1 አካዝ ካተትያ ዎደ፥ ላይꬃይ አዉ ላታማ፤ እ የሩሳላመን ታማነ ኡሱፑን ላይꬃ ካተቴዳ። አካዝ ባረ ማይዛ አዉ ዳዊተ ሱረባ ኦꬄዳዋዳን፥ መꬍና ጎዳ ስንꬃን እ ሱረባ ኦꬅቤና፤ 2 እ ካሰ ደኤዳ እስራኤልያ ካተቱዋ ኦግያን ሀመቴዳ። ባኣላዉ ጎይናናዳን ናሃስያ ሲልሲደ፥ ምስልያ መꬌዳ። 3 ቃይ ህኖማ ዛንጋራን እጻና ጩዋዬዳ፤ መꬍና ጎዳይ እስራኤልያ አሳ ስንꬃፐ ላጊደ ከሴዳ አሳቱዋ ደኡዋ ዎጋ፥ ሄ ሸነይያዋ ቁሊደ፥ ባረ አቱማ ናና ታማን ጹጊደ፥ ኤቃዉ ያርሼዳ። 4 አካዝ አሳይ ጎይንያ ꬎቃ ግሹዋን፥ ደረቱዋ ሁጲያንነ ዳሻ ምꬃ ኡባ ጋርሳን ያርሹዋ ያርሼዳነ እጻና ጩዋዬዳ።
5 ሄዋ ድራዉ፥ መꬍና ጎዳይ አ ጾሳይ አ ሶርያ ካትያ ኩሽያን አꬅ እሜዳ። ኡንቱንቱ አ ጾኒደ፥ አ አሳፐ ዳሮ አሳ ኦሞዲደ፥ ዳማስቆ አፌድኖ። ቃይካ ጾሳይ አ እስራኤልያ ካትያ ኩሽያዉ አꬅ እምና፥ ካቲ ኢታ ሾቻ ሾጬዳ። [a] 6 ይሁዳ አሳይ መꬍና ጎዳ ባረንቱ ማይዛ አዎቱዋ ጾሳ አጌዳ ድራዉ፥ ራማልያ ናአይ ፓቁህ ይሁዳ ኦላንቻቱዋፐ ጼታነ ላታሙ ሻአ ምኖ አሳቱዋ እት ጋላስ ዎꬌዳ። 7 ኤፍሬማ ዛርያ ግድያ ምኖ ኦላንቻይ ዚክር ካትያ ናኣ ማእሴያ፥ ካትያ ጎለዉ አዎትያ አዝርቃማነ ካትያ ካሊደ ደእያ ኤልቃና ዎꬌዳ። 8 እስራኤልያ አሳይ ባረንቱ ዳባቱዋፐ ላኡ ጼቱ ሻአ ማጫ አሳ፥ አቱማ ናናነ ማጫ ናና ኦሞዴድኖ፤ ቃይ ኡንቱንቱ ሎይꬅ ዳሮ ኦሞዱዋ አኪደ፥ ሳማርያ አፌድኖ።
12 ሄዋፐ ጉይያን፥ ኤፍሬማ ዛራቱዋ ካፓቱዋፐ ኦይዳቱ፥ ዮሀናና ናአይ አዛርያስ፥ ማሽለሞታ ናአይ በረኪ፥ ሻሉማ ናአይ ይህዝቀነ ሀድላያ ናአይ አማስ ኦላፐ ስሜዳዋንቱ ቦላ ደንዴድኖ። 13 ሄዋፐ፥ “ሄ ኦሞደቴዳ አሳቱዋ ህንተንቱ ሀዋ አሆፐ፥ ካሰ ኑን መꬍና ጎዳ ቦላ ኦꬄዳ ናጋራነ ናቁዋ ቦላ ሀራ ናቁዋ ጉጂታ። ኑ ናቁ ካሰካ ዳር ኡቴዳ ድራዉ፥ እስራኤልያ ቦላ ጾሳ ሀንቁ ዎꬌዳ” ያጌድኖ።
14 ሄዋ ድራዉ፥ ኦላንቻቱ ኦሞደቴዳ አሳቱዋነ ኦሞደቴዳ ሚሻ ካፓቱ ስንꬃንነ ኩመንꬃ ሽቁዋ ስንꬃን ሼꬌድኖ። 15 ሄዋፐ ጉይያን፥ ሱንꬃይ ሀዋፐ ቆሞና ጻፈቴዳ አሳቱ ደንድ ኤቂደ፥ ኦሞደቴዳ አሳቱዋ አኬድኖ። ኡንቱንቱ ግዶን ካሎ ደእያዋንታ ኦሞደቴዳዋፐ ማይዜድኖ፤ ኡንቱንቱ ሄ አሳቶ ማዩዋነ ጫማ እሜድኖ። ቃይ ኡንቱንቱ ምዜድኖነ ኡሸድኖ፤ ኡንቱንቱ ማዱꬃካ ዛይትያ ኦኬድኖ። ኡንቱንቱ ግዶን ዳቡሬዳ ኡባቱዋ ሀርያ ቶግሲደ፥ ኡንቱንቱ እሻቱዋኮ፥ ዛምባይ ደእያ ያርኮ ካታማ አሄድኖ። ሄዋፐ ጉይያን፥ ኡንቱንቱ ሳማርያ ስሜድኖ።
16 ሄ ዎደ ካቲ አካዝ አሶረ ካቲ ባረና ማዳናዳን ኪታ ኪቴዳ። 17 አያዉ ጎፐ፥ ኤዶማ አሳቱ ላኤንꬁዋ ይሁዳ ቦላ ማዪደ፥ ዳሮ አሳ ኦሞዲደ አፌድኖ። 18 ፕልስጼማ አሳቱ ቃይ ይሁዳ ባርጉዋነ ኔጌባ ዎራን ደእያ ካታማቱዋ ኦለቲደ ቤት-ሸመሻ፥ አያሎና፥ ጋደሮታ፥ ሶኮ፥ ትምና፥ ጊምዞነ ኡንቱንቱ ዩሹዋን ደእያ ሞꬃቱዋ ማይ ኦይቂደ፥ ያን ደኤድኖ። 19 ይሁዳ ካቲ አካዝ ይሁዳ አሳ ናጋራ ኦስሴዳ ግሻዉነ መꬍና ጎዳዉ አማነትቤና ድራዉ፥ መꬍና ጎዳይ ይሁዳ ካዉሼዳ። 20 ሄዋ ድራዉ፥ አሶረ ካቲ ትግላት-ፓለሴር አካዛኮ ዪደ፥ አ ቱጋዬዳፐ አትና ማድቤና። 21 አካዝ መꬍና ጎዳ ጌሻ ጎልያፐ፥ ካትያ ጎልያፐነ አሳ ካፓቱዋፐ ዳሮባ አኪደ፥ አሶረ ካትያዉ እሜዳ። ሽን ሄዋ ኦꬄዳዌካ አ አይነ ጎእቤና።
26 አካዝ ሀኔዳ ሀራባይነ እ ኦꬄዳባይ ኡባይ ኮይሮፐ ዉርሰꬃ ጋካናዉ ይሁዳ ካተቱነ እስራኤልያ ካተቱዋ ታርክያ ማጻፋን ጻፈት ኡቴዳ። 27 አካዝ ሀይቂደ፥ ባረ ማይዛን ጋከቴዳ። የሩሳላመ ካታማን አ ሞጌድኖ፤ ሽን እስራኤልያ ካተቱዋ ማካናን ሞግበይክኖ። አ ሳኣን አ ናአይ ህዝቂያሰ ካተቴዳ። [b]
<- 2 ኦዱዋ 272 ኦዱዋ 29 ->