54
Memeficac nunumu
Yegecgareng yearu. Gitakurere kpema heibesonga. Sifingic yeneng Sauroaru kemma yofi edegec, “Dawidi ye nenanggoc sufuma kecde.” Ifi anggec Dawidingo masikiyegec yofi heiec.
1 O Anutu, ge kpac kunenggaac amma ebicfunac mesinuma kucgango onggonnuna ngic yeneac yoacfu firang ambesare. 2 O Anutu, ge nunumuna negemma yoacnaac kedzac kpena.
3 Kuricngic yeni yacma nubeso andae nga ubakpekpe ngicngo Anutuac negenggec engena mi angkecde, yeni ngaba anemma kpebucnubeso andae. Selac
4 Foracngoc, Anutu ye memeficngicna. Kebungo kekecna garenggekecdae, yenigoc kecma nanggeyunuu seria nanggecde. 5 Ngic neac ngabayoac degec yeng ngadeyoacngina merenu yeni imocac ebic meficgegecde. Kebu, ge yoac modac modac Anutu, imocac memanganeyununa kpac ambisia.
6 O Kebu, ni ubaefac amma geac sese megembade. Ge kpacga gombunga, imocac geac kpac kuneng heiwayong memibade. 7 Geng ebicfunac mesinudacma ngabafocna memanganeyununa ni firang amma kicnango yenenai.
<- MITIYEGEC 53MITIYEGEC 55 ->