1 Y c'are' chicaj xk'alajim-pa jun ixok. Y re ru-forma re ixok re', can man jun bey tz'eton, roma can ancha'l nitzu'un re k'ij quire' titzu'un re rutziak y ja re ic' re aconak rupilibal.✡Is 60.19. C'o c'a jun corona rucusan, y re corona re' ruc'uan doce ch'umil. 2 Y re ixok re' can k'alaj che nic'ue-yan ac'ual riq'uin.✡Is 66.7. Mare' camas nijelo y camas k'axon nuk'asaj. 3 Y c'are' xk'alajim-pa chicaj jun itzel chicop quiak rij re nibex dragón cha. Jun moma' chicop re man jun bey tz'eton, roma c'o vuku'✡Ap 17.3. rujalom, c'o lajuj ruc'ua' y cada jun chique re vuku' rujalom ruc'uan ja'jun corona. 4 Y re itzel chicop quiak rij re nibex dragón cha, xaxe riq'uin re rujay✡Ap 9.10. xujocoquej-pa jun tercera parte chique re ch'umil✡Dn 8.10. re jec'o chicaj, y xe'ruch'akij-pa pa rue' re ruch'ulef. C'are' xc'ue-apo chach re ixok✡Ap 17.18. re nic'ue-yan ral. Ruchajin-apo jampa' xtic'ue' re ac'ual, chin quire' nutaj-a✡1 P 5.8. re ac'ual. 5 Re ixok re' can xalax-va re ral, y re ral xc'ue' ala'. Y re ac'ual xmoj-a chach, chin che xc'uax-a cha re Dios re tz'uyul chach re lok'olaj ch'acat. Y ja ac'ual re' re c'aja-oc nalax re xtibano gobernar✡Sal 2.9; Ap 2.27; 19.15. pa quive' re naciones re jec'o chach re ruch'ulef, riq'uin ronojel ru-poder. 6 Y re ixok re xc'ue' ral, xnumaj, y xba c'a chupan re lugar re anche' manak vinak re nibex desierto cha, roma ja lugar re' re canon roma re Dios chin che man jun cosa nuc'alvachij. Y chire' nivilix-va mil doscientos sesenta k'ij.✡Ap 11.3.

7 Y chila' chicaj xbanataj jun guerra. Re arcángel Miguel✡Dn 10.13; 12.1. je ruchibil re ru-ángeles, xquiban guerra riq'uin re itzel chicop quiak rij re nibex dragón cha, y chuka' re ru-ángeles re itzel chicop. 8 Pero re itzel chicop quiak rij y re ru-ángeles man xe'ch'acon-ta, y xe'lisas-pa✡Lc 10.18; 2 P 2.4. chila' chicaj. 9 Y re itzel chicop quiak rij re nibex dragón cha chibil re ru-ángeles xe'ch'akex-pa✡Lc 10.18; Jn 12.31. pa rue' re ruch'ulef. Y ja cha re itzel chicop re' nibex-va diablo y Satanás. Ja reja' re xoc re jun cumatz✡Gn 3.1. ajuer can, y ja reja' re niyojo ronojel re otz chiquivach re vinak re jec'o chach ronojel re ruch'ulef.

10 Y jare' tak yen Juan xinc'axaj che chicaj c'o jun re cof nich'o-pa, y nubij: Re ka-Dios can xojrucol-yan✡Ap 19.1. pa ruk'a' re itzel. Y re ru-poder y re ru-gobierno re Dios ye'k'alajin chic. Y quire' chuka' xbeka-yan re k'ij che conojel tiene que niquiban re nubij re Cristo re cha'om-pa roma re Dios.✡Ap 11.15. Roma re nisujun✡Job 1.9; 2.5; Zac 3.1. quichin re hermanos chach re Dios che pak'ij che chak'a', xch'akex-yam-pa. 11 Y re hermanos xe'ch'acon✡Ro 8.37; 16.20. chij re itzel, roma xe'colotaj roma re Jesucristo re ancha'l oveja re xcom y xbiyin re ruq'uiq'uel. Y chuka' man xe'q'uex-ta xquibij che quiniman re Jesucristo. Y man xquixibij-ta-qui' che ye'quimisas. Roma vo xa ye'quimisas, can ye'quimisas-va c'a re', pero rutzij rube' re Kajaf. 12 Yex re yixc'o chila' chicaj, tiqui'cot re ivánma. Jac'a yex re yixc'o chach re ruch'ulef✡Ap 8.13. y re yixbinak pa rue-mar, tivok'ex ivach. Roma re itzel xch'akex-ka iviq'uin, y camas yacatajnak ruyoval roma rutaman che man q'uiy-ta chic tiempo yi'on cha.

13 Re itzel chicop quiak rij re nibex dragón cha, xch'akex-pa, y tak xuna' chach chic re ruch'ulef c'o-va. Y jare' tak xutz'am rukotaxic re ixok re xc'ue' ral-ala'.✡Ap 12.5. 14 Y roma re ixok re' kotan, re Dios xuya' ca'e' ruxic' chavon, ancha'l re quixic' re águila, chin che nitiquir napon chupan re lugar anche' manak vinak re nibex desierto cha,✡Ap 17.3. re lugar re rucha'on chic re Dios chin che nivilix oxe' juna' y nic'aj,✡Dn 7.25. y chupan re lugar re' man nitiquir-ta napon re dragón. 15 Y re dragón re' xutoxij-pa ancha'l jun rakan-ya'✡Sal 18.4; Is 59.19. pa ruchi', chin che riq'uin re' nitiquir nukararej-a re ixok. 16 Pero re ruch'ulef xuto' re ixok chach re ancha'l rakan-ya' re xutoxij-pa pa ruchi' re dragón, roma re ruch'ulef can xjakataj chin xutz'ubaj-ka re ya' re'. 17-18 Y roma re dragón man xtiquir-ta chij re ixok, mare' camas ruyoval xyacataj. Mare' xba, y xbo'rbana' ayoval quiq'uin re je ral y re je rey can re ixok. Roma re je ral y re je rey can re ixok, ja reje' re can niquinimaj-va re ye'rubij re Dios, y chuka' can c'o chiquic'o'x re je'rubin can re Jesucristo.✡Gn 3.15; Ap 1.2, 9.

<- APOCALIPSIS 11APOCALIPSIS 13 ->