तीतुस को पौलुस कि पत्री

तीतुस क पौलुसन पत्री
परिचय
तीतुस कि पत्री पौलुस छे चार पत्री मा छे एक छे कि मानुस क बजाय एक मंडळी संबोधित कर रया छे। दिसरा तीन पत्री छे, 1 तीमुथियुस, 2 तीमुथियुस, आरू फिलेमोन। पौलुस तीतुस क लिख रयो होतो, पुन चे यो भी लिख्या हुता जोसो कि पत्री सार्वजनिक रूप मा रयन जिरेत भनाय सकतला छे। हामु यो पतु कर सकता छे काहकि वो एक प्रेरित क रूप मा आपसी योग्यता देखाड़तला छे, काही छे कि तीतुस पेहल छे ही जान जाता छे। पौलुस शायद 63-65 सालन वीच काही टेहाव ईशु मसीह क जनमक बाद यो पत्री लिख्यो होतो।
पौलुस तीतुस क करता मंडळी कि क्रेते क द्वीप पर होतो नेतृत्व की हिदयत देदी होती। पौलुस ने यो पत्री लिख्यो छे ताकि नावसादिया नेता क चयन आरू शिकाड़ने पर तीतुस निर्देश आप सकछे। चे तीमुथियुस क आपसा पत्री मा अतरान करीन तोसो निर्देश आपियो हुता। तीन्दरो पत्री क वर्णन कोसो मंडळी नेता क आजून नेतृत्व मा इन्दरे करता छाची मान क प्रति सावधान ध्यान देनो जूवछे।
रूप रेखा
1. पौलुस तीतुस निर्देश क करता न्यायी नेता 1:1-16 नियुक्त करता छे।
2. पछु वो मानसे मसीह जीवन जीवने क करता शिकाड़ने करने क भी निर्देश देता छे। 2:1–3:11
3. आखरी मा, पौलुस आपसी योजना काही साझा करने आरू नमस्कार मुकलने छे समाप्त होयतो छे 3:12-15

नमस्कार

1 पौलुस की आरू छे जो यहोवा–भगवान क दास आरू ईशु मसीह क प्रेरित छे,

यहोवा–भगवान क त्योन्या होया मानसे क विश्वास आरू ओको सच्चाई की उळखने क लारे भक्ति क लारे छे। 2 ओको अमरकाय जीवन की आश पर जेरी प्रतिज्ञा यहोवा–भगवान ने, जो झूठ बुल नी सकता सनतान छे की छे। 3 पर ठीक टेहाव पर आपने वचन क ओको खबर क द्वारा प्रगट कर्‍या, जो हामरा उध्दारकरता यहोवा–भगवान की हुकुम क लारे मखे सौप गया, आरू ओकी क लारे हुकुम छे खबर कर्‍या।

4 [a]तीतुस क नाव, जो विश्वास की सहभागिता क विचार छे मारो सच्चो पोर्‍य छे:

यहोवा–भगवान बास आरू हामरा उध्दारकरता मसीह ईशु की आरू छे तुखे फोकटन दया आरू शांती मिवती रये।

क्रेते मा तीतुस क काम

5 हाव एरकरीन तुखे क्रेते मा छुड़ आश हुता कि तु शेष वात क सुधारे, आरू मारी हुकुम क लारे नगर नगर डाहडा क नियुक्त करे। 6 जो निर्दोष आरू एक ही बायर क घर वावो होय, जीनुक पोर्‍या विश्वास होय आरू इनुमा आरू उनमा लुचपन आरू निरंकुशता क दोष नी होय। 7 काहकि अध्यक्ष क यहोवा–भगवान क भण्डारी हुयने क कारण निर्दोष होयनो जूवे; नी हठी, नी किचवानिया, नी पियक्‍कड़ नी मारपीट करनेवावा, आरू नी नेचो कमाय क लोभी होय। 8 पर पाहंनतराय सत्कार करनेवावा, भलाई क जूवनेवावा, संयमी न्यायी चुखलो आरू जितेन्र्दिय होय। 9 आरू वो विश्वासयोग्य वचन पर जो न्याय उपदेश क लारे छे, स्थिर रये कि सची शिक्षा छे शिक्षा देय सके आरू विरोधी क मुय भी बंद कर सके।

10 काहकि घोणा छे मानसे निरंकुश, बकवादी आरू धोखा देनेवावा छे; विशेष करीन खतनावावा मा छे। 11 इदरो मुय बंद करनो जूवे। यो मानसे नीच कमाय क करता गलत वात सिखाड़ी घर क घर बिगाड़ देता छे। 12 उका मा एक जन ने जो उका क भविष्यवक्ता छे, कयो छे, “क्रेते मानसे सदा झूठा, दुष्ट पशु, आरू आलसी पेटू हुयसे छे।” 13 यो गवा सच छे एरकरीन तीनुक कड़ाई छे चेतावनी देया कर कि वो विश्वास मा पक्‍का होय जाय। 14 आरू यहूदिन कथा काहनिया आरू उन मानुस की हुकुम पर मन नी लगाड़ जो सच्चाई छे भटक जाता छे। 15 चुखो मानसे क करता सब समान चुखो छे, पर विटळ आरू विनभुरसीया क करता काही भी चुखो नी, वरना उनकी बुध्दि आरू विवेक दुयू विटळ छे। 16 वो कयता छे कि हामु यहोवा–भगवान क जानता छे, पर आपने काम छे ओको मना करता छे; काहकि घीन वाळा आरू हुकुम नी माननेवावा छे, आरू काही वारला काम क योग्य नी।

तितुस 2 ->