24
1 Tamikayonnaw hah nôe awh hanh,
ahnimouh koehai kambawng hanh.
2 Bangkongtetpawiteh, rawk nahane dueng a pouk awh teh,
runae kâhmo nahan dueng doeh a dei awh.
3 Lungangnae hoi im sak lah ao teh,
thaipanueknae lahoi caksak lah ao.
4 Thoumthainae lahoi rakhannaw teh aphukaawm niteh
ngai kaawm e hnonaw hoi a kawisak.
5 Tamilungkaang e teh a tha ao,
panuenae ka tawn e ni a tha ao sak.
6 Bangkongtetpawiteh, lungkaangnaw hoi kâpankhai e lahoi
na taran na tâ vaiteh kâpankhaikung a papnae koe hloutnae ao.
7 Lungangnae heh tamipathu hanelah teh a rasang poung dawkvah,
kho longkha koe dei hane panuek hoeh.
8 Thoenae sak hanelah kâcai e tami teh,
thoenae khokhankung telah kaw lah ao han.
9 Tamipathunaw e pouknae teh yonnae doeh,
ayâ ka dudam e teh ayâ hanelah panuet a tho.
10 Runae na kâhmo navah na lungpout pawiteh,
na tha a youn han.
11 Due hanelah a hrawi awh e hah rungngang awh nateh,
thei hanelah a hrawi awh e hah ratang awh haw.
12 Thai haw, hetteh ka panuek hoeh, na tet pawiteh,
na lungthin yawcu dawk kakhingkung ni pouk mahoeh namaw.
Na hringnae kountoukkung ni panuek mahoeh na maw.
Tamipueng a tawk awh e patetlah patho mahoeh namaw.
13 Ka capa khoitui hah cat haw, bangkongtetpawiteh ahawi,
ka radip e khoipha hah cat haw.
14 Hot patetlah, panuenae hoi lungangnae hai
na hringnae hanlah tho van seh.
Hot hah na hmawt pawiteh ngaihawi hane ao teh
na ngaihawinae teh ayawmyin lah awm mahoeh.
15 Oe tamikathout, tamikalan onae im hah pawm hanh,
a kâhatnae hmuen hai raphoe hanh.
16 Bangkongtetpawiteh, tamikalan teh vaisari touh
ka rawm nakunghai bout a thaw hah,
hatei tamikathout teh rawknae koe a rawp han.
17 Na taran a rawp navah na konawm hanh,
a kamthui navah na lunghawi hanh naseh.
18 Hatnavah, BAWIPA ni hmawt vaiteh,
a lunghawi hoeh langvaih,
hahoi ahni koe a lungkhueknae hai a roum sak thai.
19 Thoenae kasaknaw kecu dawk na lungpuen hanh,
tamikathoutnaw hai ut hanh.
20 Bangkongtetpawiteh, tamikathoutnaw hanelah
ngaihawinae awm hoeh,
tamikathoutnaw e hmaiim teh padue pouh lah ao han.
21 Ka capa, BAWIPA hoi siangpahrang teh taket haw,
kaletkalang kaawm e hah kamyawngkhai hanh.
22 Bangkongtetpawiteh, vaitahoi rawknae a pha han,
ahnimouh roi e rawknae teh apinimaw a panue thai.
Lungangnae lawk alouklouknaw
23 Het hai tamilungkaangnaw e doeh,
lawkceng nah tami kapek e teh hawi hoeh.
24 Tamikathout koe, nang teh na lan, ka tet e teh,
tamipueng ni thoebo vaiteh miphun pueng ni a panuet han.
25 Hatei, tamikathout ka yue e teh kabawpnae a tawn han,
a lathueng yawhawinae kahawi a pha han.
26 Kalan lah ka pato e pahni teh
tami pueng ni a paco han.
27 Alawilah na thaw hah kâcai haw,
law thaw tawk hanelah kâcai haw, hathnukkhu na im hah sak.
28 A khuekhaw awm laipalah na imri taranlahoi
kapanuekkhaikung lah awm hanh,
bangkongtetpawiteh na pahni hoi na dum han namaw.
29 Ahni ni kai dawk a sak e patetlah ahni dawk ka sak han,
amae moi rueng ka pathung han telah tet hanh.
30 Ka pangak law ka cei teh,
thaipanueknae ka tawn hoeh naw e misur takha koe ka cei.
31 Pâkhing ni king a kayo, pho king a cak,
rapan koung a tip toe.
32 Ka khet teh kahawicalah ka pouk,
cangkhainae ao telah ka panue.
33 Dongdeng ka yan ei nei, dongdeng ka ip ei nei,
kut tapam laihoi kâhat einei na ti lahun nah,
34 mathoenae ni imyin patetlah tho vaiteh,