53
Yəlɑɑ kʋpɑmɑ nɑ pɑ Ɩsɔ kɛ ɑntulinyɑ ɩsɑɣɑʋ tɑɑ
(Yontu 14)
1 Tɑfiiti yontu nti tə wɛ yonyoolɑɑ nyʋɣʋ tʋ
yontunɑɑ tɑɑ tɔɣɔlɔ.
2 Kʋmɛlɛməŋ mɑɣɑsəɣənɑ ɩ tɑɑ sɩ Ɩsɔ fɛɩ.
Yəlɑɑ mpɛ ɑcɑɑlətʋ kɛ pɑ lɑkɩ,
kʋpɑntʋ lɑtʋ fɛɩ.
3 Hɑtoo ɩsɔtɑɑ kɛ́ Tɑcɑɑ nyənəɣənɑ ɑtɛ yəlɑɑ
sɩ ɩ nɑɑkɩ sɩ ləmɑɣɑsɛɛ tʋ nɔɣɔlʋ ɩ pɛɛkəɣɩ-ɩ?
4 Pɑ tənɑ pɑ yelɑ ɩ mpɑɑʋ kɛ́ nɑ pɑ́ wɑkəlɩ.
Kʋpɑntʋ lɑtʋ fɛɩ pɑ tɑɑ pɑɑ kʋlʋm.
5 Ɩsɑɣɑlɑtɑɑ mpɛ pɑ kɑɑ nɩɩ.
Pɑ pəsɑ mɑ yəlɑɑ ɩsɩɩ tɔɣɔnɑɣɑ nɑ pɑ́ tɔkɩ pɑɑ sɛɛkɩ-m.
6 Tənɑɣɑ pɑɑ selinɑ sɔɣɔntʋ pə́cɔ sɔɣɔntʋ fɛɩ.
Ɩsɔ kɑ́ kʋ mpɑ pɑ kʋləɣɩ ɩ tɔɔ tɔ nɑ ɩ́ lɔ.
Pɑɑ tɔɣɔ fɛɛlɛ, mpi tɔ, Ɩsɔ lɔ-wɛ.
7 Hɑɩ, mɑ kooliɣi kɛ́ sɩ Ɩsɛɣɛlɩ nyə́mɑ wɑɑsʋɣʋ
ɩ́ lɩɩnɑ Ɩsɔ pʋɣʋ tɑɑ kɛ́ wɑɑtʋ wei
Tɑcɑɑ kɑ́ məŋnɑ ɩ yəlɑɑ mpɑ pɑɑ kuuwɑ tɔ.
Yɑkɔpʋ lʋlʋɣʋ nyə́mɑ Ɩsɛɣɛlɩ nyə́mɑ kɑ́