1 እስራኤልያ አሳይ ኡባይ ባረ የለታን የለታን ጻፈቴዳ፤ ሀ ታርኪ እስራኤልያ ካተቱ ማጻፋን ደኤ።

ይሁዳ አሳይ አማነትቤና ድራዉ፥ ባብሎነ ጋድያ ኦሞደት ቤድኖ። 2 ኮይሮ ስሜዳ እስራኤልያ አሳይ፥ ቄሳቱ፥ ሌዋቱነ ጌሻ ጎልያን ኦꬅያዋንቱ ባረንቱ ሳአቱዋንነ ባረንቱ ካታማቱዋን ኡቴድኖ። [a] 3 ይሁዳ ዛራቱዋፐ፥ ቢንያማ ዛራቱዋፐ፥ ኤፍሬማ ዛራቱዋፐነ ምናሰ ዛራቱዋፐ አማሬዳዋንቱ የሩሳላመን ደኤድኖ።

4 ይሁዳ ናኣ ፓሬሳ ያራቱዋፐ ኡታይ የሩሳላመን ኡቴዳዋንቱ ካፑዋ። ኡታይ አምሁዳ ናኣ፤ አምሁድ ኦምራ ናኣ፤ ኦምር እምራ ናኣ፤ እምር ባና ናኣ።

5 ይሁዳ ናኣ ሼላ ያራቱዋፐ አሳይነ አ ናናይ የሩሳላመን ኡቴዳዋንቱ ካፓቱዋ።

6 ይሁዳ ናኣ ዛራሀ ያራቱዋፐ ይኡኤል የሩሳላመን ኡቴዳዋንቱ ካፑዋ።

ይሁዳ ዛራቱ ፓይድና ኡባና ኡሱፑን ጼታነ ኡዱፑን ታማ።

7-9 ቢንያማ ያራቱ ካፓቱ ሀዋፐ ካሊደ ጻፈቴድኖ።

ካፑ ሳሉ ማሹላማ ናኣ፤ ማሹላም ሆዳዊያ ናኣ፤ ሆዳዊ ሀሳኑአ ናኣ።

ካፑ ይብናይ ይሮሃማ ናኣ።

ካፑ ኤል ኡዛ ናኣ፤ ኡዝ ሚክራ ናኣ።

ካፑ ማሹላም ሻፋያ ናኣ፤ ሻፋጽ ራኡኤላ ናኣ፤ ራኡኤል ይብንያ ናኣ።

ቢንያማ ዛራቱ ፓይድና ኡባና ኡዱፑን ጼታነ እሻታማነ ኡሱፑና።

10 የሩሳላመን ደኤዳ ቄሳቱ ሀዋፐ ካሊደ ጻፈቴዳዋንታ።

ኡንቱንቱ ያዳያ፥ ይሆያርባ፥ ያኪናነ 11 ጾሳ ጌሻ ጎልያን ካፖትያ አዛርያሳ። አዛርያስ ህልቂያ ናኣ፤ ህልቂ ማሹላማ ናኣ፤ ማሹላም ጻዶቃ ናኣ፤ ጻዶቀ ማራዮታ ናኣ፤ ማራዮት አህጹባ ናኣ።

12 ሀራቱ ቃይ ይሮሃማ ናኣ አዳያነ አዲኤላ ናኣ ማእሳያ። ይሮሃም ፓሽሁራ ናኣ፤ ፓሽሁር ማልክያ ናኣ። አዲኤል ያህዜራ ናኣ፤ ያህዜር ማሹላማ ናኣ፤ ማሹላም ማሽለሚታ ናኣ፤ ማሽለሚት እሜራ ናኣ።

13 ባረንቱ ሶይ አሳዉ ካፖትያ ቄሳቱ እት ሻአነ ላፑን ጼታነ ኡሱፑን ታማ። ሀዋንቱ ጾሳ ጌሻ ጎልያን ኦꬃናዉ ዳንዳይያ አሳቱዋ።

14 የሩሳላመን ደኤዳ ሌዋቱ ሀዋፐ ካሊደ ጻፈቴዳዋንታ።

ሃሹባ ናአይ ሻማኤ ማራራ ያራ። ሀሹብ አዝርቃማ ናኣ፤ አዝርቃም ሀሻብያ ናኣ።

15 ሀራቱ ቃይ ባቅባቃራ፥ ሄሬሻ፥ ጋላላነ ማታንያ። ማታኔ ሚካ ናኣ፤ ሚክ ዚክራ ናኣ፤ ዚክር አሳፋ ናኣ።

16 ሀራቱ ቃይ ናጾፋ አሳቱዋ ሞꬃቱዋን ኡቴዳ ኦባድያነ በረክያ። ኦባድ ሻማእያ ናኣ፤ ሻማኤ ጋላላ ናኣ፤ ጋላል ይዱቱና ናኣ። በረኪ አሳ ናኣ፤ አሳይ ኤልቃና ናኣ።

17 ጌሻ ጎልያ ፐንግያ ናግያዋንቱ ሻሉማ፥ አቁባ፥ ጻልሞና፥ አህማናነ ኡንቱንቱ ዳቦቱዋ። ሻሉም ኡንቱንቱ ካፑዋ። 18 ሀ ያራቱ ካሰ አዋይ ዶልያ ባጋና ደእያ፥ ካትያ ፐንግያ ግያ ፐንግያ ናጌድኖ። ሄዋፐ ካሰ ኡንቱንቱ ሌዋቱ ዱንካንያ ዎደ ናጌድኖ።

19 ሻሉም ኤብያሳፋ ናኣ ቆረ ናኣ፤ እ ቆራሀ ያራ አሳ። ቆራሀ ያራቱ ካሰ መꬍና ጎዳ ዱንካንያ ናጌዳዋዳን፥ ሻሉምነ ቆራሀ ያራ ግድያ አ ዳቦቱ ጌሻ ጎልያ ገልያ ፐንግያ ናጊኖ።

20 ኤልኣዛራ ናአይ ፒንሃስ በን ዎደ ቆራሀ ያራቱ ካፑዋ፤ መꬍና ጎዳይ አናና ደኤዳ።

21 ማሸለምያ ናአይ ዛካራስ ጋከትያ ዱንካንያ ገልያ ፐንግያ ናጌዳ።

22 ፐንግያ ናጋናዉ ዶረቴዳዋንቱ ኡባና ላኡ ጼታነ ታማነ ላኡዋ፤ ሀዋንቱ ባረንቱ ሞꬃን ሞꬃን ፓይደቲደ ጻፈቴድኖ። ኡንቱንቱ ያራቶ ሀ አዎተꬃ እሜዳዋንቱ ካትያ ዳዊታነ ትምቢትያ ኦድያ ሳመላ። 23 ሄዋ ድራዉ፥ ኡንቱንቱነ ኡንቱንቱ ናናይ መꬍና ጎዳ ጌሻ ጎልያ ገልያ ፐንግያ ናጊኖ። 24 ኦይዱ ዞዘቱን ዉላሃንነ፥ ዶላሃን፥ ሁጲሳንነ ገድሳና እት እት ፐንጊ ደኤ፤ ሄ ፐንገቱዋ ናግያዋንቱካ ደኢኖ። 25 ሄ ሞꬃን ደእያ ኡንቱንቱ ዳቦቱ ላፑንꬃ ላፑንꬃ ጋላሳን ላመት ናጊደ፥ ኡንቱንታ ማድኖ።

26 ፐንግያ ናግያ ኦይዱ ካፓቱ ሌዋቱዋ፤ ኡንቱንቱ ጾሳ ጌሻ ጎልያዉ፥ አ ግዶ ክፍለቶነ ክፍለቱ ግዱዋን ደእያ ሚሻቶ አዎቲኖ። 27 ጾሳ ጌሻ ጎልያ ናግያዋንቱነ ቃይ ጉራ ጉራ ካርያ ዶይያዋንቱ ኡንቱንታ ግድያ ድራዉ፥ ያን አቂኖ።

28 ሌዋቱዋፐ አማሬዳዋንቱ ጎይንያ ዎደ ጎኤትያ ሚሻቶ አዎቲኖ፤ ሄ ሚሻቱዋ ካረ ከስያ ዎደነ ሶ ገልስያ ዎደ ኡንቱንቱ ፓይዲኖ። 29 ቃይ ኡንቱቱፐ እቱ እቱ ጌሻ ጎልያ ግዱዋን ጎኤትያ ሀራ ሚሻቶ፥ ሊቆ ꬊልያዉ፥ ዎይንያ ኤሳዉ፥ ዛይትያዉ፥ እጻናዉነ ሳዎቶ አዎቲኖ። 30 ሽን ቄሳቱዋ ናናቱዋፐ እቱ እቱ ሳዉዋ ልኪ ልኪደ ዋላኪኖ።

31 ቆራሀ ያራቱዋፐ ሻሉማ ባይራ ናአይ ማቲተ ያርሹዋ ኡክꬃ ኡክያዎ አዎቴ። 32 ቃሃታ ያራ ግድያ ኡንቱንቱ ዳባቱዋፐ አማሬዳዋንቱ ቃይ ሳምባታን ሳምባታን ጻርጴዛን ዎꬅያ ኡክꬃ ጊግስያ አዎተꬃ ኦይቄድኖ።

33 ሌዋቱ ዛራቱዋፐ አማሬዳ ካፓቱ ጌሻ ጎልያን የጽያዋንታ። ቃማካ ጋላስካ ኡንቱንቱ ኦꬅያ ድራዉ፥ ሀራ ኦሱዋ ኦናን፥ ኤሻ ጎልያ ድርሳ ግዶን ደእያ ጎለቱዋን ደኢኖ።

34 ሌዊያ ዛራቱዋ ሶይ አሳ ካፓቱ ኡባይ ሀዋፐ ቆሞና ጻፈቴዳዋንታ፤ ኡንቱንቱ የሩሳላመን ደኤድኖ።