1 ሳኦል እስጽፋኖሰ ሀይቁ ሎአ ግ አኬዳ። ሄ ጋላስ የሩሳላመን ደእያ አማንያዋንቱ ቦላ ዎልቃማ የደርሱ ደንዴዳ፤ የሱስ ኪቴዳዋንቱፐ አትን፥ አማንያዋንቱ ኡባቱ ይሁዳ ጋድያንነ ሳማርያ ጋድያን ላለቴድኖ። 2 ጾሳ አሳቱ እስጽፋኖሳ ሞጌድኖ፤ ቃይ አዉ ዳሮ ዬኬድኖ። 3 ሽን ሳኦል አማንያ አሳ ꬋይሳናዉ ባጸቴ፤ ኡባ ጎልያ ገል ገሊደ፥ አቱማ አሳነ ማጫ አሳ ጎች ጎቺደ፥ ቃሾ ጎለ የዴ።

4 ላለቴዳ አማንያዋንቱ ቃላ ኦዲደ፥ ኡባሳ ቤድኖ። 5 ፕልጶስ ሳማርያ ካታማ ዎꬊደ፥ ክርስቶሳባ አሳዉ ኦዴዳ። 6 ጮራ አሳይ ፕልጶስ ጌዳዋ ዳርስ አኬኪደ ስሴዳ፤ እ ኦꬅያ ማላታካ በኤዳ። 7 አያዉ ጎፐ፥ ኢታ አያናቱ ኮሻ ꬎቁ ኦꬅ ሃሳዪደ፥ ጮራ አሳፐ ከሴድኖ፤ ቃይ ጮራ ስሌዳዋንቱነ ዎባቱ ፓጼድኖ። 8 ሄ ካታማን አሳይ ዳሮ ናሸቴዳ።

9 ሽን ስሞና ጌተትያ እት ብታኒ ካሰ፥ ባረና ዎልቃማ ግ ካዪድ፥ ሳማርያ አሳ፥ “ላ ሀዌ አይበ ኦራꬃቤ” ጊሲደ ሄ ካታማን ደኤዳ። 10 ጉꬃተꬃፐ ዶሚደ፥ ዎጋተꬃ ጋካናዉ፥ አሳይ ኡባይ፥ “ጾሳ ዎልቃይ ዳሮ ዎልቃማይ ሀዋ” ጊደ አባ ስሴ። 11 ዳሮ ዎድያፐ ዶሚደ፥ ካዩዋን ሳማርያ አሳ “ላ ሀዌ አይባ ኦራꬃቤ” ጊሴዳ ድራዉ፥ አሳይ አባ ስሴ። 12 ሽን ፕልጶስ ጾሳ ካዉተꬃባነ የሱስ ክርስቶሳ ሱንꬃባ አቱማዋንቶነ ማጫዋንቶ ምሽራቹዋ ኦዲደ፥ ኡንቱንቱ አባ አማኒደ ጻማቀቴድኖ። 13 ቃይ ስሞንካ ባረ ሁጰዉ አማኒደ ጻማቀቴዳዋፐ ጉይያን፥ ፕልጶሳና እትፐ ደኢደ፥ ኦሰትያ ማላታነ ጾሳይ ኦꬄዳ ዎልቃማ ማላታ በኢደ ማላለቴዳ።

14 የሱስ ኪቴዳ የሩሳላመን ደእያዋንቱ፥ ሳማርያ አሳይ ጾሳ ቃላ አኬዳዋ ስሴዳ ዎደ፥ ጰጽሮሳነ ዮሃንሳ ኡንቱንቱኮ የዴድኖ። 15 ጰጽሮስነ ዮሃንስ ዎꬊደ፥ አማንያዋንቱ ጌሻ አያና አካና ማላ፥ ኡንቱንቶ ጾሳ ዎሴድኖ፤ 16 አያዉ ጎፐ፥ ሳማርያ አሳቱ ጎዳ የሱሳ ሱንꬃን ጽንቃታ ጻላላ ጻማቀቴዳዋፐ አትን፥ ኡንቱንቱፐ እቱዋ ቦላንነ ጌሻ አያናይ ዎꬍቤና። 17 ሄ ዎደ ጰጽሮስነ ዮሃንስ ባረንቱ ኩሽያ ኡንቱንቱ ቦላ ዎꬆዋፐ ጉይያን ኡንቱንቱ ጌሻ አያና አኬድኖ።

18 የሱስ ኪቴዳዋንቱ ባረንቱ ኩሽያ ኡንቱንቱ ቦላ ዎꬅና፥ ኡንቱንቶ ጌሻ አያናይ እመቴዳዋ ስሞን በኤዳ ዎደ፥ ጰጽሮሳስነ ዮሃንሳዉ ሚሻ አሂደ፥ 19 “ታንካ ታ ኩሽያ ዎꬅያ ኡባይ ጌሻ አያና አካና ማላ፥ ሀ ማታ ታዉካ እሜርክቴ” ያጌዳ።

20 ሽን ጰጽሮስ አዉ ሀዋዳን ያጌዳ፤ “ኔን ጾሳ እሞታ ሚሻን ሻማናዉ ቆፔዳ ድራዉ፥ ነ ሚሻይ ኔናና ጮ ꬋዮ። 21 ነ ዎዛናይ ጾሳ ስንꬃን ሱረ ግደና ድራዉ፥ ነዉ ሀዋን ግሹ ባዋ። 22 ያቶዋፐ ጉይያን ሀ ነ ዎዛና ኢታ ቆፋ ድራዉ፥ ናጋራፐ ስማ፤ ኦን ኤር ነ ዎዛናን ደእያ ኢታ ቆፋ ጾሳይ አቶ ጋነንቶነ ጾሳ ዎሳ። 23 አያዉ ጎፐ፥ ኔን ዳሮ ቃናትያ ኦይቃደ ናጋራ ቃሹዋን ደእያዋ ታን በአይ” ያጌዳ።

24 ሄዋፐ ጉየ ስሞን ጰጽሮሳስነ ዮሃንሳዉ ዛሪደ፥ “ህንተንቱ ጌዳዋፐ እትባይነ ታና ጋከና ማላ፥ ህንተ ታዉ ጾሳ ዎስተ” ያጌዳ።

25 ጰጽሮስነ ዮሃንስ ማርካቴዳዋፐነ ጎዳ ቃላ ኦዴዳዋፐ ጉይያን፥ ጉየ የሩሳላመ ስሜድኖ፤ ያቲደ ሳማርያን ደእያ ዳሮ ቄር ካታማቱዋን ምሽራቹዋ ቃላ ኦዴድኖ።

26 ጎዳ ኪታንቻይ ፕልጶሳ፥ “ደንዳደ የሩሳላመፐ ጋዛ አፍያ አስ ባይና መላ ሳኣ ኦግያኮ ባ፤ ሄ ኦጊ አዋይ ከስያሳ ጼልያ ዎደ ኡሸቻ ዱገሃ ባጋና ደኤ” ያጌዳ። 27 ፕልጶስ ደንዲደ ቤዳ። ህንደኮ ጌተትያ ቶጵያ ካታትዉ ቢታ ሞድያ እ ሚሻ ኡባካ ናግያ ቶጵያ አሳ ግዴዳ እት ሹፋይ ደእያዌ ጎይናናዉ የሩሳላመ ቤዳ። 28 ፓራይ ጎችያ ጋርያን ኡቲደ፥ የሩሳላመፐ ጉየ ስሚደ፥ ናብያ ኢስያሳ ማጻፋ ናባቤ።

29 ጌሻ አያናይ ፕልጶሳ፥ “ሄ ጋርያኮ ሺቃደ እትፐ ግዳ” ያጌዳ።

30 ፕልጶስ ዎጽ ዪደ፥ ናብያ ኢስያሳ ማጻፋ ሹፋይ ናባብሽን ስሲደ አ፥ “ኔን ናባብያዋ አኬካይ?” ያጌዳ።

31 ሹፋይ፥ “ታዉ ኦዲደ አኬክስያ አሳይ ባይናን ዋኒደ አኬከቲ?” ያጌዳ፤ ቃይ ባረናና ጋርያን ከሲደ ኡታና ማላ፥ ፕልጶሳ ዎሴዳ። 32 ሹፋይ ናባብያ ማጻፋይ፥

እ ዛሪደ፥ “የሱስ ክርስቶስ ጾሳ ናኣ ግድያዋ ታን አማናይ” ያጌዳ።

38 ጋር ኤቃና ማላ ሹፋይ አዛዝና፥ እነ ፕልጶስ ላአቱ ዱገ ዎꬊደ፥ ሃꬃን ገልና ፕልጶስ አ ጻማቄዳ። 39 ኡንቱንቱ ሃꬃፐ ጋጻ ከሴዳ ዎደ፥ ጎዳ አያናይ ፕልጶሳ ልጵ ኦꬂደ፥ አፍ አጌዳ፤ ላኤንꬁዋ ሹፋይ ፕልጶሳ በእቤና፤ ሽን ባረ ኦግያ ናሸቲደ ቤዳ። 40 ፕልጶስ ባረ ሁጰዉ አዞጾሳን ደእያዋ ኤሬዳ፤ ቃይ ቂሳርያ ያና ጋካናዉካ፥ ካታማ ኡባን ዩዪደ ምሽራቹዋ ቃላ ኦዴ።

<- ኪቴዳዋንቱ ኦሱዋ 7ኪቴዳዋንቱ ኦሱዋ 9 ->