1 जब मुसा क सेसरा मिद्यान क याजक यित्रो न यो सुन्यो की परमेश्वर न मुसा आरु आपसा मानसो इस्राएल क लिय काय काय कोर्‌यो, यो की काहने रीते सी योहोवा इसराएलीयो क मिसर सी निकाळ ली आयो, 2 ती मुसा क ससुर यित्रो मुसा क लाड़ी सिप्पोरा क, जी पेहेल मायके मुकली देदो हुता, 3 आरु उना पुर्या क वी लीन आयो; एनुमा सी एक क नाव मुसा न यो कोहीन गेर्शोम पाड़्यो हुतो: “हांव दिसरा देश मा पारकु छे।”[a] 4 आरु दुसरा क नाव हुयो यो कोहीन एलीएजेर*18:4 एलीएजेर अर्थात् म्हार परमेश्वर म्हार सहायक
छे। राख्यो: “मारा बाबा परमेश्वर न मारो सहायक होईन मेसे फिरोन नु तलवार सि वाचाड़्यो।” 5 मुसा की लाड़ी आरु पुर्याक, उना सेसरो यित्रो पुठी लीन मुसा क पास सुनला जोंगल क उना जागा मा ली आयो, जाँ परमेश्वर क बोयड़ान पास ओको डेरो हुतो। 6 आरु आवीन हुयो मुसा क पास यो कोय मुकल्यो, “हांव मुसा तारु सेसरुस यित्रो छे, आरु दुयु पुर्या भेळ तारी लाड़ी क तारे पास ली आय रोयु।” 7 ओतरान कोरता मुसा आपसा सेसरा सी मिळने क लिय निकळ्यो, आरु ओको वान्दीन गुळु देदो; आरु हुये आपसा वारु हावभाव पुछता जाईन डेरा पोर आय गोया। 8 होंया मुसान आपसा सेसरा सी उना आखा कामोन वाराम बताड़ीयो। योहोवा न इसराएलीयो क जुगु फिरोन आरु मिसरियो सी काय-काय कोर्‌यो, आरु इसरालियो न वाट मा काय-काय वेला कोर्‌यो, ओळी योहोवा हेनुक कोसो-कोसो छुड़ावतो आयो। 9 जव यित्रो न उना आखा भलाई क कारण जो योहोवा न इसरालियो क साथ कोरीयो हुतो, कि हेनको मिसर क होक सी छुड़ावलो हुतो, खुश होयीन कयो, 10 यित्रो न कयो, “सोयाव्वु छे योहोवा, जु तुमु क फिरोन आरु मिसरियो क होकोम सी छुड़ायु, जुळ तुमु मानसो क मिसरीयान हातोम सी छुड़ायु छे। 11 हिमी हांव ते जान लेदु की योहोवा आखा देवता सी मोटू छे; बाखुन हेका वाराम वी जिनासी इसरालियो क पुठी घाड़ायीन वेवहार कोरला हुता।” 12 ती मुसा क सेसरो यित्रो न परमेश्वर क लिय होमबली आरु मेलबलि चोढ़ायो, आरु हारुन इसराएलियान आखा डाहडा पुजारा भेळ मुसा क सेसरा यित्रो क पुठी परमेश्वर क ओगोळ भोजन कोरने आया।