3 ኤላስ ባረ ሸምፖ ያዪደ፥ ይሁዳ ቢታን ደእያ በርሳበሀ ዬዳ። ባረ ቆማ ሄዋን የጊደ፥ 4 ባረካ እት ጋላሳ ኦግያ ዎራን ሀመቴዳ። ቢደ እት ሳንካራ ኩዋን ኡቲደ፥ “አቤት መꬍና ጎዳዉ፥ ታዉ ግዳናዋ፤ ታን ታ ማይዛ አዎቱዋፐ ኬክከ። ታ ሸምፑዋ አካ” ያጊደ ሀይቃናዉ ዎሴዳ። [a]
5 ሄዋፐ ጉይያን ሳንካራ ኩዋን ዛቁሊደ ገምእሼዳ፤ እት ኪታንቻይ አ ቦቺደ፥ “ደንዳደ ማ” ያጌዳ። 6 እ ጼልያ ዎደ፥ ሆኦ ሹቻ ምሹዋን ኡከቴዳ ኮምፖ ኡክꬃይነ ኦቱዋ ሃꬃይ አ ሁጲሳን ደእያዋ በኤዳ። ሚደ ኡሼዳነ፤ ያቲደ ጉየ ግሴዳ። 7 መꬍና ጎዳ ኪታንቻይ ላኤንꬁዋ ዪደ ኤላሳ ቦቺደ፥ “ኔን ባና ኦጊ ዳሮ አዱሳ ግድያ ድራዉ፥ ደንዳደ ማ” ያጌዳ።
8 ኤላስ ደንዲደ ሜዳነ ኡሼዳነ። ሄ እ ሜዳ ቁማ ዎልቃን ጾሳ ደርያ ሲና ጋካናዉ፥ ኦይታሙ ጋላሳነ ኦይታሙ ቃማ ሀመቴዳ። 9 ሄ ሳኣን ደእያ ጎንጎሉዋ ግዶ ገሊደ አቄዳ።
10 ኤላስ፥ “ኡባፐ ዎልቃማ መꬍና ጎዳዉ ጾሳዉ ታን ዳሮፐ ምሸታድ። አያዉ ጎፐ፥ እስራኤልያ አሳይ ኔናና ጫቀቴዳ ጫቁዋ መንꬄዳ፤ ነዉ ያርሽያ ሳኣካ ክንቼዳ፤ ነ ሱንꬃን ትምቢትያ ኦድያዋንታካ ማሻን ዎꬌዳ። ያትና፥ ታን ታረካ አታድ፤ ሀእ ኡንቱንቱ ታ ሸምፑዋካ አካናዉ ኮይኖ” ያጌዳ። [b]
11 መꬍና ጎዳይ አ፥ “ሄዋፐ ከሳ ባደ፥ ደርያ ሁጲያን ታ ስንꬃን ኤአ” ያጌዳ። ኤላስ ኤቂደእሽን መꬍና ጎዳይ አ ማታና አꬌዳ። ሄ ዎደ ምኖ ዎልቃማ ጫርኩ ደርያ ጳልቀሬꬄዳ፤ ዛላቱዋካ ክንቼሬꬄዳ፤ ሽን መꬍና ጎዳይ ሄ ጫርኩዋ ግዶን ባዋ። ጫርኩዋፐ ስምና ቢታይ ቃጼዳ፤ ሽን መꬍና ጎዳይ ሄ ቢታ ጋጻንካ ባዋ። 12 ቢታ ጋጻፐ ስምና ታማይ ከሴዳ፤ ሽን መꬍና ጎዳይ ታማ ግዱዋን ባዋ። ታማፐ ስምና ሳሱከꬃይ ስሰቴዳ። 13 ኤላስ ሄ ሳሱከꬃ ስሴዳ ዎደ፥ ባረ ዴሙዋ ካባን ካሜዳ። ያቲደ ካረ ከሲደ ጎንጎሉዋ ፐንግያን ኤቄዳ።
14 ኤላስ፥ “ኡባፐ ዎልቃማ መꬍና ጎዳ ጾሳዉ ታን ዳሮፐ ምሸታድ። አያዉ ጎፐ፥ እስራኤልያ አሳይ ኔናና ጫቀቴዳ ጫቁዋ አꬌዳ፤ ነዉ ያርሽያ ሳካ ክንቼዳ፤ ነ ሱንꬃን ትምቢትያ ኦድያዋንታካ ማሻን ዎꬌዳ። ያትና፥ ታን ታረካ አታድ፤ ሀእ ኡንቱንቱ ታ ሸምፑዋካ አካናዉ ኮይኖ” ያጌዳ።
15 መꬍና ጎዳይ ኤላሳ፥ “ኔን ዬዳ ሳኣና ስማደ፥ ዳማስቆ ባዙዋ ባ። ያ ጋካደ፥ ሀዛኤል ሶርያ ቦላ ካተታናዳን ኦካ። [c] 16 ቃይ ንምሻ ናአይ ዬሁ እስራኤልያ ቦላ ካተታናዳን ኦካ። ነ ሳኣን ትምቢትያ ኦዳናዳን አቤል ማሆላፐ ዬዳ ሻፋጻ ናኣ ኤልሳአ ኦካ። [d] 17 ሀዛኤላ ማሻፐ ከስ አክያ ኡባ ዬሁ ዎꬋና፤ ቃይ ዬሁ ማሻፐ ከስ አክያ ኡባ ኤልሳእ ዎꬋና። 18 ባኣላዉ ጉልባትቤና ዎይ ባረንቱ ዶናን ባኣላ ኤቃ የርቤና ላፑን ሻአ አሳ ታን እስራኤልያን ታዉ አሻና” ያጌዳ። [e]
21 ሄዋ ድራዉ፥ ኤልሳእ አጊደ ጉየ ስሚደ ዋꬃ ቦራቱዋ ሹኬዳ፤ ቦራ ሚሻ ጳልቂ ኤꬂደ አሹዋ ዶይሴዳ፤ አሹዋ አꬅና አሳይ ሜዳ። ሄዋፐ ጉይያን ደንድ ቢደ፥ ኤላሳዉ ኦꬄዳ።
<- 1 ካታቱዋ 181 ካታቱዋ 20 ->