1 እስራኤልያ አቱማ ናናይ ሀዋንታ: ሮቤላ፥ ስሞና፥ ሌዊያ፥ ይሁዳ፥ ይሳኮራ፥ ዛብሎና፥ 2 ዳና፥ ዮሴፋ፥ ቢንያማ፥ ንፍታሌማ፥ ጋዳነ አሴራ።

3 ካናነ ባትሹእፐ ይሁዳይ የሌዳ ሄዙ አቱማ ናናይ ኤራ፥ ኦናናነ ሼላ። ይሁዳ ናአይ ባይራይ፥ ኤር መꬍና ጎዳ ስንꬃን ኢታባ ኦꬄዳ ድራዉ፥ መꬍና ጎዳይ አ ዎꬌዳ። 4 ይሁዳ ናኣ ማቻታ ትእማራ ይሁዳዉ ፓሬሳነ ዛራሀ የላዱ። ይሁዳዉ ኡባና እቼሹ አቱማ ናናይ ደኢኖ።

5 ፓሬሳ አቱማ ናናይ ሄጽሮናነ ሀሙላ።

6 ዛራሀ አቱማ ናናይ ዝምራ፥ ኤታና፥ ሄማና፥ ካልኮላነ ዳርዳአ፤ ኡንቱንቱ ኡባና እቼሻ። 7 ዛራሀ ዘረꬃፐ ግዴዳ ካርማ ናአይ አካን [a] ጺንያ ጌተት ኡቴዳ ሚሻ ኦሞዱዋ አኪደ፥ እስራኤልያ አሳ ዋይሴዳዋ። [b] 8 ኤታና ናአይ አዛርያ።

9 ሄጽሮነ የሌዳ ናናይ ይራህማኤላ፥ ራማነ ካሌባ። 10 ራመ አምናዳባ የሌዳ። አምናዳበ ይሁዳ ዛራቱዋ ካፑዋ ናአሶና የሌዳ። 11 ናአሶነ ሳልሞና የሌዳ፤ ሳልሞን ቦኤዛ የሌዳ፤ 12 ቦኤዘ ዮቤዳ የሌዳ፤ ዮቤድ እሰያ የሌዳ። 13 እሰይ ባረ ባይራ ናኣ ኤልኣባ፥ ላኤንꬆ ናኣ አምናዳባ፥ ሄዘንꬆ ናኣ ሻማ፥ 14 ኦይደንꬆ ናኣ ናታንኤላ፥ እቼሻንꬆ ናኣ ራዳያ፥ 15 ኡሱፑንꬆ ናኣ ኦጼማነ ላፑንꬃ ናአይ ዳዊታ የሌዳ። 16 እሰያ ማጫ ናናይ ጻሩዮነ አብጋሎ። ጻሩይ ናናይ ሄዛቱ አብሻያ፥ ዮኣባነ አሳሄላ። 17 አብጋላ አማሳ የላዱ፤ አማሳ አዉ እስማኤልያ የተራ።

18 ሄጽሮና ናአይ ካሌብ ባረ ማቻት አዙብና፥ ይሪኦቶ ጌተትያ ናቶ የሌዳ። ይሪኦታ የሼራ፥ ሾባባነ አርዶና የላዱ። 19 አዙባ ሀይቂና፥ ካሌብ ኤፍራቶ አኬዳ፤ ኤፍራታ ሁራ የላዱ። 20 ሁር ኡራ የሌዳ፤ ኡር ባጻልኤላ የሌዳ።

21 ሄጽሮነ ኡሱፑን ታሙ ላይꬃፐ ጉይያን፥ ጋላኣደ አዉዋ ማክራ ናቶ አኪደ፥ ሳጉባ የሌዳ። 22 ሳጉብ ያኢራ የሌዳ። ያኢር በን ጋላኣደ ጋድያን ላታማነ ሄዙ ካታማቱዋ ሞዴዳ። 23 ሽን ጋሹራነ ሶርያ ካተቱ ሀቦት-ያኢራ ካታማቱዋ ቃናታነ አ ሄራቱዋ ኡሱፑን ታሙ ካታማቱዋ ኦለቲደ ኦይቄድኖ፤ ያን ደኤዳ አሳይ ኡባይ ጋላኣደ አዉዋ ማክራ ዛርያ። 24 ሄጽሮነ ካሌባ ኤፍራታ ግያ ሳን ሀይቄዳዋፐ ጉይያን፥ ሄጽሮና ማቻታ አቢያ ታቆአ አዉዋ አሽሁራ የላዱ።

25 ሄጽሮና ናኣ ባይራ ይራህማኤላ ናአይ ባይራይ ራማ፤ ቴፋቱ ቡና፥ ኦሬና፥ ኦጼማነ አኪያ። 26 ይራህማኤላዉ አታሮ ጌተትያ ሀራ ማቻታ ደአዉ፤ አታራ ኦናማ ዳዮ።

27 ይራህማኤላ ናኣ ባይራ ራማ ናናይ ማኣጻ፥ ያሚናነ ኤቄራ።

28 ኦናማ ናናይ ሻማያነ ያደ።

ሻማያ ናናይ ናዳባነ አብሹራ። 29 አብሹራ ማቻታ አብሀይላ አህባናነ ሞሊዳ የላዱ። 30 ናዳባ አቱማ ናናይ ሰለዳነ አፋይማ፤ ሰለድ ናኣ የለናን ሀይቄዳ። 31 አፋይማ ናአይ ይሽአ፤ ይሽአ ናአይ ሼሻና፤ ሼሻና ናአይ አህላያ።

32 ሻማያ እሻ ያደ ናናይ የተራነ ዮናታና፤ የተር ናኣ የለናን ሀይቄዳ። 33 ዮናታና ናናይ ፐሌታነ ዛዛ።

ሀዋንቱ ይራህማኤላ ዘረꬃ።

34 ሼሻናዉ ማጫዋፐ አትና፥ አቱማ ናናይ ባዋ። ሼሻናዉ ያርሀአ ጌተትያ ቆማይ ግብጼ ጋድያፐ ዬዳዌ ደኤ። 35 ሼሻን ባረ ቆማ ያርሀአዉ ባረ ማጫ ናናቱዋፐ እትኖ እምና ናታ አታያ የላዱ። 36 አታይ ናታና የሌዳ፤ ናታን ዛባዳ የሌዳ፤ 37 ዛባድ ኤፍላላ የሌዳ፤ ኤፍላል ዮቤዳ የሌዳ፤ 38 ዮቤድ ዬሀ የሌዳ፤ ዬሁ አዛርያ የሌዳ፤ 39 አዛሪ ሄሌጻ የሌዳ፤ ሄሌጽ ኤልኣሳ የሌዳ፤ 40 ኤልኣስ ስስማያ የሌዳ፤ ስስማይ ሻሉማ የሌዳ፤ 41 ሻሉም ይቃምያ የሌዳ፤ ይቃመ ኤልሻማአ የሌዳ።

42 ይራህማኤላ እሻ ካሌባ ናአይ ባይራይ ሜሻ። ሜሻ ናአይ ዚፋ፤ ዚፋ ናአይ ማሬሻ፤ ማሬሻ ናአይ ከብሮና። 43 ከብሮነ ናናይ ቆራሀ፥ ታፑሀ፥ ረቄማነ ሸማአ። 44 ሸማእ ዮርቃኣማ አዉዋ ራሃማ የሌዳ። ረቄም ሻማያ የሌዳ። 45 ሻማያ ናአይ ማኦና። ማኦን ቤትጹራ የሌዳ።

46 ካሌባ ቆማታ ኤፋ ሃራና፥ ሞጻነ ጋዜዛ የላዱ፤ ሃራን ጋዜዛ የሌዳ።

47 ያህዳያ ናናይ ረጌማ፥ ዮኣታማ፥ ገሻና፥ ፐሌጻ፥ ኤፋነ ሻኣፋ።

48 ካሌባ ቆማታ ማእካ ሸቤራነ ትርሃና የላዱ። 49 ቃይካ ማእካ ሻኣፋነ ሻዋ የላዱ። ሻኣፍ ማድማና የሌዳ። ሻው ማክቤናነ ግባአ የሌዳ።

ካሌባ ናታ አክሶ።

50 ካሌባ ናናይ ሀራቱ ሀዋፐ ካሊደ ጻፈቴድኖ። ካሌብ ባረ ባይራ ናኣ ሁራ ባረ ማቻት ኤፍራትን የሌዳ። ሁራ ናናይ ቅርያት-ይኣሪማ አዉዋ ሾባላ፥ 51 ቤታልሄማ አዉዋ ሳልሞናነ ቤት-ጋዴራ አዉዋ ሀሬፋ። 52 ቅርያት-ይኣሪማ አዉዋ ሾባላ ያራቱ ሀሮኤታታነ ማኑሆታ ያራቱዋፐ ባጋቱዋ። 53 ቅርያት-ይኣሪማ ያራቱ ያትራታ፥ ፑታታ፥ ሹማታታነ ምሽራአታ። ጾርአትነ ኤሽታኦላት ሀዋንቱፐ የለቴድኖ። 54 ቤታልሄማ አዉዋ ሳልሞና ያራቱ ናጾፋታ፥ አጽሮት-ቤታዮኣባታ፥ ማኑሆታ ያራቱዋፐ አትያ ባጋቱዋነ ጾርአታ። 55 ያቤጻ ካታማን ደእያ ጻፍያዋንቱ ያራቱ ቃይ ትርአታ፥ ሽምኣታታነ ሱካታ። ሀዋንቱ ረካባቱ አዉዋ ሃማቱዋፐ የለቴዳ ቄናታ።

<- 1 ኦዱዋ 11 ኦዱዋ 3 ->