38
Yuenae tueng nah ratoumnae
Kathutkung: Devit
1 Oe BAWIPA lungphuen laihoi na yue hanh lah a.
Puenghoi lungkhuek laihoi hai na yue hanh.
2 Na tahroe ni kai hah na thut dawkvah,
na kut ni hoe na nam sin.
3 Na lungphuennae kecu dawk, ka takthai dawk damnae awm hoeh.
Ka yonnae kecu dawk ka hru damnae awm hoeh.
4 Ka payonnae ni ka lû a ramuk dawkvah,
ka phu thai hoeh e hno patetlah doeh ao.
5 Ka pathunae kecu dawk, ka hmâ dukhnai teh,
a hmui a tho toe.
6 Patawnae khang hoi ka kâkalawng teh,
kanîruirui lungmathoe hoi ka cingou.
7 Bangkongtetpawiteh, ka laheibawnaw a kâan poung dawkvah,
ka takthai dawk damnae roeroe awm hoeh.
8 Ka tâwn poung teh ka lung a rek dawkvah,
ka lung a kâraphei teh ka cingou.
9 BAWIPA, ka ngainae pueng teh na hmalah ao.
Ka cingounae hai koung na panue.
10 Ka lung a duem teh tha ka tawn hoeh toe.
Ka mit angnae hai takuettakuet a mawm toe.
11 Ka patawnae dawk ka pahren e naw hoi huikonaw ni,
na hnai ngai awh hoeh toe.
Ka imthungnaw ni hai na roun awh toe.
12 Ka hringnae la han kakâcainaw nihai,
kai hanlah karap a patûng awh.
13 Hatei, kai teh, hnâpang patetlah ka thai hoeh,
lawka patetlah doeh ka o.
14 Hottelah, ka thai hoeh e patetlah ka o teh,
ka pato thai hoeh e patetlah ka o.
15 Oe BAWIPA, nang dawk ngaihawinae ka tawn dawkvah,
Oe BAWIPA, ka Cathut, na thai pouh haw.
16 Na thai pouh haw, hoehpawiteh, kai dawk a konawm awh vaiteh,
ka khok a thawn toteh, kai taranlahoi kâoup awh payon vaih ka ti.
17 Kai teh rawp hane coungkacoe ka o dawkvah,
ka lungmathoenae teh pou ka pouk.
18 Ka yonnae ni ka lung a puen sak dawkvah,
peng ka pâpho ngala toe.
19 Hatei, ka tarannaw teh, a tak a dam awh, a thao awh.
A khuekhaw awm laipalah na kahmuhmanaw teh, apap awh.
20 Hawinae hah yonnae hoi kapathonaw hai,
hawinae ka tarawi kecu ka taran lah ao awh.
21 Oe BAWIPA, na cettakhai hanh.
Oe ka Cathut, na hlat takhai hanh.
22 Oe rungngangnae BAWIPA,