣይፊያን ቤቲያዌ ዳሮ ዳጋንꬂያዋ ጊዲያ ዲራው ሙሴ፥ «ታኒ ያሻን ኮኮራይ» ያጌዳ። ዛር 9፡19

22 ሺን ሂንቴንቱ ፂዮኔ ዴሪያ፥ ዴዖ ፆሳይ ዴዒያ ካታማ፥ ኢቲፔ ሺቂዴ ናሼቲያ ዳሮ ሻዓ ኪታንቻቱዋኮ ሳሉዋ ዬሩሳላሜ ዬዲታ። 23 ፆሳ ባይራ ናናቱዋኮ፥ ኢቲፔ ሺቄዳዋንቱኮ፥ ኡንቱንቱ ሱንꬃይ ሳሉዋን ፃፌቴዳዋንቱኮ ዬዲታ፤ ቃሲ ኣሳ ኡባ ፒርዲያ ፆሳኮኔ፥ ባላይ ባይናዋንታ ኦꬄዳ ፂሎ ኣሳቱዋ ኣያናቱዋኮ ዬዲታ። 24 ኦራꬃ ጫቆ ጋናቲያ ዬሱሳኔ ኣቤላ ሱꬃፔ ኣꬊያዋ ኦዲያ ጉኬዳ ሱꬃኮ ዬዲታ። ዶም 4፡10

25 ሂንቴንቱሲ ኦዲያ ኡራ ዬዉዋ ሲሲያዋ ሂንቴንቱ ኢፄና ማላ፥ ሂንቴንታ ናጊቴ። ፆሳ ኪታ ሳዓን ባሬንቶ ኦዲያዌ ኦዲያዋ ሲሴናን ኢፄዳዋንቱ ኣታና ꬋዮፔ፥ ሳሉዋን፥ «ሂንቴና ናጊቴ» ጊያ ፆሳፔ ኑኒ ዋኒዴ ኣታኔ? ኬስ 20፡22 26 ሄ ዎዴ ኣ ኮሻይ ሳዓ ቃꬄዳ፤ ሺን ኢ ሃዒ፥ «ታኒ ሳዓ ፃላላ ጊዴናን፥ ኢቲ ጌዴ ጉጃዴ ሳሉዋካ ቃꬃና» ያጌዳ። ሃግ 2፡6 27 «ኢቲ ጌዴ ጉጃዴ» ጊያ ቃላይ ቃፄናባይ ሚኒዴ ዴዓና ማላ፥ ሜꬌቴዳባይ ቃፃናዋኔ ኪቻናዋ ጌሺዴ ቤሴ።

28 ኑኒ ቃፃናው ዳንዳዬና ካዉቴꬃ ኣኪያ ዲራው፥ ኣኔ ፆሳ ጋላቶይቴኔ ኣ ናሼቾይቴ፤ ኣው ቤሲያዋዳን ቦንቹዋኒኔ ያሻቴꬃን ኣው ጎዪኖይቴ። 29 ኣዪሲ ጎፔ፥ ኑ ፆሳይ ቱሙ ባዪዚያ ታማ። ዛር 4፡24