3 ኡንቱንቱ፥ “እስራኤልያ ጾሳ ታቦታ ጉየ የድያዋ ግዶፐ፥ መላ የዶፕተ፤ አይ ሀኒደነ ህንተንቱ ባይዙዋ ያርሹዋ አዉ የድተ፤ ያቶፐ፥ ህንተንቱ ፓጻና፤ አ ኩሺ ህንተንቱ ቦላፐ አያዉ ክችቤነንቶካ ህንተንቱ ኤራና” ያጊደ ዛሬድኖ።
4 ፕልስጼማ አሳቱ፥ “ኑን አዉ የዳናዉ በስያ ባይዙዋ ያርሹ አዬ?” ያጊደ ኦቼድኖ።
7 “ሀእ እት ኦራꬃ ጋርያ ጊግስተ፤ ቃምባራይ ኡንቱንቱ ሞርግያን ዎꬍ ኤረና፥ ꬋንꬅያ ላኡ ሚዛቱዋ ሄ ጋርያን ዋጽተ፤ ሽን ማራቱዋ ኡንቱንቱፐ ዱꬂደ ሶይ አፍተ። 8 መꬍና ጎዳ ታቦታ አኪደ፥ ጋርያ ቦላን ዎꬅተ፤ ባይዙዋ ያርሾ ሺሼዳ ዎርቃ ሚሻ ሳጽንያ ግዶን የጊደ፥ ሳጽንያ ጾሳ ታቦታ ማታን ዎꬂደ፥ እ ባና ማላ የድተ። 9 ሽን እ ብያሳኣ ጼልተ፤ እ ባረ ዛዋ ኦይቂደ፥ ቤት-ሸመሽ ዛሪደ ብያዋ ግዶፐ፥ ሀ ዎልቃማ ቦሻ ኑ ቦላ አሄዳዌ መꬍና ጎዳ፤ ቤናዋ ግዶፐ፥ ሀዌ ኑ ቦላ ጮ ጋኬዳፐ አትና፥ ኑና ደቼዳዌ ጾሳ ኩሸ ግደናዋ ኑን ኤራና” ያጊደ ዛሬድኖ።
10 ኡንቱንቱ ሄዋዳን ኦꬄድኖ፤ ኡንቱንቱ ꬋንꬅያ ላኡ ሚዛቱዋ አኪደ፥ ጋርያን ዋጼድኖ፤ ሚዛቱ ማራቱዋካ ሶን ጎርዴድኖ። 11 ኡንቱንቱ መꬍና ጎዳ ታቦታነ ቃይ ዎርቃ ኤጨረቱዋነ ጋፉዋ ማላትስ መꬌዳ ምስለቱዋ የጌዳ ሳጽንያ ጋርያን ዎꬄድኖ። 12 ሄዋፐ ጉይያን፥ ሚዛቱ ቤት-ሸመሽ አፍያ ኦግያ ኦይቂ ስት ጊደ፥ “ህምባ!” ግ ዋሲደ ቤድኖ፤ ኡንቱንቱ ኦግያና ቢደ፥ ኡሸቻ ዎይ ሀድርሳ ስምበይክኖ፤ ፕልስጼማ ካፓቱ ሚዛቱ ጌዱዋ ካሊደ፥ ቤት-ሸመሻ ዛዋ ጋካናዉ ቤድኖ።
13 ቤት-ሸመሻ አሳቱ ሄ ዎደ ዎምባን ዛርጋ ጫኪኖ፤ ኡንቱንቱ ፑደ ꬎቁ ግ ጼሊደ፥ ታቦታ በኢደ ናሸቴድኖ። 14 ጋሪ ቤት-ሸመሽያ ኢያሱ ጋደ ጋኪደ፥ እት ዎልቃማ ዛላ ማታን ኤቄዳ፤ ኡንቱንቱ ጋርያ ምꬃ ቆኢደ፥ ጹግያ ያርሹዋዳን ሄ ሚዛቱዋ መꬍና ጎዳዉ ያርሼድኖ። 15 ሌዋቱ መꬍና ጎዳ ታቦታነ ዎርቃ ሚሻና ደእያ ሳጽንያ ጋርያፐ ደንꬂደ፥ ዎልቃማ ዛላ ቦላ ዎꬄድኖ። ሄ ጋላስ ቤት-ሸመሻ አሳቱ ጹግያ ያርሹዋ መꬍና ጎዳዉ ያርሼድኖ፤ ቃይ ሀራ ያርሾቱዋካ ያርሼድኖ። 16 ፕልስጼማ ካፓቱ እቼሻቱ ሀኔዳባ ኡባ በኢደ፥ ሄ ጋላስካ ኤቅሮና ስሜድኖ።
17 ፕልስጼማ አሳቱ ባይዙዋ ያርሹዋ መꬍና ጎዳዉ ኪቴዳ ዎርቃ ጋፋቱ አሽዶዳ፥ ጋዛ፥ አስቃሎና፥ ጋታነ ኤቅሮና ጌተትያ ኡንቱንታ እቼሹ ካታማቱዋ ሱንꬃን እቱዋ እቱዋ ኪቴዳዋንታ። 18 ዎርቃ ኤጨረቱ ፓይዱ ፕልስጼማ ካፓቱ እቼሻቶ ደእያ ግምበቴዳ ካታማቱነ ግምበትቤና ሞꬃቱ ኡባ ኬሻ። ኡንቱንቱ መꬍና ጎዳ ታቦታ ዎꬄዳ ዎልቃማ ዛላይ፥ ቤት-ሸመሽያ ኢያሱ ጋደን ደእያዌ ሀቼ ጋካናዉካ ሄዎ ማርካ ግዲደ ደኤ።
19 ሽን ጾሳይ ቤት-ሸመሻ አሳፐ አማሬዳዋንታ ሾጬዳ፤ ኡንቱንቱፐ ላፑን ታሙዋ ዎꬌዳ፤ አያዉ ጎፐ፥ ኡንቱንቱ መꬍና ጎዳ ታቦታ ግዶ ጼሌድኖ። መꬍና ጎዳይ ኡንቱንቱ አሳ ሱፑ ኦꬄዳ ድራዉ፥ አሳይ ዬኬዳ። 20 ሄዋ ድራዉ፥ ቤት-ሸመሻ አሳይ፥ “መꬍና ጎዳ ስንꬃን፥ ሀ ጌሻ ጾሳ ስንꬃን ኦን ኤቃናዉ ዳንዳዪ? ታቦታይነ ኑፐ ፑደ ኦኮ ባኔ?” ያጌዳ። 21 ቅርያት-ይኣሪማን ደእያ አሳቱዋኮ ኪታ የዲደ፥ “ፕልስጼማ አሳቱ መꬍና ጎዳ ታቦታ ዛሬድኖ፤ ዱገ ዪደ፥ አ ፑደ ኡንቱንቱኮ አኪደ ቢተ” ያጌድኖ።
<- 1 ሳሜላ 51 ሳሜላ 7 ->