7
1 Ka capa, ka lawk hah hringkhai nateh,
kaie kâpoelawknaw hah na thung vah pâkuem haw.
2 Kaie kâpoelawk hah, pâkuem nateh, hringkhai haw.
Hahoi, Kaie kâpoelawknaw hah na mitmu patetlah ring haw.
3 Na kutdawnnaw dawk pâkhit nateh,
na lungthin dawkvah thut haw.
4 Lungangnae koevah, ka tawncanu lah na o tet nateh,
thaipanueknae hah na tawncanu patetlah pouk haw.
5 Het niyah napui kahawihoehnaw koehoi na hlout sak vaiteh,
lawk radip lawk pâhnan naw koehoi na ring han.
Ka kâyawtnaw huengonae
6 Kama im e hlalangaw dawk hoi ka khet boteh,
7 Kamawngrame thung dawk,
nawsai buet touh hah tanglanaw rahak vah ka hmu.
8 Hote napui aonae lamtakin koe a pha awh toteh,
ahni im lah ceinae lamtalawi hah a dawn.
9 Tangmin karumsaning a pha toteh,
10 hawvah, hak kamthoup niteh,
ka kâyawt e napui ni a kâhmo.
11 Hote napui teh a im vah duem kaawm thai hoeh e,
a lungkatang e lah ao.
12 Lamthung hoi lam takin koe ao teh
tamipueng hah ouk a pawp.
13 A takawi teh, tang a paco
Lungpuennae awm laipalah, hettelah a dei.
14 Roum thueng hane ka tawn.
Sahnin ka lawkkam ka kuep sak han.
15 Hatdawkvah nang dawn hanelah ka tho.
Na tawng teh na kâhmo toe.
16 Ka ikhun dawk a meikahawi poung e hni
Izip lukkarei a em kaawm e sut ka phai toe.
17 Ka ikhun teh, murah hoi aloe,
nakzik hmuitui hoi ka pathoup toe.
18 Tho haw, khodai totouh, lungpatawnae lahoi
phaibongcito roi sei.
19 Bangkongtetpawiteh, ka vâ teh im vah awm hoeh.
Tangkabom a sin teh, kho hlanae koe kahlawng yo a cei toe.
20 Thapa a kamhluem to doeh
tho ti toe telah atipouh.
21 Lawkdeithoumnae ni a tâ teh,
lawk pâhnan hoi a tacuek thai
22 Maitotan ni moi theinae koe a pâtam e patetlah thoseh,
sayuk ni a lungthin pala ni a cusin hoehnahlan
karap coungroe e patetlah thoseh,
23 Tava ni a due nahanelah patung e tangkam a panue hoeh teh,
karanglah a kâen e patetlah thoseh,
thoundoun teh hote napui hnuk tang a kâbang.
24 Hatdawkvah, ka capanaw, ka lawk heh tarawi awh nateh,
ka dei e lawk hah kahawicalah pouk awh.
25 Na lungthin hah hote napui koelah, kamlang sak hanh,
a dawn e lam dawk dawn hanh.
26 Bangkongtetpawiteh, tami moikapap hmâ a paca teh,
athakaawme tami moikapap a kamlei sak toe.
27 Ahnie im teh phuen koe ceinae lamkalen lah ao teh,