120
Wei pɑ suu tɔm kɛ mʋsʋŋ tɔ ɩ sələmʋɣʋ
1 Yosɑlɛm kpɑʋ yontu.
Tɑcɑɑ nyɑɣɑ mɑ wiinɑ mɑ lɑŋwɑkəllɛ wɑɑtʋ
nɑ ɩ́ nɩɩ mɑ nɔɣɔ.
2 Tɑcɑɑ wɑɑsɩ-m yəlɑɑ pɔpɔtʋnɑɑ
nɑ tʋsʋlɑɑ niŋ tɑɑ.
3 Kɑwɑɑɣɑ yɑɑ kɑsəyɑɣɑ ŋkɑɣɑ
nsəmlɛ kʋtʋsəlɛ kɑ́ hɑ-ŋ yɑɑ tɩɩ kɔnɑ-ŋ?
4 Mpi tə hɑɑkɩ-ŋ tɔɣɔlɛ yoolu
nyəmɑ́ kʋsɛŋtɛɛ nɑ mɑmɑlɑ.
5 Mɑ kɛ́ wɑhɑlɑ tʋ kɛ́.
Mpi tɔ, mɑ nɑ Mesɛkɩ tɛtʋ nyə́mɑ kpɑɩ nyə́mɑ tə wɛnnɑ.
Ketɑɑ tɛtʋ nyə́mɑ cokɑ tɛɛ kɛ́ mɑ wɛɛ.
6 Hɑtoo lɔŋ kɛ mɑ wɛ mpɑ
pɑ tɑɑ kpɑɑkənɑ hɛɛsʋɣʋ tɔ pɑ tɛ́.
7 Hɛɛsʋɣʋ kɛ mɑ sɔɔlɑɑ.
Amɑ ye mɑ yɔɣɔtəɣɩ hɛɛsʋɣʋ tɔm,