1 አያዉ ጎፐ፥ ህገዉ ያና ሎኦባ ኤሹዋ ጻላላይ ደኤ፤ አዉ ቱሙ ሌምሱ ባዋ። ኡባ ዎደ ላይꬃን ላይꬃን እት ማላ ያርሹ ያርሸቴ፤ ሄዋ ድራዉ፥ ህጊ ጾሳኮ ሺቅያ አሳ ሄ ያርሹዋን ባላይ ባይና አሳ ኦꬃናዉ ኡባካ ዳንዳየና። 2 ጾሳዉ ጎይንያ አሳይ ባረ ናጋራፐ ኡባና ጌዬዳባ ግድንቶ፥ ሱረ ዎዛናን ላኤንꬁዋ ናጋራ ቆፐና፤ ቃይ ያርሽያዋካ አጋና። 3 ሽን አሳይ ላይꬃን ላይꬃን ሄ ያርሹዋን ባረ ናጋራ ሀሳዬ። 4 አያዉ ጎፐ፥ ኮሩማ ሱꬃይነ ዴሻ ሱꬃይ ናጋራ ꬋይሳናዉ ኡባካ ዳንዳየና።
5 ሄዋ ድራዉ፥ ክርስቶስ ሀ አላምያ ያና ሀኒደ፥ ሀዋዳን ያጌዳ፤
11 ቄሳቱዋ ኡባቱ ሀቼ ሀቼ ኤቂደ፥ ባረ ኦሱዋ ኦꬂኖ፤ ቃይ ናጋራ ꬋይሳናዉ ኡባካ ዳንዳየና እት ማላ ያርሹዋ ዛር ዛሪደ ያርሺኖ። [b] 12 ሽን ክርስቶስ ናጋራ ድራዉ፥ ኡባ ዎደዉ ግዴዳ እት ያርሹዋ ያርሺደ፥ ጾሳፐ ኡሸቻ ባጋና ኡት አጌዳ። [c] 13 ጾሳይ ስንꬃፐ ክርስቶሳ ሞርከቱዋ ክርስቶሳዉ ገድያን የꬍያዋ ኦꬃና ጋካናዉ፥ ያን ናጌ። 14 አያዉ ጎፐ፥ እ እት ገደ ያርሼዳዋን፥ ናጋራፐ ጌዬዳዋንታ መꬍናዉ ባላይ ባይናዋንታ ኦꬄዳ።
15 ቃይ ጌሻ አያናይ ኑዉ ማርካቲደ፥ ሀዋዳን ያጌ፤
23 ኑዉ እማና ጌዳ ጾሳይ አማንꬅያ ድራዉ፥ ኑን ደማና ጊደ ናሸቻን ናግ ኡቴዳዋ ሎይꬅ ኦይቆይተ። 24 እቱ እቱዋና ዋን ሲቀታነንቶነ ቃይ ሎኦ ኦሱዋ ዎት ኦꬃነንቶ፥ እቱ እቶ ቆፔቶ። 25 እቱ እቱ ሺቁዋ ዶያ ኦꬂደ ሺቅያዋዳን፥ ኑንካ እትፐ ሺቅያዋ አጎኮ፤ ሽን ጎዳ ጋላሳይ ማታትያዋ ህንተንቱ በእያ ድራዉ፥ እቱ እቱዋ መንꬄቶ።
26 ኑን ቱማተꬃ ኤራ አክ ድጊደ፥ ኤሪደ ናጋራ ኦꬅያዋ ግዶፐ፥ ሀዋፐ ስንꬃዉ ናጋራ ꬋይስያ ያርሹ እትባይነ ባዋ። 27 ሽን ያሽያ ፕርዳ ናግያዌነ ጾሳ እጽያ ኡባ ማናዉ ዎልቃማ ታማይ ደኤ። [g] 28 ሙሴ ህገዉ አዛዘተና ኡራይ፥ ላኡ ኡራይ ዎይ ሄዙ ኡራይ አ ቦላ ማርካቶፐ፥ ቃረት ባይናን ሀይቄ። [h] 29 ጾሳ ናኣ ካꬌዳ ኡራይ፥ ባረና ናጋራፐ ጌሼዳ ጾሳ ጫቁዋ ሱꬃ ቱናባዳን ቆፔዳ ኡራይ፥ ቃይ አꬎ ኬካተꬃ ጌሻ አያና ቦርያ ኡራይ፥ አይ ኬና ኢታ ፕርዳ አካናዉ በስንቶነ አነ ቆፕተ። [i]
30 አያዉ ጎፐ፥ “ታን ሀሉዋ ከሳናነ ኩሽያ ዛራና” ጌዳዋ ኑን ኤሬቶ፤ ቃይካ፥ “ጎዳይ ባረ አሳ ፕርዳና” ያጌዳ። [j] 31 ደኡዋ ጾሳ ኩሽያን ኩንዳናዌ ዳሮ ያሽያዋ።
32 ህንተንቶ ጾሳ ፖኡ ፖኤዳዋፐ ጉይያን፥ ህንተንቱ ዳሮባን ዋየቲደ፥ ዎልቃማ ዋታን ገንጬዳ በን ዎድያ ሀሳይተ። 33 እት እት ገደ ህንተንታ አሳ ስንꬃን ቦሬድኖነ ፓጻ ካኤድኖ፤ ቃይ ሀራ ዎደ ሄዋዳን ኦꬄዳዋንቱናነ እትፐ ደኤድታ። 34 አያዉ ጎፐ፥ ቃሹዋን ደእያ አሳቶ ህንተንቱ ቃረቴድታ፤ ያቲደ ህንተንቶ መꬍናዉ ዉረና ኡባፐ አꬍያ ሻሉ ሳሉዋን ደእያዋ ህንተንቱ ሁጰዉ ኤሬዳ ድራዉ፥ ህንተባ ኡባ አክ ድጎፐ ህዶታን ገንጬድታ።
35 ሄዋ ድራዉ፥ ዎልቃማ ዎይታና ደእያ ህንተንቱ ጻላተꬃ ኦሎፕተ። 36 ጾሳይ ኮይያዋ ኦꬂደ፥ እ ህንተንቶ እማና ጌዳዋ አካናዉ ገንጫና ኮሼ። 37 አያዉ ጎፐ፥ ጾሳ ማጻፋይ፥