1 ሾሻይ መꬍና ጎዳይ ጾሳይ መꬌዳ ዶኣ ኡባፐ አꬌዳ ገናንቻ። እት ጋላስ ሾሻይ ሄ ምሽራቶ፥ “ጾሳይ ቱሙ ህንተንታ፥ ‘ገነትያን ደእያ ምꬃ ቴራ ኡባፐ ሞፕተ’ ጌዴ?” ያጊደ ኦቼዳ። [a]
2-3 ምሽራታ ሾሻዉ ዛራደ፥ “ቱይት፥ ጾሳይ ሀዋዳን ግቤና፤ ኑን ገነትያን ደእያ ምꬃቱዋ ቴራ ማናዉ ዳንዳዬቶ፤ ሽን ጾሳይ ኑና፥ ገነትያ ግዱዋን ደእያ ምꬃ ቴራ ሞፕተ፤ ቦቾፕተ፤ ሄዌ ꬋዮፐ ህንተንቱ ሀይቃንታ ጌዳ” ያጋዱ።
4 ሾሻይ ምሽራቶ፥ “ቱይት፥ ህንተንቱ አይነ ሀይቂክታ፤ 5 ጾሳይ ሄዋ ጌዳዌ፥ ሄ ምꬃ ቴራ ህንተንቱ ሞፐ፥ ህንተንቱ አይፊ ዶየትና፥ ሎኡዋነ ኢታ ጾሳዳን [b] ህንተንቱ ኤራናዋ እ ኤርያ ድራሳ” ያጌዳ።
6 ምሽራታ ሄ ምꬃ ቴራይ ማናዉ ማልእያዋ፥ ጼላናዉ ሎእያዋ፥ ቃይ አሳይ አꬌዳ ኤራ ደማናዉ አሞይያዋ ግድያዋ በኣዱ፤ ሄ ምꬃ ቴራፐ አካደ ማዱ፤ ቃይ ባረናና ደእያ ባረ አስናዉካ ሄዋፐ እምና፥ እካ ሜዳ።
7 ሄዋፐ ኡንቱንቱ ላኡዋ አይፊካ ዶየቴዳ፤ ያትና ኡንቱንቱ ባረንቶ ካሎ ጺራ ደእያዋ ኤሬድኖ፤ ባላስያ ግያ ምꬃ ሀይꬃ ስኪደ፥ ባረንቶ ቃንꬃን ዳንጬድኖ።
8 ሳአይ ኦማርሴዳ ዎደ፥ ገነትያ ግዱዋን መꬍና ጎዳይ ጾሳይ ሀመትሽን፥ አ ኮሻ ብታኒነ አ ማቻታ ስሴድኖ፤ ኡንቱንቱ ገነትያ ምꬃ ግዶን መꬍና ጎዳ ጾሳፐ ቆሰቴድኖ። 9 ሽን መꬍና ጎዳይ ጾሳይ ብታንያ ጼሲደ፥ “አዳማ፥ ሀቃን ደአይ?” ያጌዳ።
10 ብታኒ፥ “ገነትያ ግዱዋን ነ ኮሻ ስሳደ፥ ታን ካሎ ደእያ ድራዉ፥ ያያደ ቆሰታድ” ያጌዳ።
11 መꬍና ጎዳይ ጾሳይ አ፥ “ ‘ኔን ካሎ ደኣሳ’ ጊደ ነዉ ኦዴዳዌ ኦኔ? ታን ኔና፥ ‘ሞፓ’ ጋደ አዛዜዳ ምꬃ ቴራፐ ማድዬ?” ያጊደ ኦቼዳ።
12 ሽን እ፥ “ታናና ደአናዳን ኔን እሜዳ ማጫውና ሄ ምꬃ ቴራፐ ታዉ እምና ማድ” ያጌዳ።
13 መꬍና ጎዳይ ጾሳይ ሄዋፐ ጉየ ማቻቶ፥ “ኔን ሄዋ አያዉ ኦꬃድ?”[c] ያጊደ ኦቼዳ።
16 ምሽራቶካ መꬍና ጎዳይ ጾሳይ፥ “ነ ሻሃሮ ዎደ ዳሮ ቱጋታና፤ ቃይ ኔን ዎልቃማ ኦይꬃን ናና የላና። ግዶፐነ ኔን ነ አስናና ደአናዉ አሞታና፤ እ ኔና ሞዳና” ያጌዳ።
17 ብታንያካ መꬍና ጎዳይ ጾሳይ ሀዋዳን ያጌዳ፤ “ኔን ነ ማቻት ኦዱዋ ስሴዳ ድራዉነ ታን ኔና፥ ‘ሄ ምꬃ ቴራ ሞፓ’ ጋደ አዛዜዳ ምꬃ አይፍያ ኔን ሜዳ ድራዉ፥ ቢታይ ነ ጋሱዋን ሸቀቴዳዋ ግዶ! ኔን ነ ደኡዋ ላይꬃ ኡባን ዎልቃማ ዳቡራን ቢታ ጎሻደ ማና። [f] 18 ቢታይ ነዉ አጉንꬃነ ካሽያ ዶላና፤ ኔን ዎራን ዶሌዳዋ ማና። 19 ኔን ቢታዉ ስማና ጋካናዉ፥ ዳቡራን ነ ሶምእ ጫዋትና ኦꬄዳ ነ ቁማ ማና፤ አያዉ ጎፐ፥ ኔን ቢታፐ አከታዳ፤ ኔን ባና፤ ኔን ባናዉ ስማና” ያጌዳ።
20 አዳመ ባረ ማቻቶ ሄዋኖ [g] ጊደ ሱንꬄዳ፤ አያዉ ጎፐ፥ እዛ ደኡዋን ደእያ አሳ ኡባዉ አቶ።
21 መꬍና ጎዳይ ጾሳይ አዳማዉነ አ ማቻትዉ ጫላ ጊግሲደ ኡንቱንታ ማይዜዳ።
22 ሄዋፐ ጉየ መꬍና ጎዳይ ጾሳይ፥ “ስም አሳይ ኑፐ እቱዋዳን ሎኡዋነ ኢታ ኤርያዋ ግዴዳ። እ ባረ ኩሽያ የዲደ፥ ደኡዋ ምꬃፐ አኪደ፥ ቃይ ሜና ማላነ መꬍናዉ ደኡዋን ደኤና ማላ ተኤታናዉ ኮሼ” ያጌዳ። 23 ሄዋ ድራዉ፥ እ ባረ አከቴዳ ቢታ ኦꬃና ማላ፥ መꬍና ጎዳይ ጾሳይ ኤደነ ገነትያፐ አ ከሴዳ። 24 አ ከስ ድጊደ፥ ደኡዋ ምꬃኮ አፍያ ኦግያ ናጋና ማላ፥ ክሩቤላ ግያ ኪታንቻቱዋነ አꬍ አꬍ ዎꬍያ ታማ ላጩዋ ማሻ ኤደነ ገነትያፐ አዋይ ዶልያ ባጋና ዎꬄዳ።
<- ዶመꬃ 2ዶመꬃ 4 ->