Johannes Kapas akom I. Chon makkei ei toropwe: Ewe soukünö Johannes. II. A mak ngeni iö: Ngeni eman Finesamol mi Fil me nöün kana. III. Itelapemongen ei toropwe: Let me Chen. IV. Kapas aüchean ei toropwe: Souläng resap chiechi ngeni ekewe chon afalafal chofona. V. Masouen ei toropwe: Ewe aruachön nöün Johannes toropwe a mak me ren ewe “Souakom” ngeni ewe “Finesamol mi Fil me nöün kana”. Eli ekei kapas ra wewe ngeni eu mwichefel me aramasen lon. Malapen ei pworaus eu tüngor pwe souläng repwe tongfengen lefiler, pwal kapasen fön pwe repwe ü ngeni ekewe chon afalafal chofona me masouen ar afalafal. VI. Tettelin masouen ei toropwe: Kapas akom 1-3 Aüchean ach eäni chen 4-6 Kapasen fön usun ach sipwe ü ngeni ekewe chon afalafal chofona 7-11 Kapasen lesopolan 12-13
1Kapong 1-31 Ngang ewe Souakom üa kapong ngeni ewe Finesamol mi fil me nöün kana, ir chokewe üa wesewesen echeniir. Nge sap ngang chök üa echeniir, pwe pwal chokewe meinisin mi silei ewe let, 2 pun ewe let a nonom loch, epwe pwal etikich tori feilfeilachök.
3 Samach Kot me Jesus Kraist, i Nöün ewe Sam, epwe ngenikich ümöümöch, tong me kinamwe, repwe nonom rech lon let me chen.
Let me Chen 4-114 Üa fokun pwapwa lupwen üa silei pwe ekoch me lein noumw kana ra manaueni ewe manauen let usun chök ewe Sam a allük ngenikich. 5 Iei üa tüngor ngonuk achengicheng Finesamol: Ousipwe echenifengenikich lefilach. Ei esap eu allük mi fö üa makkei ngenikemi, pwe iei eu allük sia eäni seni chök lepoputän. ✡Joh 13.34; 15.12,17 6 Ei chen üa kapas usun, wewen pwe sipwe fokun aleasochisi än Kot kewe allük. Iei ewe allük oua rongorong seni lepoputän, pwe oupwe manaueni ewe manauen chen.
7 Chomong chon atuputup ra fetalfeil won unusen fanüfan, ir aramas resap pwärätä pwe Jesus Kraist a feito o wiliti aramas. Ei sokun aramas eman chon atuputup me ewe pölüen Kraist. 8 Iei mine oupwe mamasakemi, pwe esap pöüt senikemi mine sia angang fän itan, nge oupwe angei ewe liwin mi unus.
9 Eman esap kamwöchünük won än Kraist afalafal, pwe a apacha och ngeni, Kot esap nonom ren. Nge eman mi kamwöchünük won ewe afalafal, ewe Sam me ewe Nau ra nonom ren. 10 Iei mine are eman a feito remi nge esap uwato ei afalafal, ousap etiwa i lon imwemi, ousap mwo nge apasa lon ämi kapong, “Kinamwe epwe nonom reöm.” 11 Pun eman mi eäni kapongen kinamwe ngeni, a wiliti eman chiechian lon ekewe sokun föföringau a föriir.
Kapasen lesopolan
1 Ngang ewe Souakom üa kapong ngeni ewe Finesamol mi fil me nöün kana, ir chokewe üa wesewesen echeniir. Nge sap ngang chök üa echeniir, pwe pwal chokewe meinisin mi silei ewe let, 2 pun ewe let a nonom loch, epwe pwal etikich tori feilfeilachök.
3 Samach Kot me Jesus Kraist, i Nöün ewe Sam, epwe ngenikich ümöümöch, tong me kinamwe, repwe nonom rech lon let me chen.
4 Üa fokun pwapwa lupwen üa silei pwe ekoch me lein noumw kana ra manaueni ewe manauen let usun chök ewe Sam a allük ngenikich. 5 Iei üa tüngor ngonuk achengicheng Finesamol: Ousipwe echenifengenikich lefilach. Ei esap eu allük mi fö üa makkei ngenikemi, pwe iei eu allük sia eäni seni chök lepoputän. ✡Joh 13.34; 15.12,17 6 Ei chen üa kapas usun, wewen pwe sipwe fokun aleasochisi än Kot kewe allük. Iei ewe allük oua rongorong seni lepoputän, pwe oupwe manaueni ewe manauen chen.
7 Chomong chon atuputup ra fetalfeil won unusen fanüfan, ir aramas resap pwärätä pwe Jesus Kraist a feito o wiliti aramas. Ei sokun aramas eman chon atuputup me ewe pölüen Kraist. 8 Iei mine oupwe mamasakemi, pwe esap pöüt senikemi mine sia angang fän itan, nge oupwe angei ewe liwin mi unus.
9 Eman esap kamwöchünük won än Kraist afalafal, pwe a apacha och ngeni, Kot esap nonom ren. Nge eman mi kamwöchünük won ewe afalafal, ewe Sam me ewe Nau ra nonom ren. 10 Iei mine are eman a feito remi nge esap uwato ei afalafal, ousap etiwa i lon imwemi, ousap mwo nge apasa lon ämi kapong, “Kinamwe epwe nonom reöm.” 11 Pun eman mi eäni kapongen kinamwe ngeni, a wiliti eman chiechian lon ekewe sokun föföringau a föriir.