108
Cathut tânae
Kathutkung: Devit
1 Oe Cathut, ka lungthin heh a cak,
pholennae na poe haw la ka sak han.
Ka bawilennae totouh na poe han.
2 Ratoung tamawi kâhlaw haw.
Kai hai amom ka kâhlaw han.
3 Oe BAWIPA, tamimaya hmalah na pholen han.
Miphunnaw rahak vah,
nang koe pholennae la ka sak han.
4 Bangkongtetpawiteh, na lungmanae ni kalvannaw totouh thoseh,
na lawkkatang ni tâmai totouh thoseh a pha.
5 Oe Cathut, kalvannaw lathueng tawm lah awm nateh,
na bawilennae teh talai van pueng lathueng vah, tawm lah awm seh.
6 Na pahren e naw hlout sak lah ao awh nahanelah,
aranglae kut hoi rungngang nateh, na thai pouh haw.
7 Cathut ni, a thoungnae lahoi ka konawm vaiteh,
Shekhem hah ka pek han.
Sukoth ram hah koung ka bangnue han telah a ti.
8 Gilead teh kaie lah ao teh,
Manasseh teh kai doeh.
Ephraim hai kai hanlah bawilakhung lah ao teh,
Judah teh ka tahroe lah ao.
9 Moab teh tui kamhluknae hlaam lah ao teh,
Edom van vah khokkhawm ka tâkhawng han.
Filistin van vah tânae ka pang han.
10 Ka cak e khopui dawk apinimaw na kaênkhai han.
Edom vah apinimaw na hrawi han.
11 Oe Cathut, kai na ka pahnawt e
nang ni na sak e nahoehmaw.
Oe Cathut, kaimae ransanaw hoi cungtalah
na ka cet hoeh e nang ni na sak nahoehmaw.
12 Runae thung hoi na kabawm haw.
Bangkongtetpawiteh, taminaw e
kabawpnae teh cungkeihoeh.
13 Cathut hoi cungtalah maimouh teh,
taranhawi laihoi sak awh han.
Bangkongtetpawiteh, ama teh,