1 ሄ ዎደ እት ሌዊያ ቆሞ ግዴዳ ብታኒ ሌዋዌ ማጫውኖ አኬዳ፤ 2 እዛ ሻሃራደ አቱማ ናኣ የላዱ። ናአይ ማላ ሎኦ ናኣ ግድያዋ እዛ በኣደ፥ ሄዙ አግና ቆሳዱ። 3 ሽን እዛ ሄዋፐ ዳሩዋ ቆሳናዉ ዳንዳየናዋ ኤራደ፥ ጫርያፐ ቁንኣ አዉ ዳዳዱ፤ ያታደ ሃꬃይ ገለና ማላ ሽድያን ማራጋደ፥ ናኣ አ ግዶን ዎꬃዱ፤ ናይለ ሻፋ ጌተትያ ሃꬃ ዶናን ጫርያ ግዶን ዎꬃዱ። 4 አ ምቻታ እ ሀንያባ በአናዉ ሃኩዋን ኤቃዱ።
5 ግብጼ ካትያ ናታ ቦላ ሜጨታናዉ ናይለ ግያ ሻፋ ዎꬋዱ፤ እዝ ማጫ ቆማቱ ሃꬃ ዶናን ያነ ሃነ ሀመቲኖ፤ እዛ ቁንኣ ጫርያ ግዶን በኣደ፥ ባደ አካ ያና ማላ ባረ ቆማቶ ኪታዱ፤ 6 ቁንኣ ፖካደ፥ በእተ ሀዋን ቄር ናአይ ዬክ ደኤ፤ እዛ አዉ ቃረታደ፤ “ሀዌ እብራዌቱ ቄር ናናቱዋፐ እቱዋ” ያጋዱ።
7 ሄ ዎደ አ ምቻታ ካትያ ናቶ፥ “ነዉ ሀ ናኣ ꬋንꬃናዉ እብራዌ ማጫ አሳፐ እትኖ ጼሳናዉ ቦ?” ያጋደ ኦቻዱ።
8 እዛ፥ “ኤ፥ ባ” ያጋዱ። ናታ ባደ፥ ሄ ናኣ ዳዮ አሃዱ። 9 ካትያ ናታ ሄ ምሽራቶ፥ “ሀ ናኣ አፋደ፥ ታዉ ꬋንꬃሻ፤ ታን ነዉ ድርጉዋ ጭጋና” ያጋዱ። ምሽራታ ናኣ አፋደ፥ ꬋንꬃዱ። 10 ናአይ ድጭና፥ ካትያ ናትኮ አ አሃዱ፤ እ እዝዉ ናኣ ግዴዳ፤ “ታን ሃꬃፐ አ ከሳድ” ጋደ፥ ሙሳ ጋ ሱንꬃዱ።[a]
15 ካቲካ ሀዋ ስሴዳ ዎደ፥ ሙሳ ዎꬋናዉ ኮዬዳ፤ ሽን ሙሴ ካትያፐ ባቃቲደ፥ ሚድያማ ጋድያን ደአናዉ ቢደ ሃꬃ ኦላ ዶናን ኡቴዳ። [d] 16 ሄ ዎደ ሚድያማ ቄሳቱዋፐ እቶ ላፑን ማጫ ናናይ ደኢኖ፤ ኡንቱንቱ ባረንቱ አዉዋ ዶርሳቱዋ ሃꬃ ኡሻናዉ ዎንግርያን ሃꬃ ዱቂ ኩንꬃናዉ ዬድኖ። 17 ሄንꬃንቻቱ ዪደ ማጫ ናና የደርሴድኖ፤ ሽን ሙሴ ደንድ ኤቂደ፥ ኡንቱንታ አሼዳነ ኡንቱንቱ ዶርሳቱዋ ሃꬃ ኡሼዳ። 18 ኡንቱንቱ ባረንቱ አዉዋ ዮቶረኮ ዬዳ ዎደ፥ “ሀቼ ዋን ኤለካ ዬድቴ?” ያጊደ ኦቼዳ። [e] 19 ኡንቱንቱ ዛሪደ፥ “ግብጼ ጋደ አሳ እቱ ኑና ሄንꬃንቻቱዋፐ አሼዳ፤ እ ኑዉ ሃꬃካ ዱቂደ ዶርሳ ዉድያ ኡሼዳ” ያጌድኖ። 20 እ ባረ ማጫ ናና፥ “ያትና እ ሀቃን ደኢ? ህንተንቱ ሄ ብታንያ አያዉ አግ ባሼድቴ? አነ አ ጼሲደ፥ ምያባ ሾቢተ” ያጌዳ። 21 ሙሴ ሄ ብታንያና ያን ደአናዉ ማየቴዳ፤ ብታኒካ ባረ ናቶ ጽፓሮ ሙሴዉ ማቻቶ ኦꬂደ እሜዳ። 22 ጽፓራ አቱማ ናኣ የልና፥ ሙሴ አ፥ “ታን አሳ ጋድያን በተ ግዳድ” ያጊደ፥ ገርሾማ ግ ሱንꬄዳ።
23 ጮራ ላይꬃፐ ጉይያን፥ ግብጼ ካቲ ሀይቄዳ። እስራኤላቱ ባረንቱ አይለተꬃፐ ኡንኤቲደ ዋሴድኖ፤ ኡንቱንቱ ዋሴዳ ዋሱ ፑደ ጾሳኮ ጋኬዳ። 24 ጾሳይ ኡንቱንቱ ኡንኣ ዋሱዋ ስሲደ፥ እ አብራሃመና፥ ይሳቃናነ ያቆባና ጫቄዳ ጫቁዋ ሀሳዬዳ። [f] 25 ሄዋ ድራዉ፥ ጾሳይ እስራኤላቱዋ ጼሊደ ኡንቱንቱ ድራዉ ቆፔዳ። [g]
<- ከሳ 1ከሳ 3 ->