1 Wɑɑtʋ wei yʋlʋkʋsǝkʋ ŋkʋ kʋ tɛɛwɑ, ɩlɛnɑ Tɑcɑɑ tɔ Alɔŋ pǝyɑlʋ kɔtʋlʋ Ɩlɑsɑɑ sɩ: 2 Kɑlɑ Ɩsɛɣɛlɩ yǝlɑɑ nɑ pǝ́ kɛɛsǝnɑ pɑ lʋlʋŋ, kɛ pǝ kpɑɣɑʋ ɑpɑlɑɑ mpɑ pɑ tɑlɑ pɩɩsɩ hiu nɑ pɑ́ mʋnɑ yoou pote tɔ. 3 Ḿpʋ́ɣʋ́ Moisi nɑ Ɩlɑsɑɑ pɑ heelɑ Ɩsɛɣɛlɩ nyǝ́mɑ kɛ Mowɑpʋ tɛtɛkɑ tɑɑ kɛ́ Yɑɑtɑnɩ nɔɣɔ kɛ Yeliko ɩsɛntɑɑ 4 sɩ: Tɑcɑɑ tʋwɑ Moisi sɩ ɩ́ kɑlɑ yǝlɑɑ mpɑ pɑ tǝnɑ pɑ wɛnɑ pɩɩsɩ hiu nɑ wɑɑlɩ tɔ.

Ɩsɛɣɛlɩ kpekɑ nnɑ ɑ lɩɩwɑ Icipiti tɑɑ tɔ ɑ hǝlɑ ntɔ:

5 Yɑkɔpʋ pǝyɑlʋ kɑncɑɑlɑɣɑ nyǝŋ Lupɛŋ kpekǝle, nɑ ɩ́lɛ́ ɩ lʋlʋɣʋ nyǝ́mɑ ntɛ́ Hɑnɔkɩ nyǝ́mɑ nɑ Pulɑ nyǝ́mɑ. 6 Nɑ Hɛsǝlɔŋ nyǝ́mɑ nɑ Kɑɑmi nyǝ́mɑ. 7 Lupɛŋ kpekǝle nyǝ́mɑ ntɛ́, nɑ pɑ tɑɑ kɛ́ ɑpɑlɑɑ iyisi nɩɩlɛ nɑ tooso nɑ nɑsǝtoso nɑ nɩɩnʋwɑ nɑ hiu nɑ nɑɑnʋwɑ (43.730). 8 Pɑlu pǝyɑlʋ Ɩliyɑpɩ, 9 pǝyɑlɑɑ ntɛ́ Nemuwɛlɩ nɑ Tɑtɑŋ nɑ Apilɑm. Nɑ Tɑtɑŋ nɑ Apilɑm pɑɑ kɛnɑ nyʋɣʋ nyǝ́mɑ, kɛ sɑmɑɑ wei ɩ kʋlɑ Moisi nɑ Alɔŋ pɑ tɔɔ tɔ. Kolee wɑɑlɩ nyǝ́mɑ ntɛ́ mpɛ ɩnɩ. Wɑɑtʋ ɩnǝɣɩ pɛlɛ pɑ kʋlɑ Tɑcɑɑ tɔɔ. 10 Ḿpʋ́ɣʋ́ tɛtʋ hɑɑ nɔɣɔ nɑ tǝ́ li-wɛ nɑ tǝ́ kpɛnnɑ Kolee. Kɔkɔ nyɑɣɑ lɛlɑɑ nɑ pɑ ɩsɛ kɛ ŋmʋnʋɣʋ nɑ nɩɩlɛ nɑ nɑɑnʋwɑ (250). Mpʋ ɩnɩ pǝ hʋlɑ lɛlɑɑ mpɑ pǝ kɑɑsɑɑ tɔɣɔ lɔŋ kɛ́. 11 Pɑɑ nɑ mpʋ Kolee pǝyɑlɑɑ tɑ sɩ.

12 Simiyɔŋ kpekǝle nyǝ́mɑ lʋlʋŋ hǝlɑ ntɔ: Nemuwɛlɩ nyǝ́mɑ, nɑ Yɑmɛŋ nyǝ́mɑ, nɑ Yɑkɛŋ nyǝ́mɑ, 13 nɑ Selɑ nyǝ́mɑ, nɑ Sɑwuli nyǝ́mɑ. 14 Pɑ tɑɑ ɑpɑlɑɑ wɛ yǝlɑɑ iyisi hiu nɑ nɑɑlɛ nɑ ŋmʋnʋɣʋ (22.200).

15 Kɑtɩ kpekǝle nyǝ́mɑ lʋlʋŋ hǝlɑ ntɔ: Sefoŋ nyǝ́mɑ nɑ Hɑki nyǝ́mɑ nɑ Suni nyǝ́mɑ, 16 nɑ Osini nyǝ́mɑ nɑ Ɩli nyǝ́mɑ 17 nɑ Aloti nyǝ́mɑ nɑ Aleli nyǝ́mɑ. 18 Pɑ tɑɑ ɑpɑlɑɑ wɛ yǝlɑɑ iyisi nɩɩlɛ nɑ nɑsǝlɛ nɑ nɩɩnʋwɑ (40.500).

19-21 Yutɑ kpekǝle nyǝ́mɑ lʋlʋŋ ntɔ: Selɑ nyǝ́mɑ nɑ Pɛlɛsɩ nyǝ́mɑ nɑ Selɑɩ nyǝ́mɑ. Pɛlɛsɩ nyǝ́mɑ ntɛ́ nɑ Hɛsǝlɔŋ nyǝ́mɑ nɑ Hɑmuli nyǝ́mɑ. Yutɑ pǝyɑlɑɑ nɑɑlɛ Ɩlɩ nɑ Onɑŋ pɑɑ sǝpɑ Kɑnɑɑŋ tɛtʋ tɑɑ. 22 Pɑ tɑɑ ɑpɑlɑɑ wɛ iyisi nɩɩtoso nɑ nɑɑnʋwɑ nɑ nɑɑtoso nɑ nɑsǝlɛ nɑ nɩɩnʋwɑ (76500).

23 Ɩsɑkɑɑ kpekǝle nyǝ́mɑ lʋlʋŋ ntɔ: Tolɑ nyǝ́mɑ nɑ Pufɑ nyǝ́mɑ 24 nɑ Yepusi nyǝ́mɑ nɑ Similoŋ nyǝ́mɑ. 25 Nɑ pɑ tɑɑ ɑpɑlɑɑ kɛ iyisi nɩɩtoso nɑ liɣiti nɑ ŋmʋnʋɣʋ nɑ nɩɩnʋwɑ (64300).

26 Sɑpulɔŋ kpekǝle lʋlʋŋ nyǝ́mɑ ntɔ: Selɛtɩ nyǝ́mɑ nɑ Ɩloŋ nyǝ́mɑ nɑ Yɑleyɛlɩ nyǝ́mɑ. 27 Nɑ pɛlɛ pɑ tɑɑ ɑpɑlɑɑ kɛ iyisi nɩɩtoso nɑ nɑsǝlɛ nɑ nɩɩnʋwɑ (60500).

28 Mɑnɑsee nɑ Ɩfǝlɑyim pɑ kpekɑ nyǝ́mɑ ntɛ́ Yosɛɛfʋ lʋlʋŋ nyǝ́mɑ tǝnɑ. 29 Mɑnɑsee kpekǝle nyǝ́mɑ lʋlʋŋ ntɔ: Mɑkii nyǝ́mɑ nɑ ɩ́lɛ́ ɩ pǝyɑlʋ Kɑlɑɑtɩ nyǝ́mɑ. 30 Kɑlɑɑtɩ lʋlʋŋ nyǝ́mɑ ntɛ́ nɑ Yesɛɛ nyǝ́mɑ nɑ Helɛkɩ nyǝ́mɑ 31 nɑ Asǝliyɛlɩ nyǝ́mɑ nɑ Sekem nyǝ́mɑ, 32 nɑ Semitɑ nyǝ́mɑ, nɑ Hefɛɛ nyǝ́mɑ. 33 Hefɛɛ pǝyɑlʋ Selofɑtɩ nɑ́ lʋlɑ ɑlʋpiyɑ tike kɛ́. Mpɛɣɛlɛ Mɑlɑ nɑ Nowɑ nɑ Hokǝlɑ nɑ Milikɑ nɑ Tiisɑ. 34 Nɑ pɑ tɑɑ ɑpɑlɑɑ kɛ iyisi nɩɩlɛ nɑ nɑɑnʋwɑ nɑ nɑɑlɛ nɑ nɑsǝtoso nɑ nɩɩnʋwɑ (52700).

35 Ɩfǝlɑyim kpekǝle lʋlʋŋ nyǝ́mɑ ntɔ: Sutelɑ nyǝ́mɑ nɑ Pekɛɛ nyǝ́mɑ nɑ Tɑhɑŋ nyǝ́mɑ. 36 Sutelɑ pǝyɑlʋ Ɩlɑŋ lʋlʋɣʋ nyǝ́mɑ ntɛ ɩlɑŋ nyǝ́mɑ. 37 Pɑ tɑɑ ɑpɑlɑɑ wɛ iyisi hiu nɑ nɑɑnʋwɑ nɑ nɑɑlɛ nɑ nɑsǝlɛ nɑ nɩɩnʋwɑ (32500). Yosɛɛfʋ lʋlʋɣʋ nyǝ́mɑ ntɛ́ kpekɑ ɑnɩ ɑ nɑɑlɛ.

38 Pɛncɑmɛɛ kpekǝle lʋlʋŋ nyǝ́mɑ ntɔ: Pelɑ nyǝ́mɑ, nɑ Asepɛlɩ nyǝ́mɑ nɑ Ahilɑm nyǝ́mɑ 39 nɑ Sufɑm nyǝ́mɑ nɑ Hufɑm nyǝ́mɑ. 40 Pelɑ lʋlʋɣʋ nyǝ́mɑ ntɛ́ nɑ Aɑtɩ nyǝ́mɑ nɑ Nɑɑmɑŋ nyǝ́mɑ. 41 Pɑ tɑɑ ɑpɑlɑɑ wɛ iyisi nɩɩlɛ nɑ kɑkpɑsɩ nɑ nɑsǝtoso (45600).

42 Tɑŋ kpekǝle lʋlʋɣʋ nyǝ́mɑ ntɛ́ Suhɑm nyǝ́mɑ. 43 Pɛlɛ pɑ tɑɑ ɑpɑlɑɑ wɛ iyisi nɩɩtoso nɑ liɣiti nɑ nɑsǝlɛ (64400).

44 Asɛɛ kpekǝle lʋlʋɣʋ nyǝ́mɑ ntɛ́: Ɩmǝnɑ nyǝ́mɑ nɑ Ɩsefi nyǝ́mɑ nɑ Peliyɑ nyǝ́mɑ. 45 Peliyɑ lʋlʋɣʋ nyǝ́mɑ ntɛ́ nɑ Hepɛɛ nyǝ́mɑ nɑ Mɑlǝkǝyɛlɩ nyǝ́mɑ. 46 Asɛɛ kɑ wɛnɑ pɛɛlɔ nɑ pɑ́ yɑɑkɩ-ɩ sɩ Selɑ. 47 Pɛlɛ pɑ tɑɑ ɑpɑlɑɑ wɛ iyisi nɩɩlɛ nɑ nɑɑnʋwɑ nɑ tooso nɑ nɑsǝlɛ (53400).

48 Nɛfǝtɑli kpekǝle lʋlʋɣʋ nyǝ́mɑ ntɛ́: Yɑsiyɛlɩ nyǝ́mɑ nɑ Kuni nyǝ́mɑ 49 nɑ Yesɛɛ nyǝ́mɑ nɑ Sikɛm nyǝ́mɑ. 50 Pɑ tɑɑ ɑpɑlɑɑ kɑ wɛ iyisi nɩɩlɛ nɑ kɑkpɑsɩ nɑ nɑsǝlɛ (45400).

51 Ɩsɛɣɛlɩ ɑpɑlɑɑ tǝnɑ mpɑ pɑ kɑlɑɑ tɔ, pɑ kpɛntɑ iyisi nɑsǝtoso nɑ kʋlʋmɑɣɑ nɑ nɑsǝtoso nɑ nɩɩnʋwɑ nɑ hiu nɑ nɑɑnʋwɑ (601730).

52 Ḿpʋ́ɣʋ́ Tɑcɑɑ tɔmɑ Moisi sɩ: 53 Pǝ wɛɛ sɩ ń tɑlɑ tɛtʋ kɛ Ɩsɛɣɛlɩ kpekɑ nɑ pǝ́ kɛɛsǝnɑ ɑ sɑmɑɑ. 54-56 Tɛtɛ kɛ pɑɑ tɔ nɑ pɑ́ tɑlǝnɑ pɑɑ kpekǝle nteɣe tǝ tɛtʋ. Ɩlɛnɑ pɑ́ cɛlɑ kpekɑ sɔsɔɔnɑ kɛ tɛtʋ sɔsɔɔntʋ nɑ sǝkpenɑ kɛ sǝkpetu.

57 Lefii kpekǝle tɑɑ lʋlʋŋ wei wei pɑ kɑlɑɑ tɔɣɔlɛ Kɛɛsɔŋ nyǝ́mɑ nɑ Kehɑtɩ nyǝ́mɑ nɑ Melɑli nyǝ́mɑ. 58 Pɑ lʋlʋŋ tɑɑ sǝkpeŋ ntɛ́ Lipini nyǝ́mɑ nɑ Hepǝlɔŋ nyǝ́mɑ nɑ Mɑlii nyǝ́mɑ nɑ Musi nyǝ́mɑ nɑ Kolee nyǝ́mɑ. Amǝlɑm cɑɑ kɛlɛ Kehɑtɩ. 59 Amǝlɑm kpɑɣɑnɑ Lefii pɛɛlɔ Yɔkǝpɛtɩ wei pɑ lʋlɑ Icipiti tɔ. Nɑ ɩ́lɛ́ ɩ lʋlɩ-ɩ Alɔŋ nɑ Moisi nɑ Mɑlǝyɑm pɑ tooso. 60 Alɔŋ piyɑ ntɛ́ Nɑtɑpɩ, nɑ Apihu, nɑ Ɩlɑsɑɑ, nɑ Ɩtɑmɑɑ. 61 Amɑ Tɑcɑɑ kʋwɑ Nɑtɑpɩ nɑ Apihu kɛ wɑɑtʋ wei pɑ ponɑ-ɩ kɔtɑɣɑ tǝlɑtɛ tɔɔ kɛ tulɑɑlʋ kpɑɩ nyǝŋ tɔ. 62 Pɑ tɑɑ ɑpɑlɑɑ nɑ ɑlʋpiyɑ mpɑ pɑ tɑlɑ ɩsɔtʋnɑɑ nɑɑlɛ tɔ pɑ wɛ iyisi hiu nɑ tooso (23000). Pɑ tɑɑ kɑlǝnɑ-wɛ nɑ Ɩsɛɣɛlɩ nyǝ́mɑ lɛlɑɑ. Mpi tɔ, pǝ fɛɩ sɩ pɑ́ tɑlǝnɑ-wɛɣɛ tɛtʋ.

63 Ɩsǝnɑ Moisi nɑ kɔtʋlʋ Ɩlɑsɑɑ pɑ kɑlɑ Ɩsɛɣɛlɩ nyǝ́mɑ kɛ Mowɑpʋ tɛtɛkǝlɛ tɑɑ kɛ́ Yɑɑtɑnɩ nɔɣɔ kɛ Yeliko ɩsɛntɑɑ tɔɣɔlɛ. 64 Mpɑ Moisi nɑ kɔtʋlʋ Alɔŋ pɑɑ kɑlɑ tɔm kɑncɑɑlɑɣɑ nyǝm kɛ Holɛpʋ wʋlɑɣɑ tɛtʋ tɑɑ tɔ pɑ fɛɩ nɔɔnɔɔ nyǝ́mɑ tɑɑ. 65 Tɑcɑɑ kɑ tɛmɑ-wɛɣɛ heeluɣu sɩ pɑ tǝnɑ pɑɑ sɩ wʋlɑɣɑ tɛtʋ tɑɑ. Ye pǝ tɑɣɑ Yefune pǝyɑlʋ Kɑlɛpʋ nɑ Nuŋ pǝyɑlʋ Yosuwee pɑ tike kɛ pǝ kɑɑsɑɑ.

<- Kʋkɑlʋɣʋ 25Kʋkɑlʋɣʋ 27 ->