1 हे भाईस, आरू बहनीस जव हाव यहोवा–भगवान क सच्चाई भेद सोमवता हुया तुमरे साथे आश, तो ओवाज या ज्ञान की वारू मा वारू क साथे नी आश। 2 काहकि हाव ने यो ठान लेदा हुता कि तुमरे वीच ईशु मसीह वरना कुरूस पर चढ़ाया हुया मसीह क मरलो छुड़ आरू काही वात क नी जानीस। 3[a]हाव निर्बलता आरू बीक क साथे, आरू घोणा थरथराता हुया तुमरे साथे आयो; 4 आरू मारो वचन, आरू मारो खबर मा ज्ञान की लुभानेवावी वात नी, यहोवा–भगवान क आत्मा क शक्ति क प्रमाण हुता, 5 एरकरीन कि तुमरा विश्वास मानुस क ज्ञान पर नी, पुन यहोवा–भगवान की शक्ति पर निर्भर होय।
यहोवा–भगवान क ज्ञान
6 पछु भी सिध्द मानसे मा हामु ज्ञान सोमवता छे; पुन इनीये संसार क आरू इनीये संसार क नाश हुयने वालो सरदार क ज्ञान नी; 7 पुन हामु यहोवा–भगवान क वो सातायलो ज्ञान, भेद की रीति पर देखाड़ता छे, जिनाक यहोवा–भगवान ने जगमा छे पेहल छे हामरी महिमा क करता त्योन्यो। 8 जिनाक इनीये संसार क सरदार मा छे काही ने नी जाने, काहकि यदि वो जानता तो तेजोमय पोरबु क कुरूस पर नी चढ़ावता। 9 पुन जोसो लिख्यो छे, “जो वात डुवा ने नी देखी आरू कान्टा ने नी सोमवी, आरू जो वात मानुस क मन मा नी चढ़ी वो ही छे जो यहोवा–भगवान ने आपने मोंग राखनेवावा क करता तीयार करी छे।”
10 पुन यहोवा–भगवान ने उनको आपने आत्मा क द्वारा हामु पर प्रगट कर्या, काहकि आत्मा सब वात वरना यहोवा–भगवान की सातायली वात हेरता छे। 11 मानुस मा छे कुन काही मानुस की वात जानता छे, केवल मानुस की आत्मा जो उको छे? वोसो ही यहोवा–भगवान की वात भी काही नी जानता केवल यहोवा–भगवान क आत्मा। 12 पुन हामु ने संसार की आत्मा नी, पुन वो आत्मा देख्या छे जो यहोवा–भगवान की आरू छे कि हामु उन वात क जाने जो यहोवा–भगवान ने हामु देदी छे। 13 जिनको हामु मानुस क ज्ञान सिखाड़ी होयी वात मा नी, पुन आत्मा की सिखाड़ी होयी वात मा आत्मिक वात आत्मिक वात छे मिवी मिवीन सोमवता छे। 14 पुन जो मनुस यहोवा–भगवान क आत्मा न आत्मिक वात नी माने, काहकि वो ओकी नजर मा मुर्खता की छे, आरू नी वो तीनुक जान सकता छे काहकि उनकी हेरता आत्मिक रीति छे होयती छे। 15 आत्मिक जन सब काय हेरता छे, पुन वो आप काही छे समझ नी जाता। 16 “काहकि पोरबु क मन कोय जाने छे कि ओको सिखाड्या?” पुन हामु मा मसीह क मन छे।
