1 ይሁዳ ካቲ አካዝ ካተቴዳ ታማነ ላኤንꬆ ላይꬃን፥ ኤልያ ናአይ ሆሴእ እስራኤልያ ቦላ ሳማርያ ካታማን ካተቴዳ፤ እ ኡዱፑን ላይꬃ ካተቴዳ። 2 መꬍና ጎዳ ስንꬃን እ ኢታባ ኦꬄዳ፤ ግዶፐነ አፐ ካሰ ደኤዳ እስራኤልያ ካተቱ ኦꬄዳዋ ኬሻ ኢታ ኦꬅቤና።

3 አሶረ ካቲ ሻልማንኤሰር ዪደ፥ አናና ኦላ ጋከቴዳ፤ ሆሴእ ጾነቲደ፥ አዉ ጊራ ጊሬዳ። 4 ሽን አማሬዳ ላይꬃፐ ስምና፥ ካቲ ሆሴእ ሶእ ግያ ግብጼ ካትያዉ ኪታ የዲደ፥ ባረና ማዳና ማላ ኦቼዳ። ያቲደ ካሰዋዳን አሶረ ካትያዉ ጊርያዋ አግ ባሼዳ። ካቲ ሻልማንኤሰር ሄዋ ስሲደ፥ አ ኦይꬂደ፥ ቃሾ ጎልያ ገልሴዳ።

መꬍና ጎዳይ ኡንቱንታ፥ “ህንተንቱ ዩሹዋን ደእያ ደረ አሳቱ ኦꬅያዋዳን ኦꬆፕተ” ግ ዎꬅና እጺደ፥ ኡንቱንቱ ኡንቱንቱ ደኡዋ ዎጋ ካሌድኖ። 16 መꬍና ጎዳ ባረንቱ ጾሳ አዛዙዋ ኡባ አግ አጌድኖ። ማራ ማላትያ፥ ላኡ ጎይንያ ምስለቱዋነ አሼሮ ግያ ጾሳቱ ምስልያ መꬌድኖ። ሳሉዋን ደእያ ጾልንትያ ኡባዉ ጎይኔድኖነ ባኣላ ግያ ኤቃዉ ኦꬄድኖ።[c] 17 ኡንቱንቱ ባረንቱ አቱማ ናናነ ማጫ ናና ታማን ጹጊደ ያርሼድኖ። ካይያዋነ ሞይትልያ ሃሳይስያዋ ዶዬድኖ። ሄዋዳን ኢታባ ኦꬃናዉ ባረንቱ ሁጲያ ዛልኢደ፥ መꬍና ጎዳ ሀንቀꬄድኖ።[d] 18 ሄዋ ድራዉ፥ መꬍና ጎዳይ እስራኤልያ አሳ ሎይꬅ ሀንቀቴዳ፤ ኡንቱንታ ባረ ስንꬃፐ ድጌዳ። ይሁዳ ዛርያ ጻላላይ አቴዳ።

19 ሽን ይሁዳ አሳቱካ መꬍና ጎዳ ባረንቱ ጾሳ አዛዙዋ ናግበይክኖ፤ ኡንቱንቱ እስራኤልያ አሳይ ዶሜዳ ደኡዋ ዎጋ ካሌድኖ። 20 ሄዋ ጋሱዋን መꬍና ጎዳይ እስራኤልያ ዘረꬃ ኡባ አግ ባሼዳ። እ ኡንቱንቱ ቱጋዪደ፥ ባረ ስንꬃፐ ድጋና ጋካናዉ፥ ኡንቱንታ ቦንቅክያዋንቱ ኩሽያን የግ ባሼዳ።

21 መꬍና ጎዳይ እስራኤልያ አሳ ዳዊታ ዘረꬃቱዋ ካዉተꬃፐ በን ሻኬዳ ዎደ፥ እስራኤልያ አሳይ ናባጻ ናኣ እዮርባማ ባረንቶ ካተዬድኖ። ሄዋፐ ጉይያን፥ እስራኤልያ አሳይ መꬍና ጎዳ ካለናዳን እዮርባም ድጌዳ፤ እ ኡንቱንታ ዎልቃማ ናጋራ ኦስሴዳ። 22-23 መꬍና ጎዳይ ትምቢትያ ኦድያ ባረ ቆማቱዋ ኡባቱዋ ባጋና ካሰ ኦድ ዎꬄዳዋዳን፥ ባረ ስንꬃፐ ድጋና ጋካናዉ፥ እስራኤልያ አሳይ እዮርባም ኦꬄዳ ናጋራ ኡባ ኦꬄዳ። ሄዋ ድራዉ፥ እስራኤልያ አሳይ ባረንቱ የለቴዳ ጋድያፐ ኦሞደቲደ፥ አሶረ ጋድያ ቤድኖ፤ ኡንቱንቱ ሀኖ ጋካናስካ ያን ደኢኖ።

24 ሄዋፐ ጉይያን፥ አሶረ ካቲ ባብሎነ ቢታን ደእያ ኩታ፥ ኢዋ፥ ሀማታነ ሳፋርዋይማ ጌተትያ ካታማቱዋን ደእያ አሳ አሂደ እስራኤልያ አሳ ሳኣን ሳማርያ ካታማቱዋን ዎꬄዳ። ኡንቱንቱ ሄ ካታማቱዋ ላቲደ፥ ኡንቱንቱን ደኤድኖ።

25 ኡንቱንቱ ኮይሮ ያን ደኡሳ ዶሜዳ ዎደ፥ መꬍና ጎዳዉ ጎይንቤይክኖ። ሄዋ ጋሱዋን መꬍና ጎዳይ ኡንቱንቱ ግዶ ጋሞቱዋ የዴዳ፤ ጋሞቱ ኡንቱንቱ ግዶፐ አማሬዳዋንታ መንሬꬂደ ዎꬌድኖ። 26 ያትና አሶረ ካትያ፥ “ኔን ደንꬃ አፋደ ሳማርያ ካታማቱዋን ዎꬄዳ አሳይ ሄ ቢታ ጾሳ ዎጋ ኤረና። ኤረናዋ ጋሱዋን እ ኡንቱንታ መንሬꬅ ዎꬍያ ጋሞቱዋ ኡንቱንቱ ቦላ የዴዳ” ያጊደ ኦዴድኖ።

27 አሶረ ካቲ፥ “ህንተንቱ ሳማርያፐ ኦሞዲደ አሄዳ ቄሳቱ ዋፐ እቱዋ ዛሪደ፥ ያ የድተ። እ ያን ደኢደ፥ ሄ ቢታ ጾሳ ዎጋ ኡንቱንታ ታማርሶ” ያጊደ አዛዜዳ። 28 ሄዋ ድራዉ፥ ሳማርያፐ ኦሞዲደ አፌዳ ቄሳቱ ዋፐ እቱ ቤቴለን ደአናዉ ዬዳ፤ መꬍና ጎዳዉ ጎይንያ ዎጋ ኡንቱንታ ታማርሴዳ።

29 ግዶፐነ ሳማርያ ዪደ ኡቴዳ አሳይ ባረዉ ጎይንያ ኤቃ ምስለቱዋ ባረ ደእያ ሳኣን ደእያ ሳኣን መꬌዳ። ሳማርያ አሳይ ኬጼዳ ጎይንያ ꬎቃ ግሹዋን ዎꬄዳ። 30 ሄዋ ማራን ባብሎነ አሳይ ሱኮት-ባኖባ ግያ ኤቃ ምስለቱዋ መꬌዳ። ኩታ አሳይ ነርጋላ ግያ ኤቃ ምስለቱዋ መꬌዳ። ሀማታ አሳይ ቃይ እሺማ ግያ ኤቃ ምስለቱዋ መꬌዳ። 31 ኢዋ አሳይ ንብሃዛነ ታርታቃ ጌተትያ ꬋማሻቱዋ ምስለቱዋ መꬌዳ። ሳፋርዋይማ አሳይ ቃይ አድራመሌካነ አናመለካ ጌተትያ ባረንቱ ጾሳቶ ባረንቱ ናና ታማን ጹጊደ ያርሼዳ። 32 ኡንቱንቱ መꬍና ጎዳዉ ያዬድኖ፤ ሽን ባረንቱ ግዶፐ ዱማ ዱማ አሳ ዶሪደ፥ ያርሽያ ꬎቃ ግሹዋን ቄሳቱዋ ኦꬂደ ሱንꬄድኖ። 33 ኡንቱንቱ መꬍና ጎዳዉ ያዬድኖ፤ ሽን ባረንቱ ዬዳ ቢታ ቢታ አሳ ሜዝያ ካሊደ፥ ባረንቱ ጾሳቶካ ጎይኔድኖ። 34 ኡንቱንቱ ሀቼ ጋካናስካ ካሰ ባረንቱ ሜዝያዳን ኦꬂኖ።

ኡንቱንቱ ቱሙፐ መꬍና ጎዳዉ ያይክኖ ዎይ መꬍና ጎዳይ እስራኤልያ ጊደ ሱንꬄዳ ያቆባ ዘረꬃዉ እሜዳ አዋዩዋነ ዎጋ፥ ህግያነ አዛዙዋ ናግክኖ። [e] 35 መꬍና ጎዳይ እስራኤልያ አሳና በን ጫቀቴዳ ዎደ፥ ኡንቱንታ ሀዋዳን ያጊደ አዛዜዳ፤ “ሀራ ጾሳቶ ጎይኖፕተ፤ ኡንቱንቶ ጉልባቶፕተ፤ ኡንቱንቶ ኦꬆፕተ ዎይ ኡንቱንቶ ያርሾፕተ። [f] 36 ሽን ግብጼፐ ህንተንታ ባረ ዎልቃማ ዎልቃንነ ባረ ምጨቴዳ ኩሽያን ከሴዳ መꬍና ጎዳዉ ኦꬅተ፤ አዉ ጉልባትተ፤ አዉ ያርሹዋ ያርሽተ። [g] 37 ታን መꬍና ጎዳይ ህንተንቶ ጻፌዳ አዋዩዋነ ዎጋ፥ ህግያነ አዛዙዋ ኡባ ዎደ ናግተ፤ ሀራ ጾሳቶ ጎይኖፕተ። 38 ታን ህንተናና ጫቀቴዳ ጫቁዋ ዶጎፕተ፤ ሀራ ጾሳቶካ ጎይኖፕተ። 39 ሄዋ አጊደ፥ መꬍና ጎዳዉ ህንተንቱ ጾሳዉ ጎይንተ። ህንተንቱ ሞርከቱዋ ኡባፐ ህንተንታ አሻናዌ ታና” ያጊደ አዛዜዳ። 40 ኡንቱንቱ አዉ ኤኖ ገናን እጺደ፥ ካሰ ባረንቱ ዶያካ ባቂ ኦይቄድኖ።

41 ሄ አሳቱ መꬍና ጎዳዉ ያዪደካ፥ እት ባጋና ባረንቱ ኤቃ ምስለቶ ጎይኒኖ። ሀቼ ጋካናስካ ኡንቱንቱ ዘረꬃይ ኡንቱንቱ አዎቱ ጎይንያዋዳን ጎይኒደ ደኤ።

<- 2 ካታቱዋ 162 ካታቱዋ 18 ->