1 ታን ጳዉሎስ፥ ህንተ፥ “እ ኑናና ደእያ ዎደ አሽከ” ግያዌ፥ ቃይ፥ “ኑፐ ሃክ ደእያ ዎደ ኑ ቦላ ጻሌ” ግያዌ፥ ሎአነ አሽከ ግዴዳ ክርስቶሳ ባጋና ህንተና ዎሳይ። 2 ኑና ሀ ሳኣ ዶያዳን ደኢኖ ጊደ ቆፕያ እት እት አሳቱዋ ቦላ ታን ጻላናዋ ኤራይ፤ ሽን ታን ህንተኮ ብያ ዎደ ህንተ ታና ጻልሰና ማላ፥ ህንተና ዎሳይ። 3 አያዉ ጎፐ፥ ኑን ሀ ሳኣን ደኦፐካ፥ ሀ ሳኣ አሳዳን ኦለቶኮ። 4-5 አያዉ ጎፐ፥ ኑን ኦለትያ ቶራይ ሀ ሳኣዋ ግደና። ሽን ጌሱዋ ላላናዉ ዎልቃና ደእያ ጾሳ ቶራ። ኑን አሳ ቆፋ ꬋይሴቶ፤ ቃይ ጾሳ ኤራተꬃ ቦላ ደንዲደ ꬉቢያ ኦቶሮ ቆፋ ኡባ ላሌቶ። ሄ ቆፋ ኡባይ ክርስቶሳዉ አዛዘታና ማላ ኦሞዴቶ። 6 ህንተ አዛዘትያዋ ፖሌዳዋፐ ጉይያን፥ አዛዘተናን እጽያዋ ኡባ ኑን ሙራናዉ ጊገታና።

7 ህንተ ስንꬃን ደእያዋ ጼልተ፤ ኦንነ ባረና ክርስቶሳዋ ጊደ ቆፖፐ፥ ሄዋ ጉጅ ቆፖ፤ ክርስቶሳዋ እ ግዴዳዋዳን፥ ኑንካ ቃይ አዋ። 8 አያዉ ጎፐ፥ ጎዳይ ኑዉ እሜዳ ኑ አዎተꬃን ታን ሎይꬃ ኦቶረትያዋ ግዶፐካ፥ ሄዋን ዬላትከ፤ ሄ ኑዉ እሜዳ አዎተꬃይ ህንተና ኬጻናሳፐ አትን፥ ኮላናሳ ግደና። 9 ታን ታ ዳብዳቢያን ህንተና ያሽሳናዉ ጻፎ አሳ ማላታደ ቤታናዉ ኮይከ። 10 አያዉ ጎፐ፥ እት እት አሳይ፥ “ጳዉሎሳ ዳብዳቢ ዴጾነ ዎልቃማ፤ ሽን ጼልያ ዎደ እ ዳቡራንቻ፤ አ ሃሳያይካ ፓና” ያጌ። 11 ሄዋ ማላ አሳይ ኑን ሃኩዋን ደኢደ ጻፍያ ዳብዳቢያንነ ያን ህንተናና ደኢደ ኦꬅያ ኦሱዋን ዱማተꬅ ባይናዋ አኬካና ኮሼ።

12 ኑን ባረና ናሽያ እት እት አሳቱዋና ኑና ፓይዳናዉ ዎይ ልክሳናዉ ኮዮኮ፤ ሽን ኡንቱንቱ ባረና እቱ እቱዋና ልክሲድነ ቃይ ባረና እቱ እቱዋና ቃራዪደ፥ ኡባና ኤዬድኖ።

13 ሽን ኑን ጾሳይ ኑዉ ኤሴዳ ዛዋ ግዶን ጬቀትያዋፐ አትን፥ ሄ ዛዋፐ ፕኒደ ጬቀቶኮ፤ ሄ ዛዋይ ህንተኮካ ጋኬ። 14 ኑን ህንተኮ ጋክቤናዋ ማላቲደ፥ ዛዋ ፕኖኮ፤ አያዉ ጎፐ፥ ኑን ክርስቶሳ ምሽራቹዋ ቃላ ኦዲደ፥ ህንተኮ ካሰ ጋኬዶ። 15 ኑን ጾሳይ ኤሴዳ ዛዋ ፕኒደ፥ ሀራ አሳይ ኦꬄዳ ኦሱዋን ጬቀቶኮ፤ ሽን ህንተ አማኑ ድጭ ድጭ ብያ ዎደ፥ ኑን ህንተ ግዶን ኦꬅያ ኦሱዋ ዛዋይ ካሰዋፐ ሎይꬅ አክ አክ ባናዋ ጊደ ቆፔቶ። 16 ኑን ምሽራቹዋ ቃላ ህንተ ደኢያሳፐ ህን ባጋን ኦዳና፤ ቃይ ሀራ ዛዋን ኦሰት ድጌዳ ኦሱዋንካ ጬቀቶኮ። 17 ሽን ጾሳ ማጻፋይ፥