36
Ashiriya, na yuwaatssha Esaw wip pzapaneerangu anoo kamanchintspa
1 Esaw sur tsimbun taarangiya, min sur Edoma. Esaw wip zapan taarangiya. 2 Anshat, Esaw Kanaanshuchee kiz tuchip yamarangiya. Ichtamarini wizanll sur Adaa. Anshat, Elón wipa Hititshuch tputsi. Mishat, wizanll sur Olibama. Anshat, kiz Anaan wipa, Sibonaa wachinllinu Hebewshuch tputsi. 3 Mishat, wizanll tuchparinshitini sur Basemata. Anshat Ismael wipa, Nebayot muna. 4 Esaw aship wizanll taarangu;
Adashuma iparnarangiya minumta sur Elifas.
Minushshat wizanll Basematash iparnarangitamta. Anshat wip sur Rewela.
5 Minushshat wizanll tuchparinishtini Olibamash iparnarangitamta,
Jeús,
Jalam,
Koré.
Aship an ichingaru Esaw wip taarangiya, yuw Kanaanash tsap nllurtarangana anu.
6 Anamun zapish zoonll Akop kusachshat; tsap washunand taamaam pishtarangu, Esawsha arap nllitaritap tsap naatarangiya. Ichingaru wizanll ashpari, wipshat ashparitam, chinutam, yuwatam Kanaanash tsap kusachu maachiritam yarangu, payusheema anutam, muchchurtam, kamuzpatari, kizaptari, yuwatam anush tputs taarangana anutam, wipunashtam ichingarusin káchingayarandsin, minupshat tsap naataranganaya. Akopaa zoonllee arap wanllitpi átu ashirangiya. 7 Watam zoonllpa Akoppat washunand watsiritaw taamaam pinasaranguwa, yuwamand chin chirichiree kaching kaching ashku anumand washunand taamaam pinasaranganaya. Minupshat arapshat wanlliteeru naatarangiya. 8 Ashirucha, Esaw anoo tsap shitungeeranllu, minupshat tsap, mach sur Seirap taakamchu naatarangiya.
Ashiriya, na kamaneena yuwaa Esaw wip pzapaneerangu anootsi.
Ashiriya, na yuwaatsshat Esaw wachinllin pzapaneerangu anoo kamanchintspa
9 In ichingaru Esawnandari wachinllinu, Edomchich tputsi atanaya. Mach tsap sur Seirash anush pzapaneeranganaya.
10 Ashiriya, Esawaa wachinllin sur kamanchintspa. Esaw ichtakchuri Adash iparnarangiya, sur Elifas, minushshat wizanll Basematashsha Rewelaa iparnarangiya.
11 Ashirucha, wip aship taarangu, Elifasshat, Adaa wip, uwshat arang iparnarangiya Esawam wachinllinu.
Teman,
Omar,
Sefo,
Gatam,
Quenas, aship Elifas wip taarangiya.
12 Elifassha wizanll mashingamashsha sur Timnash minumtam iparinarangiya. Sur Amalekaa Esawtam wachinllinu. Aship in ichingaru Esaw wachinllin Adash taarangiya.
13 Tsimbunarnishitini wizanll Basematash Rewelaa iparinarangiya. Uwshat Rewelsha arang iparnarangitamta Esawam wachinllinu. Iwachiztamarni sur
Nahat,
Serah,
Sama,
Misa.
Aship in ichingaru Basemat wachinllin taarangiya Rewel wipa.
14 Mishat, Esawtam wizanll tuchparinshitini Olibam arang iparinarangitamta. Anaa wip yamarangu anshu, Sibonash wachinllinu. Olibam wip iwachiztamarni sur,
Jeús,
Jalam,
Koré.
Aship in ichingaru Olibam wip taarangiya.
15 Ashiriya, na minootsshat Esaw wachinllin kurakaamshat kinarangana anootsshat kamanchima. Ashiriya, Esaw wachinllin iwachiztamshuchima Elifasshuch wip taarangiya:
Teman,
Omar,
Sefo,
Quenas,
16 Koré,
Gatam,
Amalek.
Aship an ichingaru Elifasanandari wip kurakaam kinaranganaya Edomash tsapu. An ichingarusin Edomchichinandari tputsi.
17 Rewelshat wip kurakaam kinarangitamsinaya Esawtam wachinllinu,
Nahat,
Serah,
Sama,
Misa,
aship an ichingarusin kurakamtam kinaranganaya. Edomshutam tsapu Rewel wipa Basemat wachinllinu.
18 Olibamshat wip kurakaam kinarangitamsinaya. Esawtam wipa Olibamash wanindarangu anu. Ansha wip sur taarangiya:
Jeús,
Jalam,
Koré.
19 Aship ichingaru washunand Esawa wachinllin kurakaam kinaranganaya.
Ashiriya, na kamaneena yuwaa Esawchich wachinllin kurakaam kinarangana anootsi.
Ashiriya, na yuwaatsshat Seir wip Horewsh tsap pzapaneerangu anoo kamanchintspa
20 Anshat Seir Horewsh tsap taarangu, wipaam pzapaneerangitamta. Wip zapantam taarangiya,
Lotan,
Sobal,
Sibon,
Ana,
21 Dison,
Eser,
Disan.
Aship an ichingaru kurakaam kinarangitamsinaya, Horewshuch tputs, Seirnandari wachinllinu Edomash tsap nllurtarangana anu.
22 Lotanshat uwshat arang iparnarangitamta sur,
Hori,
Hemam,
ashpanandtam wip taarangiya. Lotanshat wizar sur Timna taarangiya.
23 Sobalshat uwshat arang iparnarangitamta,
Alban,
Manaat,
Ebal,
Sefo,
Onaam
aship wip Sobal ichingaru taarangiya.
24 Anumunshat, Sibonshat uwshat arang iparnarangitamta
Aíya,
Anaa,
aship Sibon wip taarangiya. Anshat ashirangsin min wip shipamunach sur Anaa, apusap tsap xittu kungoo wanasirimshee parangu ambirisha naayaru wapar chin burrurini ksutku taarangiya.
25 Anaa wipa minumtam kamuz sur Dison, mishat kizshat wip minumtam sur Olibama ashiru taarangiya. 26 Disonshat uwshat arang iparnarangitamta,
Hemdan,
Esban,
Itran,
Quenas,
aship Dison wip taarangiya.
27 Esershat uwshat arang iparnarangitamta
Bilan,
Saavan,
Akan,
aship Eser wip iparnarangiya.
28 Disanshat uwshat arang iparnarangitamta,
Osa,
Arán.
Aship an ichingaru Seir wachinllin taarangiya.
Ashiriya, na kamaneena yuwaa Seirchich wachinllin pzapaneerangana anootsi.
Ashiriya, na Horewchich kurakaam kinarangana anoo kamanchintspa
29 Horewchich kurakaam kinarangitamsinaya, suroo na kamanchima:
Lotan,
Sobal,
Sibon,
Anaa,
30 Dison,
Eser,
Disan.
Aship an ichingaru Horewnandari wachinllin kurakaam kinaranganaya. Aship an ichingaru maachiritanandaritssin zoonllinandaritssin kurakaam kinayarusin, Seirash tsap taaranganaya.
Ashiriya, na kamaneena yuwaa Horewshuch tputs ichingarusin kurakaam kinarangana anootsi.
Ashiriya, na yuwaatsshat Edomshuch tsap zitaminarini kurakaam kinataranllina anoo kamanchintspa
31 Ndatuma Israelchich tputs kurakaam kinatssin, ichtakachuri Edomshuchima tputs zitaminarini kurakaam kinarsin, ksutkusin taaranganaya.
32 Ashiriya, zitamin Beor wip sur Bela taarangiya, yuw Edoma tsap kurakaam kinayaru ksutarangu anu. Yaktarinshat sur Dinaba taarangiya.
33 Belarini tsiparamatshat, Serarinshat wip Jobabshat uwshat anoo tsap kurakaam kinayaru ksutarangiya. Anshat tputs Bosráshuch yakta.
34 Jobabarinshat tsiparamchu, Hosamshat uwshat anoo tsap kurakaam kinayaru ksutarangiya. Anshat tputs Temanshuchi.
35 Hosamarinshat tsiparamchu, Bedadshat wip Hadad sur, uwshat anoo tsap kurakaam kinayaru ksutarangiya. Sheeru, Madiyanshuchee tputs kachingeeru kasarangiya, Mowabshucheetstam tputsi. Anshat tputs ambichshuchi.
36 Hadadarinshat tsiparamchu, Samlashat uwshat kurakaam kinayaru, anoo tsap ksutarangiya. Anshat tputs Masrekayshuchi.
37 Samlarini tsiparamchu, Saulshat uwshat kurakaam kinayaru, anoo tsap ksutarangiya. Anshat tputs Rewbotshuchi yaktarini kungumun wing taaranganaya.
38 Saularinshat tsiparamchu, Baal-Hananshat uwshat zamuyaru, kurakaam kinayaru, anoo tsap ksutarangiya Akborarini wipa.
39 Baal-Hananarinshat tsiparamchu, Hadadshat uwshat zamuyaru, kurakaam kinayaru, anoo tsap ksutarangiya. Anshat tputs Pawushuchi, wizanllsha sur Meetabela, Matredarini wipa Mesabarini wachinllinu.
Ashiriya, na kamaneena yuwaa Edomash tsap zitamin kurakaam kinarsin taarangana anootsi.
Ashiriya, na yuwaatsshat Esawarini wip ichingaru maachiritanandaritssin kayanurusin washunand taarangana anoo kamanchintspa
40 In waatatcha yuw ichingaru Esaw wip waannandaritssin zoonllinandari watsapunish taarangana an sur
Timna,
Alba,
Jetet,
41 Olibama,
Ela,
Pinon,
42 Quenas,
Teman,
Mibsar,
43 Magadiel,
Irám.
Aship ichingarusin taaranganaya. Mishat, Esaw sur tsimbun taarangiya, minu Edoma. Ashirucha, aship Esaw wachinllin taarangu, anchichinandari ichingaru kurakaam kinaranganaya Edomchichinandari tputsi. Ichingarusin minush kung, minush kung, ashirusin taaranganaya.
Ashiriya, na kamaneena yuwaa Edom wachinllin kurakaam kinarangana anootsi.
<- Apanll Chtarangu 35Apanll Chtarangu 37 ->
