3 ኡንቱንቱ ጾሜዳዋፐነ ዎሴዳዋፐ ጉይያን፥ ባረንቱ ኩሽያ ባርናባሳ ቦላንነ ሳኦላ ቦላን ዎꬂደ፥ ኡንቱንታ የዴድኖ።

6 ኡንቱንቱ ቆጲሮሳ ሃꬃን ዶደቴዳ ሳኣ ኡባ ጳፉ ጋካናዉ ዩዪደ፥ ናብያ እት ዎርዳንቻ፥ አይሁዳ አሳ ባር-የሱሳ ግያ ሻሬቹዋ ደሜድኖ። 7 ሄ ሻሬቹ ጋድያ ሞድያ ሳርግዮሳ ጳዉሎሳ ግያ አኬካንቻ ብታንያና ደኤ። ሳርግዮሳ ጳዉሎሳ ባርናባሳነ ሳኦላ ባረኮ ጼሲደ፥ ጾሳ ቃላ ስሳናዉ ኮዬዳ። 8 ሽን ሻሬቹዋ ኤልማስ (ግሪከ ቃላን ሄዌ አ ሱንꬃ) ጋድያ ሞድያዋ አማኑዋ ድጋናዉ ኮዪደ፥ ኡንቱንቱ ሃሳያ ጳልቄዳ።

9 ሽን ጳዉሎሳ ግያ ሳኦል ባረናን ጌሻ አያናይ ኩምና፥ ሻሬቹዋ ጫድ ጼሊደ፥ 10 አ፥ “ላ ሀ ጻላህያ ካፑዋ ናአዉ፥ ገነተꬃይ ኡባይነ ኢታተꬃይ ኡባይ ኩሜዳዎ፥ ጽሎተꬃ ኡባ ሞርከዉ፥ ጎዳ ኦግያ ሱርያ ጌላይያዋ አግኪ? 11 በአ፤ ሀእ ጎዳ ኩሺ ነ ቦላ ደኤ፤ ኔን ቆቃ ግዳና፤ አማሬዳ ዎዲ ጋካናዉ፥ አዋ ፖኡዋ በአካ” ያጌዳ።

16 ጳዉሎስ ደንድ ኤቂደ፥ ባረ ኩሽያን ጾርሲደ፥ ሀዋዳን ያጌዳ፤ “እስራኤልያ አሳቶ፥ ጾሳዉ ያይያዋንቶ ስስተ። 17 ሀ እስራኤልያ አሳ ጾሳይ ኑ አዎቱዋ ዶሪደ፥ ግብጼ ጋድያን እማꬃተꬃን ኡንቱንቱ ደእሽን፥ ኡንቱንታ ጮርሴዳ፤ ባረ ዎልቃማ ዎልቃንካ ግብጼ ጋድያፐ ኡንቱንታ ከሴዳ። [c] 18 ባዙዋን ኦይታሙ ላይꬃ ኬና ኑ አዎቱዋ እ ዳንዳዬዳ። [d] 19 ካናነ ግያ ጋድያን አይሁዳ ግደና ላፑ ካዉተꬃ ꬋይሲደ፥ ኡንቱንቱ ጋድያ ባረ አሳ ላትሴዳ። [e] 20 ሄዋፐ ጉይያን፥ ናብያ ሳሜላ ዎድያ ጋካናዉ፥ ኦይዱ ጼታነ እሻታሙ ላይꬃ ኬና ዳናቱዋ ኡንቱንቶ እሜዳ። [f] 21 ሄዋፐ ጉይያን፥ ኡንቱንቱ ባረንቶ ካትያ እማና ማላ ዎስና፥ ጾሳይ ቢንያማ ዛርያፐ ቂሳ ናኣ ሳኦላ ኦይታሙ ላይꬃዉ ካተታና ማላ፥ ኡንቱንቶ እሜዳ። [g] 22 ጾሳይ ሳኦላ ሻሬዳዋፐ ጉይያን፥ ኡንቱንቱ ቦላ ዳዊተ ካተታና ማላ፥ አ ደንꬄዳ፤ ዳዊተባ ማርካቲደ፥ ‘ታን ኮይያ ኡባባ ታ ዎዛናዳን ኦꬅያ እሰይ ናኣ ዳዊታ ደማድ’ ያጌዳ። [h]

23 “ጾሳይ፥ ‘ታን ዳዊታ ዛርያፐ እስራኤልያ አሳ አሽያዋ አሀና’ ቃላ ገሌዳዋዳንካ፥ የሱሳ አሄዳ። 24 የሱስ ያናፐ ካሰ እስራኤልያ አሳይ ኡባይ ባረንቱ ናጋራፐ ስሚደ ጻማቀታና ማላ፥ ዮሃንስ ቃላ ኦዴዳ። [i] 25 ቃይ ዮሃንስ ባረ ኦሱዋ ዉርሳና ሀኒደ አሳ፥ ‘ታና ኦና ጊደ ቆፒቴ? ታን ህንተ ናግያዋ ግድከ፤ ሽን በእተ፥ አ ገድያ ጫማ ቃሹዋካ ገድያፐ ብላናዉ ታዉ በሰናዌ ታፐ ጉየና ዬ’ ያጌዳ።

26 “ታናዳን አማንያዋንቶ፥ አብራሃመ ዘረꬃቶ፥ ቃይ ሀዋን አይሁዳ ግደናዋንቶ ጾሳዉ ያይያዋንቶ፥ ሀ አቶተꬃ ቃላይ ኑዉ ኪተቴዳ። 27 አያዉ ጎፐ፥ የሩሳላመን ደእያ አሳይነ ኡንቱንቱ ካፓቱ የሱሳነ ሳምባታ ጋላሳ ኡባን ናባበትያ ናባቱዋ ቃላ አኬክቤና ድራዉ፥ አ ቦላ ፕርዲደ፥ ናባቱዋ ቃላ ፖሌድኖ። 28 የሱሳ ዎꬍሳናዉ እት ጋሱካ ኡንቱንቶ ቤተናን እጽና፥ ጵላጾስ አ ዎꬋና ማላ ዎሴድኖ።

29 “ኡንቱንቱ የሱሳባይ ጾሳ ማጻፋን ጻፈቴዳዋ ኡባ ፖሌዳ ዎደ፥ ማስቃልያፐ አ ዎꬂደ ሞጌድኖ። 30 ሽን ጾሳይ ሀይቁዋፐ የሱሳ ደንꬄዳ። 31 ሄዋፐ ጉይያን እ ባረናና ጋሊላፐ የሩሳላመ ዬዳ አሳቶ ጮራ ጋላሳ ቤቴዳ ኡንቱንቱ ሀእ አባ አሳዉ ማርካቲኖ።

32 “ጾሳይ ኑ አዋቶ እማና ጌዳ ዎንጋላ ምሽራቹዋ ኑን ህንተንቶ ኦዴቶ። 33 ዳዊተ ማዝሙርያ ማጻፋን ላኤንꬆ ሸምፑዋን፥