1 ይሳኮራዉ ኦይዱ ናናይ ደኢኖ፤ ኡንቱንቱካ ቶላአ፥ ፑዋ፥ ያሹባነ ሽምሮና።

2 ቶላአ ናናይ ኡዛ፥ ራፋያ፥ ይሪኤላ፥ ያህማያ፥ ይብሳማነ ሳሜላ፤ ኡንቱንቱ ቶላአ ያራቱ ካፓቱዋ። ኡንቱንቱ ዎልቃማነ ጻላ አሳቱዋ። ዳዊታ ዎደ ኡንቱንታ ፓይዱ ላታማነ ላኡ ሻአነ ኡሱፑን ጼታ።

3 ኡዛ ናአይ ይዝራህያ። ይዝራህያ ናናይ ምካኤላ፥ ኦባድያ፥ ዩኤላነ ይሽያ፤ ሀ እቼሻቱካ ሶይ አሳ ካፓቱዋ። 4 ባረንቱ አዎቱዋ ሶይ አሳ የለታዳን ኦላዉ ጊጌዳ ኦላንቻቱ ሀታማነ ኡሱፑን ሻአ፤ አያዉ ጎፐ፥ ኡንቱንቶ ጮራ ማቼቱነ ጮራ ናናይ ደኢኖ።

5 ይሳኮራ ዛራቱዋፐ ኦላንቻቱ ባረንቱ የለታ ማዝጎብያን ፓይደቲደ፥ ኡባና ሆስፑን ታማነ ላፑን ሻአ ግዴድኖ።

6 ቢንያማዉ ሄዙ ናናይ ደኢኖ፤ ኡንቱንቱካ በላአ፥ በኬራነ ይድኤላ።

7 በላአ ናናይ ኤጽቦና፥ ኡዛ፥ ኡዝኤላ፥ ያርሞታነ እራ፤ ሀ እቼሻቱካ ሶይ አሳ ካፓቱዋ። ኡንቱንቱ ዎልቃማነ ጻላ አሳቱዋ። ባረንቱ የለታዳን ፓይደቴዳ ኦላንቻቱ ላታማነ ላኡ ሻአነ ሀታማነ ኦይዳ ግዴድኖ።

8 በኬራ ናናይ ዛሚራ፥ ዮኣሻ፥ ኤልኤዛራ፥ ኤልዮኤናያ፥ ኦምራ፥ ያርሞታ፥ አቢያ፥ አናቶታነ አለሜታ፤ ሀዋንቱ ኡባቱ በኬራ ናና። 9 ባረንቱ የለታ ማዝጎብያዳን ፓይደቴዳ ዎልቃማነ ጻላ አሳቱ ላታሙ ሻአነ ላኡ ጼታ ግዴድኖ።

10 ይድኤላ ናአይ ብልሃና። ብልሃና ናናይ ይኡሻ፥ ቢንያማ፥ ኤሁዳ፥ ካናእና፥ ዘታና፥ ታርሴሳነ አህሻሃራ፤ 11 ሀዋንቱ ኡባቱ ይድኤላ ናና። ኡንቱንቱ ሶይ አሳ ካፓቱዋነ ዎልቃማነ ጻላ አሳቱዋ። ባረንቱ የለታዳን ፓይደቴዳ ኦላንቻቱ ታማነ ላፑን ሻአነ ላኡ ጼታ።

12 ቃይ ሹፊምነ ሁፊም እራ ናና። ሁሺም ዳና ናኣ።

13 ንፍታሌማ ናናይ ያህጽኤላ፥ ጉና፥ የጼራነ ሻሉማ፤ ሀዋንቱ ባል ናና ናና።

14 ምናሰ ዛራቱ ሀዋፐ ካሊደ ጻፈቴዳዋንታ። ምናሰ ሶርያ ጋድያፐ አኬዳ ቁባታታ የሌዳ አቱማ ናናይ አስርኤላነ ጋላኣደ አዉዋ ማኪና። 15 ማኪር ሁፊማስነ ሹፊማስ እት እት ማችያ ኦቺደ እሜዳ። ማኪና ምቻት ሱንꬃይ ማእኮ። ማኪና ናአይ ቴፋይ ጻሎፍሃዳ። ጻሎፍሃድ ማጫ ናናቱዋ ጻላላ የሌዳ።

16 ማኪና ማቻታ ማእካ አዉ ናና የላዱ። ባይራ ናኣ ፐረሻ ሱንꬃዱ፤ ፐረሻ እሻ ሱንꬃይ ሸሬሻ። ፐረሻ ናናይ ኡላማነ ራቄማ። 17 ኡላማ ናአይ ባዳና። ሀዋንቱ ምናሰ ናኣ ናኣ፥ ማኪና ናኣ ጋላኣደ ዘረꬃ።

18 ጋላኣደ ምቻታ ሀሞለኬታ እሾዳ፥ አብኤዘራነ ማህላ የላዱ።

19 ሻምዳአ ናናይ አህያና፥ ሸኬማ፥ ሊቅሀነ አንኣማ።

20 ኤፍሬማ ናአይ ሹተላሀ፤ ሹተላሀ ናአይ በሬዳ፤ በሬዳ ናአይ ታሃታ፤ ታሃታ ናአይ ኤልኣዳ፤ ኤልኣዳ ናአይ ታሃታ፤ 21 ታሃታ ናአይ ዛባዳ፤ ዛባዳ ናአይ ሹተላሀ።

ኤፍሬማዉ ኤዴራነ ኤልኣዳ ጌተትያ ሀራ ላኡ ናናይ ደኢኖ። ኡንቱንቱ ጋተ ካታማ አሳቱዋ መህያ ዉእሽን፥ አሳይ ኡንቱንታ ኦይቂደ ዎꬌዳ። 22 ሄዋ ድራዉ፥ ኡንቱንቱ አዉ ኤፍሬመ ዳሮ ዎድያ ካዮቴዳ፤ ካዮትና አ እሻቱ አ ምንꬃናዉ ዬድኖ።

23 ሄዋፐ ጉይያን፥ እ ባረ ማቻትና ጋከቴዳ፤ እዛ ሻሃራደ አቱማ ናኣ የላዱ። ኤፍሬማ ሶ ጋኬዳ ኢታ መቱዋ ድራዉ፥ እ ባረ ናኣ ባሪአ ሱንꬄዳ።

24 ኤፍሬማዉ ሸኢሮ ግያ ናታ ደአዉ፤ ህርክ ቤት-ሆሮና፥ ቆሙዋ ቤት-ሆሮናነ ኡዘንሸኢራ ጌተትያ ካታማቱዋ ሄ ናታ ኬጻዱ።

25 ኤፍሬማ አቱማ ናአይ ረፋሀ፤ ረፋሀ ናአይ ረሼፋ፤ ረሼፋ ናአይ ተላሀ፤ ተላሀ ናአይ ታሃና፤ 26 ታሃና ናአይ ላእዳና፤ ላእዳና ናአይ አምሁዳ፤ አምሁዳ ናአይ ኤልሻማአ፤ 27 ኤልሻማአ ናአይ ናዋ፤ ነዌ ናአይ ኢያሳ።

28 ኤፍሬማ ዛራቱዋ ቢታይ ኡንቱንቱ ደኢያሳይ ቤቴለነ ቤቴለ ሞꬃቱዋ፥ አዋይ ዶልያ ባጋና ደእያ ናእራና፥ አዋይ ዶልያ ባጋና ደእያ ገዜራነ ገዜራ ሞꬃቱዋ፥ ሸኬማነ ሸኬማ ሞꬃቱዋነ አያነ አያ ሞꬃቱዋ። 29 ቃይ ምናሰ ዛራቱዋ ቢታ ዛዋን ደእያ ቤትሻናነ ቤትሻና ሞꬃቱዋ፥ ታእናካነ ታእናካ ሞꬃቱዋ፥ ማግዶነ ማግዶ ሞꬃቱዋነ ዶራነ ዶራ ሞꬃቱዋ። እስራኤልያ ናኣ ዮሴፎ ዛራቱ ሀ ካታማቱዋን ደኤድኖ።

30 አሴራ አቱማ ናናይ ይምና፥ ይሽዋሀ፥ ይሽዋነ ባሪአ፤ ኡንቱንቱ ምቻታ ሰራሆ።

31 ባሪአ አቱማ ናናይ ሄቤራነ ብርዛውታ አዉዋ ማልክኤላ።

32 ሄቤር ያፍሌጻ፥ ሾሜራነ ሆታማ የሌዳ፤ ኡንቱንቱ ምቻት ሱንꬃይ ሹኦ።

33 ያፍሌጻ አቱማ ናናይ ፓሳካ፥ ብምሃላነ አሽዋታ፤ ሀዋንቱ ያፍሌጻ ናና።

34 ያፍሌጻ እሻ ሾሜራ አቱማ ናናይ አሀ፥ ሮህጋ፥ ያሁባነ አራማ።

35 አ እሻ ሆታማ አቱማ ናናይ ጾፋሀ፥ ይምናአ፥ ሸሌሻነ አማላ።

36 ጾፋሀ አቱማ ናናይ ሱሀ፥ ሀርኔፈራ፥ ሹኣላ፥ ቤራ፥ ይምራ፥ 37 ቤጸራ፥ ሆዳ፥ ሻማ፥ ሽልሻ፥ ይትራናነ ባኤራ።

38 የተራ አቱማ ናናይ ይፉና፥ ፕስፓነ አራ። 39 ኡላ አቱማ ናናይ አራሀ፥ ሀንኤላነ ሪጽያ።

40 ሀዋንቱ ኡባቱ አሴራ ዘረꬃ። ኡንቱንቱ ባረንቱ አዎቱዋ ሶይ አሳ ካፓቱዋነ ዶረቴዳ ዎልቃማነ ጻላ አሳቱዋ። ባረንቱ የለታዳን ፓይደቴዳ ኦላንቻቱ ላታማነ ኡሱፑን ሻኣ ግዴድኖ።

<- 1 ኦዱዋ 61 ኦዱዋ 8 ->