125
Mpɑ pɑ lɑpɑ Tɑcɑɑ kɛ nɑɑni tɔ
1 Yosɑlɛm kpɑʋ yontu.
Mpɑ pɑ tʋɣɩ Tɑcɑɑ kɛ nɑɑni tɔ
pɑ wɛ kɛ́ ɩsɩɩ Siyɔŋ pʋɣʋ,
kɩɩ nyəɣələɣɩ.
Kʋ nyɔɔ toŋ kɛ tɑm tɔɔ kɛ́.
2 Pɔɔŋ tʋwɑ Yosɑlɛm ɩcɑtɛ kɛ hɛkʋ kɛ́.
Ḿpʋɣʋ Tɑcɑɑ n tʋwɑ nyɑ́ yəlɑɑ kɛ hɛkʋ,
kɛ pə kpɑɣɑʋ nɔɔnɔɔ tɔ, hɑlənɑ tɑm tɔɔ.
3 N kɑɑ tisi sɩ ɑsɑɣɑɑ
ɩ́ tɔɣɔ kɑwulɑɣɑ kɛ kʋpɑmɑ tɔɔ.
Pə́ tɑɑ kɔɔ nɑ pə́ hɔ-wɛɣɛ ɩsɑɣɑtʋ lɑpʋ tɑɑ.
4 Tɑcɑɑ yele nɑ pə cɑɣɑnɑ-tʋ
ɩsɩɩ tɛʋ lɑkʋɣʋ ilim mpətəŋ tɔɔ tɛtʋ tɔ.
5 Tɑcɑɑ kpiisi ɑsɑɣɑɑ
nɑ mpɑ pɑ lɑkɩ mpi pə tɑ siɣisi tɔ.