Acts

8 Djesum wäŋan nhanguru malthundamiwum, bitjan, “Dhuyu Birrimbirrma ŋarru ŋarruŋan nhumaliŋguḻ, bala nhan ŋarru ganydjarrma nhumaliny guŋana, mä nhuma ŋarru yaka rakaraman nhänany ŋunhalan Jerusalemnha, ga Judiya’ŋa ŋayiŋa, ga ŋunha Samariyaŋa ŋayiŋa, ga waripum nhuma ŋarru ŋarruŋa banha ŋalaŋa yaka yolŋu warra nyena dhaŋu buku-liw’yuman, bala yana rakaraŋan nhänany.”

9-10 Ga banha nhan Djesuyu dhawar'yuwanam rakaran, bala nhan Godthum mäyanan nhanany balan djiwarr’ḻin. Bala nhanguru malthundamiyum warrayu yakan nhäŋalan nhanany. Bala bewaḻiyam nhan maŋandhun gungan nhanany Djesunham, bala nhanguru malthundamiyum warrayu dhäwulnha bulum nhanany nhäŋal.

Ŋarru dhanalim yakan banha baḏaknha yana nhäŋal bala garramaṯḻim, bala beŋuruyam bulal’nha yolŋu wulay malŋ’ṯhuwan girri’ watharrrminy, dhäyan yakan galkin yana dhanaliŋguḻ. 11 Bala dhupal wäŋanan, “Nhuma ḏirramu warra Galaliwuy, nhäwu nhuma yaka dhaŋu dhäyam, nhämam balam garramatlim? Bilin nhan Godthun mäyanan Djesunham balan djiwarr’ḻin. Ŋarru nhan barkthu bulu ḏitju räli, bitju bili yana banha nhuma nhäŋal nhanany ŋarruŋanhaḻi.”