1 Iwe, üa küna echö toropwe mi numunumula lon pöüifichin ewe mi mot won ewe lenien motun king. A kula ren mak lepekin me rüepek, nge a pwau ren fisu pwau. [a] 2 Mürin üa küna eman chon läng mi pöchökül a kökkö ren mwelian mi leüömong, “Iö a fich ngeni an epwe ülei ekewe pwau o suki ewe toropwe?” 3 Nge esap wor eman lon läng ika won fanüfan ika lon lenien sotup a tongeni suki ewe toropwe mi numunumula o nenelong lon. 4 Iwe, üa fokun kechü, pun resap küna eman mi fich ngeni an epwe suki ewe toropwe ika nenelong lon. 5 Mürin eman me lein ekewe souakom a üreniei, “Kosap kechü! Nengeni, ewe Laion seni ewe ainangen Juta, ewe mwirimwirin Tafit mi iteföüla a pwora o win, i epwe tongeni ülei ekewe fisu pwau o suki ewe toropwe.” [b]
6 Mürin üa küna eman Lam a ütä lukalapan mwen ewe lenien motun king, nge ekewe föman mönümanau me ekewe rüwe me föman souakom ra pweli ünükün. Ewe Lam a usun itä nge a ninnila. A wor füfoch mächän me füföü föün mesan, ir ekewe füman Ngünün Kot ra titila won unusen fanüfan. [c] 7 Iwe, ewe Lam a feila o a angei ewe toropwe seni pöüifichin ewe mi mot won ewe lenien motun king. 8 Lupwen a föri iei usun, ekewe föman mönümanau me ekewe rüwe me föman souakom ra chapetiu mwen ewe Lam. Eman me eman a wor an pisekin ettik me eu sepi mi ur ren apach mi pwokus, iei än ekewe chon pin iotek. [d] 9 Iwe, ra kölü echö köl mi fö:
11 Mürin üa nenengeni o rongorong möngüngün chomong ngeröün chon läng. Ra ütä pwelin ünükün ewe lenien motun king, pwal ünükün ekewe föman mönümanau me ekewe souakom, [g] 12 ra köl ren ngingi mi leüömong:
13 Iwe, üa rongorong pwe förien Kot meinisin lon läng pwal won fanüfan, lon lenien failol pwal lon matau ra kölü ei köl: