1 ስም ታ ናአዉ፥ ክርስቶስ የሱሳን ደእያ አꬎ ኬካተꬃን ምና። 2 ቃይ ዳሮ ማርካቱ ደእያ ሳን ታፐ ኔን ስሴዳ የዋቱዋ ሀራቱዋ ታማርሳናዉ ዳንዳይያ አማነቴዳ አሳቶ ሀዳራ እማ።

3 ክርስቶሳ የሱሳዉ አማነቴዳ ዎታዳራዳን፥ ታናና ዋየታ። 4 ኦላ ብያ ዎታዳራይ ባረ ካፑዋ ናሸቻናዉ፥ ዎታዳራ ግደና አሳይ ኦꬅያ ኪታን ዋላከተና። 5 ቃይ ዎꬃን ኬሰትያ ኡራይካ ዎጋዳን ዎጻና ꬋዮፐ፥ ዎይታ አከና። 6 ዳሮ ዳቡሪደ ኦꬄዳ ቢታ ጎሽያ ብታኒ ሺቄዳ ካꬃፐ ባረና ጋክያዋ ኮይሮ አካናዉ በሴ። 7 ኔን ኡባባ አኬካናዳን፥ ጎዳይ ኔና ዳንዳይሳና ድራዉ፥ ታን ግያዋ ቆፓ።

8 ታን ዎንጋላ ምሽራቹዋ ኦድያዋዳን፥ ሀይቁዋፐ ደንዴዳ ዳዊተ ዛርያ የሱስ ክርስቶሳ ቆፓ። 9 ታን ዎንጋላ ምሽራቹዋ ኦድያ ድራዉ፥ ኢታባ ኦꬄዳዋዳን፥ ሀራይ አቶ ቃሸታና ጋካናዉ ዋየታይ። ሽን ጾሳ ቃላይ ቃሸተና። 10 ሄዋ ድራዉ፥ ታን ጾሳይ ዶሬዳ አሳቱካ ክርስቶስ የሱሳን ደእያ አቶተꬃ መꬍና ቦንቹዋና ደማናዳን፥ ኡንቱንቱ ድራዉ፥ ታን ኡባባን ዋየታይ።

11 ሀዌ፥

14 ኔን ነ አሳ ሀዋ ሀሳይሳ፤ ኡንቱንቱ ቃላን ፓሉመተና ማላ፥ ጾሳ ስንꬃን ዞራ። ሄዌ ስስያ አሳ ባይዝያዋፐ አትን፥ አይነ ጎኤና። 15 ኔን ጾሳ ቱማተꬃ ቃላ ሱረተꬃን ኦድያዋነ ቃይ አ ኦሶ ዬላተና ኦሳንቻ ግዳደ፥ ጾሳይ ሳቢያ አሳዳን፥ ነ ሁጲያ ጾሳዉ እማናዉ ምና። 16 ሽን ሀ ሳአዉ እንጀትያ ማደና ሃሳያፐ ኔና ናጋ። አያዉ ጎፐ፥ ሄዌ ጾሳፐ አሳ ሃሴ። 17 ቃይ ኡንቱንቱ ታማርስያዌ ቦላ ጭቱዋዳን ኡባሳ ጋካናሳ። ሄ ታማርስያዋንቱፐ ላአቱ ሄመነዮሳነ ፕሊጾሳ። 18 ኡንቱንቱ ቱሙዋ ኦግያ አጊደ፥ “ሀይቁዋፐ ደንድያዌ ካሰ አꬍድጌዳ” ያጊደ አማሬዳ አማንያ አሳቱዋ አማኑዋ ባይዚኖ።

19 ግዶፐካ፥ ጾሳይ ኤሴዳ ምኖ ቱሳይ ቃጻና ዳንዳየና። ቃይ አ ቦላን፥ “ጎዳይ ባረዋንታ ኤሬ”፤ ቃይ “ጎዳዋ ግድያ ኦንነ ኢታ ኦሱዋ አጎ” ያግያ ቃላቱ ጻፈቴድኖ። [a]

20 እት ዎልቃማ ጎለን ዎርቃፐነ ብራፐ መቴዳ ሚሻ ጻላላ ግደናን፥ ምꬃፐነ ኡርቃፐ መቴዳ ሚሻቱካ ደኢኖ። ሄዋንቱፐ ባጋቱ ቦንቾ ኦሱዋ ኡንቱንቱን ኦꬃናዉ፥ ቃይ ባጋቱ ቶሸትያባ ኡንቱንቱን ኦꬃናዉ መቴድኖ። 21 ሄዋ ድራዉ፥ ኦንነ ሀ ኢታባ ኡባፐ ባረና ጌሾፐ፥ እ ባረ ጎዳ ጎእያ ኦሱዋ ኦꬃናዉ ባረና እሜዳ ድራዉ፥ ቦንቾ ኦሱዋ ኦꬅያ ሚሻ ግዳናዋ። ቃይ ሎኦ ኦሱዋ ኡባ ኦꬃናዉ ጊገቴዳዋ ግዳናዋ።

22 ሽን ኔን ኢታ ዎዳላተꬃ አሙዋፐ ባቃታ። ባረንታ ማዳናዉ ጌሻ ዎዛናፐ ጎዳ ጼስስያዋንቱና እትፐ፥ ጽሎተꬃ፥ አማኑዋ፥ ሲቆተꬃነ ሳሮተꬃ ምንሳደ ካላ።

23 ሽን ኤያቱዋ ፓሉሚነ አይነ ኤረናዋንቱ ፓሉሚ ዋላሳ ካለꬅያዋ ኤራደ አፐ ባቃታ። 24 ጎዳ ቆማይ ኡባዉ ኬክያዋ፥ ሎይꬅ ታማርስያዋነ ዳንዳያንቻ ግዳናዉ በሴፐ አትን፥ ዋላቀታናዉ በሰና። 25 ቃይ እ ባረና እጽያዋንታ አሽከተꬃን ሴርያዋ ግዳናዉ በሴ። ኡንቱንቱ ባረንቱ ናጋራፐ ስሚደ፥ ቱማተꬃ ኤራናዳን ጾሳይ ኦꬃነንቶ፥ ኦን ኤር። 26 ቃይ ኡንቱንቱ ባረንቱ ዎዛና ቆፋዉ ስሚደ፥ ኡንቱንታ ባረ ኮዬዳባዉ አዛዘታና ማላ ኦይቄዳ ጻላህያ ካፑዋ ዳባፐ ከስ አካና።

<- 2 ጽሞቶሳ 12 ጽሞቶሳ 3 ->