112
Tɑcɑɑ kooliɣi kʋpɑntʋ kɛ ɩ yəlɑɑ kʋpɑmɑ
1 Ɩ́ sɑ Tɑcɑɑ.
Leleŋ nɩɩlʋ ntɛ́ wei ɩ nyɑŋnɑ Tɑcɑɑ tɔ.
Ɩ lɑŋlɛ hɛɛnɑ Ɩsɔ kʋsəsɩɩtʋ lɑpʋ kɛ́.
2 Ɩ kʋlʋlɑɑ kɑ́ lɑ sɔsɑɑ kɛ tɛtʋ tɔɔ.
Ɩsɔ kooliɣi kʋpɑntʋ kɛ tɑmpɑnɑ təŋlɑɑ piitim.
3 Wɛnɑʋ nɑ təcɑɣɑnɑʋ wɛnnɑ pə tɛ yʋlʋ təyɑɣɑ tɑɑ.
Ɩsɔ lɑŋlɛ hɛɛnɑ-ɩ tɑm tɔɔ.
4 Kɔkɔ nɑɑkɩ səkpɛtʋɣʋ tɑɑ kɛ́ tɑmpɑnɑ təŋlʋ.
Kɔkɔ nɑɑkɩ wei ɩ wɛnɑ suulu nɑ ɩ́ wɛnɑ lɛlɑɑ pətɔɔtəlɛ,
nɑ ɩ́ təŋəɣɩ kʋsiɣisim tɔ.
5 Pə wɛ teu sɩ yʋlʋ ɩ́ hʋləɣɩ suulu nɑ ɩ́ kəntəɣɩ.
Pə wɛ teu sɩ yʋlʋ ɩ́ təŋ siɣisuɣu nɑ ɩ́ lɑkənɑ ɩ təmɑ.
6 Ye n lɑkɩ mpʋ nn cɛŋləɣɩ.
Pɑ tɔɔsəɣɩ siɣisilu tɔɔ kɛ́ tɑm tɔɔ kɛ́.
7 Ɩ lɑŋlɛ ɩɩ tɔɔkənɑ lɑŋwɑkəllɛ lɑɑpɑɑlɩ,
ɩ tɔkɑ ɩ təɣɩ, Tɑcɑɑ kɛ ɩ lɑkɩ nɑɑni.
8 Siɣisilu tɔkɑ ɩ təɣɩ, sɔɣɔntʋ fɛɩ-ɩ.
Ɩ kɑ nyənɩ ɩ kolontunɑɑ kpisuɣu.
9 Ɩ hɑɑkɩ kʋnyɔntʋnɑɑ kɛ́ nɑ ɩ́ yeki niŋ.
Ɩsɔ lɑŋlɛ hɛɛnɑ-ɩ tɑm tɔɔ kɛ́.
Siɣisilu toŋ sɔɔsəɣɩ nɑ yəlɑɑ tʋɣʋnɑ-ɩ teu.
10 Ɩsɑɣɑʋ nɑ́ nɑɑkɩ-ɩ ɩlɛnɑ pɑ́ɑ́nɑ́ kpɑ-ɩ.
Ɩ nyɑsəɣɩ ɩ təɣɩ kelɑ nɑ ɩ́ lɔɔkɩ ɩ ɑpɑlʋtʋ.