5
Dumnae hah roun haw
1 Ka capa, poukpanueknae na tawn nahane hoi,
na pahni ni panuenae a pâkuem thai nahanelah,
2 kaie lungangnae hah thai nateh,
kaie thaipanueknae dawk na hnâpakeng haw.
3 Bangkongtetpawiteh, napui kathoutnaw e pahni teh,
khoitui patetlah a radip, a lawk teh sathaw hlak hai a pâhnan.
4 Hatei, apoutnae koe lateh, hmue patetlah a kha teh,
avoivang kahran e sarai patetlah a hran.
5 A khok ni duenae lamthung a pâtam teh,
a khok takan ni sheol hmai a pâtam.
6 Hoehpawiteh, a hringnae lamthung na pouk hoeh vaiteh,
a lamthung a cak hoeh e hah na panuek mahoeh.
7 Hatdawkvah, ka canaw, atuvah, ka lawk thai awh haw.
Ka dei e lawknaw hah pahnawt awh hanh.
8 Hatei, ahlanae koe kampuen awh nateh,
ahnie im takhang hoi hai hnai awh hanh.
9 Hoehpawiteh, barinae na hmu e hah
ayâ alouk koe kampuen payon vaih.
Tami nuen kamathoutnaw rahak vah,
na hringnae be na hno payon vaih.
10 Hoehpawiteh, ramlouknaw ni
na tawntanae dawk nawm awh vaiteh,
na thaw tawk e a pawnaw hah
ramlouknaw im vah phat payon vaih.
11 Apoutnae koe lah, na takthai a kamsoe toteh,
na khui payon vaih.
12 Bangtelamaw, cangkhainae hah koe ka hmuhma teh,
yuenae hah ka lungthin hoi koe ka dudam toe.
13 Na kacangkhaikung e lawk hah koe ka tarawi ngaihoeh niteh,
na cangkhainae hah koe ka thai ngaihoeh heh ma.
14 Tamimaya hoi kamkhuengnaw koe
rawknae kâhmo hoeh e dueng doeh hei na ti han na kaima.
15 Nange tuikhu, na tuikhu hoi
ka tâcawt e tui roeroe hah na nei han.
16 Na tuiphuek hah ram tangkuem lawng vaiteh
tamimaya ceinae lamnaw dawk a lawng han na maw.
17 Nama hanelah dueng awm seh,
ayâ alouke hoi kâkabawpkhai hane nahoeh.
18 Na tuikhu teh yawhawi seh,
na naw nah e na yu koe na lungkuep lawih.
19 Ngai kaawm e sayuk hoi a meikahawi e sayukhre patetlah,
a sannunaw ni na lungkuep sak naseh.
A lungpatawnae ni na lungkuep sak naseh.
20 Bangtelamaw, ka capa nang ni napui kahawihoehe hah
na ngai vaiteh, khuet na tapam han vaw.
21 Bangkongtetpawiteh, tami hringnae lamthungnaw teh,
BAWIPA ni koung a hmu teh,
a lamthung pueng koung a pouk pouh.
22 Ama pouknae ni tamikayon teh a man vaiteh,
a yonnae tangron hoi pâkhi lah ao han.
23 Cangkhainae a vout dawkvah, a due vaiteh,