1 Iwe, ikkei ir nöün Jakop kewe mwän: Rupen, Simeon, Lefi, Juta, Isakar, Sepulon, 2 Tan, Josef, Peniamin, Naftali, Kat me Aser.

3 Iwe, nöün Juta kewe mwän: Er, Onan me Shela. Ekei ülüman mwän Juta a nöüni me won Patsua ewe fin Kanaan. Er nöün Juta we mwänichi a föföringau me fän mesen ewe Samol mi Lapalap, iei mine Kot a niela. 4 Juta a pwal nöüni me won Tamar pwülüen nöün we: Peres me Sera. Iwe, ükükün nöün Juta mwän meinisin limman.

5 Iwe, nöün Peres kewe mwän: Hesron me Hamul. 6 Nöün Sera kewe mwän: Simri, Etan, Heman, Kalkol me Tara, irfengen meinisin limman. 7 Nge Karmi eman mwirimwirin Sera a wor eman nöün mwän itan Akar *Akar a iteni Akan lon Jos 7.1. Ätei ewe mi awarato feiengau won Israel ren an angemwäli ekewe mettoch repwe katala. ✡Jos 7.1 8 Iwe, nöün Etan we mwän Asaria.

9 Nöün Hesron kewe mwän: Jeramel, Ram me Kalep. 10 Ram semen Aminatap, nge Aminatap semen Nason samolun chon ewe ainangen Juta. 11 Nason semen Salma, Salma semen Poas, 12 Poas semen Opet, nge Opet semen Jesi. 13 Iwe, Jesi semen Eliap nöün mwänichi, Apinatap ewe aruomanün, Simea ewe aülümanün, 14 Netanel ewe afömanün, Ratai ewe alimmanün, 15 Osem ewe awonomanün, nge Tafit ewe setiputur. 16 Iwe, fefiner kewe Seruia me Apikael. A wor ülüman nöün Seruia mwän: Apisai, Joap me Asael. 17 Apikael a nöüni Amasa, nge semen Amasa itan Jeter, eman mwirimwirin Ismael.

18 Iwe, Kalep nöün Hesron we mwän a nöüni me won Asupa pwülüan we eman nengin itan Jeriot. Nge nöün kewe mwän me won Asupa: Jeser, Sopap me Arton. 19 Nge mürin än Asupa mäla, Kalep a pwülüeni Efrat o nöüni Hur me won. 20 Iwe, Hur semen Uri, nge Uri semen Pesalel.

21 Lupwen Hesron a ierini wone, a pwülüeni nöün Makir we fefin, nge Makir semen Kiliat. Iwe, neminewe a nöüni Sekup me won Hesron. 22 Sekup semen Jair, ätewe mi nemeni rüe me ülüngat telinimw me lon ewe fanü Kiliat. 23 Nge ekewe chon Kesur me chon Aram ra liapeni Hawotjair, Kenat me wisoposopun kewe ükükün wone telinimw. Ekewe aramas meinisin mi nom lon ekei leni ir mwirimwirin Makir semen Kiliat. 24 Iwe, mürin än Hesron mäla, Kalep a pwülüeni Efrat pwülüen Hesron saman we. Iwe, a nöüni Asur me won, nge Asur semelapen chon Tekoa.

25 Iwe, nöün Jeramel kewe mwän nöün Hesron we mwänichi: Ram ewe mwänichi, Puna, Oren, Osem me Ahia. 26 Mi pwal wor eman pwülüen Jeramel itan Atara, neminei inen Onam. 27 Iwe, nöün Ram kewe mwän: Maas, Jamin me Eker. 28 Nge nöün Onam kewe mwän: Shamai me Jata, nge nöün Shamai kewe mwän: Natap me Apisur. 29 Iten pwülüen Apisur Apihail, neminei a nöüni me won Apan me Molit. 30 Iwe, nöün Natap kewe mwän: Selet me Apaim. Selet a mäla, nge esap wor nöün. 31 Nöün Apaim mwän: Isi, nge nöün Isi: Sesan, nge nöün Sesan: Alai. 32 Nöün Jata kewe mwän pwin Samai: Jeter me Jonatan. Iwe, Jeter a mäla, nge esap wor nöün. 33 Nöün Jonatan kewe mwän: Pelet me Sasa. Ir meinisin mwirimwirin Jeramel. 34 Iwe, Sesan esap wor nöün mwän, pwe fefin chök. Nge mi wor eman re Isip nöün Sesan amanau itan Jara. 35 Sesan a apwüpwülüa nöün fefin ngeni Jara, nge neminei a nöüni Atai me won. 36 Iwe, Atai semen Natan, Natan semen Sapat, 37 Sapat semen Eflal, Eflal semen Opet, 38 Opet semen Jehu, Jehu semem Asaria, 39 Asaria semen Heles, Heles semen Eleasa, 40 Eleasa semen Sismai, Sismai semen Salum, 41 Salum semen Jekamia, nge Jekamia semen Elisama.

42 Iwe, Kalep pwin Jeramel a wor nöün kewe mwän. Iten nöün we mwänichi Mesa i semen Sif, Sif semen Maresa, nge Maresa semen Hepron. 43 Nöün Hepron kewe mwän: Kora, Tapua, Rekem me Sema. 44 Iwe, Sema semen Raham, Raham semen Jorkeam. Nge Rekem semen Samai, 45 Samai semen Maon, nge Maon semen Petsur. 46 Iwe, Efa ülüpwülüen Kalep a nöüni Haran, Mosa me Kases. Nge Haran a pwal wor eman nöün itan Kases. 47 Nöün Jatai kewe mwän: Rekem, Jotam, Keshan, Pelet, Efa me Saaf. 48 Nge Maka pwal eman ülüpwülüen Kalep, a nöüni Seper me Tirana. 49 Mürin a pwal nöüni Saaf semelapen chon Matmana me Sewa semelapen chon Makpena me chon Kipea. Nge nöün Kalep fefin a iteni Aksa.

50 Ikkei ir ekewe mwirimwirin Kalep: Hur, nöün Kalep we mwänichi, a nöüni me won Efrat, a wor nöün mwän: Sopal semelapen chon Kiriat-jearim. 51 Salma semelapen chon Petleem, me Haref semelapen chon Pet-kater. 52 Nge ekewe mwirimwirin Sopal semelapen chon Kiriat-jearim: Ekewe chon Haroe me esopun chon Menuhot, 53 pwal ekewe eterekes mi nom lon Kiriat-jearim: ekewe chon Itri, chon Put, chon Shumat me chon Mishra. Iwe, ekewe chon Sorat me chon Eshtaol ra pop seni ekei aramas. 54 Nge ekewe mwirimwirin Salma semelapen chon Petleem: Ekewe chon Netofat, chon Atrot-Petjoap, esopun chon Manahat me ekewe chon Sor. 55 Ikkei ekewe eterekesin ekewe soumak mi nom lon Japes: Ekewe chon Tirat, chon Shimeat me chon Sukat. Ir ekewe chon Ken ra feito seni Hamat, mwirimwirir ekewe chon leimwen Rekap.