1 ኣዪሲ ጎፔ፥ ሂጌው ያና ሎዖባ ኤሹዋ ፃላላይ ዴዔ፤ ኣው ቱሙ ሌሚሱ ባዋ። ኡባ ዎዴ ላይꬃን ላይꬃን ኢቲ ማላ ያርሹ ያርሼቴ፤ ሄዋ ዲራው፥ ሂጊ ፆሳኮ ሺቂያ ኣሳ ሄ ያርሹዋን ባላይ ባይና ኣሳ ኦꬃናው ኡባካ ዳንዳዬና። 2 ፆሳው ጎዪኒያ ኣሳይ ባሬ ናጋራፔ ኡባና ጌዬዳባ ጊዲንቶ፥ ሱሬ ዎዛናን ላዔꬁዋ ናጋራ ቆፔና፤ ቃሲ ያርሺያዋካ ኣጋና። 3 ሺን ኣሳይ ላይꬃን ላይꬃን ሄ ያርሹዋን ባሬ ናጋራ ሃሳዬ። 4 ኣዪሲ ጎፔ፥ ኮሩማ ሱꬃይኔ ዴሻ ሱꬃይ ናጋራ ꬋዪሳናው ኡባካ ዳንዳዬና።
5 ሄዋ ዲራው፥ ኪሪስቶሲ ሃ ኣላሚያ ያና ሃኒዴ፥ ሃዋዳን ያጌዳ፤
11 ቄሳቱዋ ኡባቱ ሃቼ ሃቼ ኤቂዴ፥ ባሬ ኦሱዋ ኦꬂኖ፤ ቃሲ ናጋራ ꬋዪሳናው ኡባካ ዳንዳዬና ኢቲ ማላ ያርሹዋ ዛሪ ዛሪዴ ያርሺኖ። [b] 12 ሺን ኪሪስቶሲ ናጋራ ዲራው፥ ኡባ ዎዴው ጊዴዳ ኢቲ ያርሹዋ ያርሺዴ፥ ፆሳፔ ኡሼቻ ባጋና ኡቲ ኣጌዳ። [c] 13 ፆሳይ ሲንꬃፔ ኪሪስቶሳ ሞርኬቱዋ ኪሪስቶሳው ጌዲያን ዬꬊያዋ ኦꬃና ጋካናው፥ ያኒ ናጌ። 14 ኣዪሲ ጎፔ፥ ኢ ኢቲ ጌዴ ያርሼዳዋን፥ ናጋራፔ ጌዬዳዋንታ ሜꬊናው ባላይ ባይናዋንታ ኦꬄዳ።
15 ቃሲ ጌሻ ኣያናይ ኑሲ ማርካቲዴ፥ ሃዋዳን ያጌ፤
23 ኑሲ ኢማና ጌዳ ፆሳይ ኣማንꬂያ ዲራው፥ ኑኒ ዴማና ጊዴ ናሼቻን ናጊ ኡቴዳዋ ሎይꬂ ኦይቆይቴ። 24 ኢቱ ኢቱዋና ዋኒ ሲቄታኔንቶኔ ቃሲ ሎዖ ኦሱዋ ዎቲ ኦꬃኔንቶ፥ ኢቱ ኢቱዋሲ ቆፔቶ። 25 ኢቱ ኢቱ ሺቁዋ ዶያ ኡዲዴ ሺቂያዋዳን፥ ኑኒካ ኢቲፔ ሺቂያዋ ኣጎኮ፤ ሺን ጎዳ ጋላሳይ ማታቲያዋ ሂንቴንቱ ቤዒያ ዲራው፥ ኢቱ ኢቱዋ ሜንꬄꬄቶ።
26 ኑኒ ቱማቴꬃ ኤራ ኣኪዲጊዴ፥ ኤሪዴ ናጋራ ኦꬂያዋ ጊዶፔ፥ ሃዋፔ ሲንꬃው ናጋራ ꬋዪሲያ ያርሹ ኢቲባይኔ ባዋ። 27 ሺን ያሺያ ፒርዳ ናጊያዌኔ ፆሳ ኢፂያ ኡባ ማናው ዎልቃማ ታማይ ዴዔ። [g] 28 ሙሴ ሂጌው ኣዛዜቴና ኡራይ፥ ላዑ ኡራይ ዎይ ሄዙ ኡራይ ኣ ቦላ ማርካቶፔ፥ ቃሬቲ ባይናን ሃይቄ። [h] 29 ፆሳ ናዓ ካꬌዳ ኡራይ፥ ባሬና ናጋራፔ ጌሼዳ ፆሳ ጫቁዋ ሱꬃ ቱናባዳን ቆፔዳ ኡራይ፥ ቃሲ ኣꬎ ኬካቴꬃ ጌሻ ኣያና ቦሪያ ኡራይ፥ ኣይ ኬና ኢታ ፒርዳ ኣካናው ቤሲንቶኔ ኣኔ ቆፒቴ። [i]
30 ኣዪሲ ጎፔ፥ «ታኒ ሃሉዋ ኬሳናኔ ኩሺያ ዛራና» ጌዳዋ ኑኒ ኤሬቶ፤ ቃሲካ፥ «ጎዳይ ባሬ ኣሳ ፒርዳና» ያጌዳ። [j] 31 ዴዑዋ ፆሳ ኩሺያን ኩንዳናዌ ዳሮ ያሺያዋ።
32 ሂንቴንቱሲ ፆሳ ፖዑ ፖዔዳዋፔ ጉዪያን፥ ሂንቴንቱ ዳሮባን ዋዬቲዴ፥ ዎልቃማ ዋꬌታን ጌንጬዳ ቤኒ ዎዲያ ሃሳዪቴ። 33 ኢቲ ኢቲ ጌዴ ሂንቴንታ ኣሳ ሲንꬃን ቦሬዲኖኔ ፓፃ ካዔዲኖ፤ ቃሲ ሃራ ዎዴ ሄዋዳን ኦꬄዳዋንቱናኔ ኢቲፔ ዴዔዲታ። 34 ኣዪሲ ጎፔ፥ ቃሹዋን ዴዒያ ኣሳቱዋሲ ሂንቴንቱ ቃሬቴዲታ፤ ያቲዴ ሂንቴንቱሲ ሜꬊናው ዉሬና ኡባፔ ኣꬊያ ሻሉ ሳሉዋን ዴዒያዋ ሂንቴንቱ ሁጴው ኤሬዳ ዲራው፥ ሂንቴባ ኡባ ኣኪዲጎፔ ሂዶታን ጌንጬዲታ።
35 ሄዋ ዲራው፥ ዎልቃማ ዎዪታና ዴዒያ ሂንቴንቱ ፃላቴꬃ ኦሎፒቴ። 36 ፆሳይ ኮዪያዋ ኡዲዴ፥ ኢ ሂንቴንቱሲ ኢማና ጌዳዋ ኣካናው ጌንጫና ኮሼ። 37 ኣዪሲ ጎፔ፥ ፆሳ ማፃፋይ፥