Link to home pageLanguagesLink to all Bible versions on this site
12
Can xe-va re Jesús takatzu'
1 Camas je q'uiy vinak re xquiban confiar-qui' riq'uin re Dios. Y mare' xquic'ut chakavach che quire' takabana' chuka' yoj. Mare' takaya' can xabanchique cosa re nakana' che man otz-ta nuban cha re kac'aslen y chuka' re mac re nuban chaka che yojtzak pa ruk'a'. Takacoch'o' ronojel, y riq'uin ronojel kánma takatija' kak'ij✡1 Co 9.24. nakac'uaj re c'aslen re ancha'l nrajo' re Dios re jenipa' tiempo yojc'ase-a chach re ruch'ulef. 2 Can xe-va re Jesús takatzu'✡2 Co 3.18. nojel tiempo. Roma ja reja' re xbano chaka che xkanimaj re Dios. Y rubanon chaka che kabanon confiar-ki' riq'uin. Reja' man xupokonaj-ta xcom cho cruz,✡Zac 12.10; Fil 2.8; 1 P 1.11. astapa' re camic cho cruz camas niq'uixbisan. Reja' can xucoch' ronojel re' roma rutaman che xte'tz'uye'✡Sal 110.1; Lc 24.26; He 1.3; 8.1. chila' chicaj pa rajquik'a' re Dios re c'o ronojel autoridad pa ruk'a', re anche' camas yaqui'cot.

3 Tinojij-na-pa' jabal andex xuban re Jesús tak camas xquiban re vinak aj-maqui' cha, reja' xucoch' ronojel re xquiban✡Jn 15.20. cha. Y riq'uin re' nuc'ut chakavach che quire' takabana' yoj. Takacoch'o' ronojel re niban chaka rutzij re Jesucristo. Man kojcos✡Ga 6.9. y man takamalij kac'o'x. 4 Katijon kak'ij chij re mac y mare' can nakataj pokan,✡He 10.32-34. pero re tijoj-pokonal re' man can-ta yojruc'uan pa camic. 5 Can man takamistaj re nubij chupan re ruch'abal re Dios re tz'iban can. Re ruch'abal re Dios can yojrupaxabaj, ancha'l tak jun tata'aj nupaxabaj re rajc'ual. Roma nubij:

Man itzel tana' cha re tijoj-pokonal✡Job 5.17. re nuya' re Ajaf Dios chava.
Man tamalij ac'o'x tak re Ajaf nuc'ut chavach che mana-ta re yatajin chubanic.
6 Roma re Ajaf ja re vinak re ye'rajo'✡Sal 94.12; Stg 1.12. jare' re ye'ruban corregir.
Re Ajaf can ja quire' nuban quiq'uin conojel re je rajc'ual chic.
Quire' nubij re tz'iban can.
7 Takacoch'o' ronojel tijoj-pokonal re nuya' re Dios pa kac'aslen, roma reja' nuban ancha'l nuban jun tata'aj.✡Dt 8.5. Roma jun tata'aj vova' chuch'ulef can ye'ruban corregir re rajc'ual. 8 Y mare', vo xa re Dios man yojruban-ta corregir,✡Sal 73.14. c'ayef, roma nik'alajin che yoj ancha'l ac'ola' re manak quirta' ye'bano corregir quichin. Roma re Dios ye'ruban corregir conojel re je rajc'ual chic. 9 Tak yoj c'a yoj ac'ola' che', re kate-karta' xojquiban corregir, y man xe'katzelaj-ta roma quire' xquiban chaka. Xa can xkaya-va quik'ij. Y mare' camas-va ruc'amon che nakanimaj rutzij re Karta' Dios,✡Nm 16.22. re anchok riq'uin pitinak-va re c'aslen chin jumul. 10 Re kate-karta' yojquiban corregir re ba' tiempo yojc'ue' chach re ruch'ulef, y can ja re ancha'l xquijo' reje' jare' re xquiban chaka. Jac'a re Karta' Dios yojruban corregir chin che otz nuban re kac'aslen, chin che nakac'uaj-ta jun ch'ajch'oj✡Lv 19.2. c'aslen ancha'l reja', re can ch'ajch'oj-va. 11 Can katzij-va che tak yojc'ue' pa castigo, man yojqui'cot-ta, xa yojbison. Pero tak k'axnak chic re castigo re', can c'o-va jun cosa nuban✡Stg 3.18. pa kac'aslen, roma nuban más choj cha re kac'aslen y re kánma otz nuna' tak yoj xkacoch' re castigo re'.
Takabana' re nrajo' re Dios
12 Mare' man tinojij che re Dios man yixrajo-ta tak yixruban corregir, xa tibana' más confiar-ivi' riq'uin reja', chin tic'ue' chic-a ivuchuk'a',✡Is 35.3. 13 che man tiya' k'ij che ye'satz can re hermanos re man can-ta quibanon confiar-qui' riq'uin re Jesucristo y man can-ta quitaman ye'biyin jabal. Xa c'a je ancha'l je cojos. Mare' nic'atzin che yex choj nic'uaj re bey chin re ic'aslen✡Ga 6.1. chiquivach, chin reje' yixquitz'at y niquiban más confiar-qui' riq'uin re Dios.

14 Titija' ik'ij che man tic'ue' ayoval chi'icojol,✡Ro 14.19. y che ch'ajch'oj-ta re ic'aslen.✡Mt 5.8; 1 Ts 4.3. Roma vo xa man ch'ajch'oj-ta re ic'aslen, man xquixtiquir-ta xtitz'at rach re Ajaf. 15 Titola-ivi' chin quire' chiyixnojel nivel re utzil re nipa riq'uin re Dios. Man tiya' k'ij che re mac ndoc iviq'uin, roma vo xa quire' xtiban, can c'ayef, roma xtiban chique re nic'aj chic che xque'tzak chuka' pa mac. 16 Re achi'a' y re ixoki' man tiquicanola-qui' chin ye'macun. Y man jun bey tiban cha re cosas re ye'pa riq'uin re Dios che manak quijkalen, ancha'l xuban re jun ache rubini'an Esaú re xc'ue' ajuer can. Reja' can-ta c'o-va re bendición xuc'ul roma ja reja' re nemalaxel, pero re bendición re' xa xlisas chach roma reja' jare' re xuya' pa ruq'uixel re jun plato ruquil-vay re xya' cha,✡Gn 25.33, 34. mare' re Esaú man xuc'ul-ta re bendición, roma reja' camanak-va rajkalen xuban cha. 17 Y can itaman che tak reja' xrajo-ta chic xuc'ul re ru-bendición re rutota', xa xbex cha che manak chic richin reja', y can xbeka-va chuc'o'x che man otz-ta re xuban. Y astapa' can xok' tak xuc'utuj✡Gn 27.34. chic re bendición re', pero cama-va chic xuc'ul-ta.

18 Yoj re kaniman chic re Jesucristo, man chuxe-ta re loma rubini'an Sinaí xojapon-va-apo✡Ex 19.12; Ro 6.14; 8.15; 2 Ti 1.7. tak xojoc rajc'ual re Dios. Man ancha'l-ta xquiban re kavinak xe'c'ue' ajuer can. Reje' xe'c'ue' chuxe' re loma re' y c'o c'a jun k'ij tak xquitz'at che re rue' re loma can nibac'o pa k'ak'. Y xquitz'at chuka' che pa rue' re loma camas k'oko'm y cak'ik' re camas ruchuk'a' y camas tempestad✡Ex 20.18. chupan. 19 Y xquic'axaj che xk'ajan trompeta, y chuka' xquic'axaj tak xch'o-pa re Dios chique. Pero reje' xquic'utuj utzil che man chic tich'o-pa chique.✡Ex 20.19; Dt 5.24; 18.16. 20 Y camas c'a xquixibij-qui', roma bin chique che re anchique xtijelon-apo c'a riq'uin re loma re' xtiquimisas,✡Ex 19.12, 13. vinak o chicop. Niquimisas cha aboj o cha lanza. Quire' re bin chique. 21 Y re xtz'etetaj pa rue' re loma, can nuban che naxibij-avi'.✡Ex 19.16. Mare' hasta re Moisés re ac'ayon quichin re kavinak xe'c'ue' ajuer can, xubij: Can yimbarbot roma nuximbire', xcha'.

22 Jac'a yoj re kaniman chic re Jesucristo, chuxe' re loma re rubini'an Sion yoj-aponak-va-apo, yojc'o chic nakaj cha re tenemit chin re c'aslic Dios, re nibex Jerusalén cha y chila' chicaj c'o-va.✡Sal 68.17; Ga 4.26; Fil 3.20. Y yojc'o chic-apo quiq'uin pa mil ángeles. 23 Yoj yojc'o chic-apo chuka' quiq'uin re je rajc'ual re Dios, re tz'iban quibe'✡Lc 10.20. chila' chicaj y nibex iglesia chique.✡He 2.12. Yojc'o chic-apo riq'uin re Dios re xtoc Juez quichin conojel. Y yojc'o chic-apo chuka' quiq'uin re man jun quimac xel chach re Dios re xe'com-yan-a, roma can choj-va chic re quic'aslen. 24 Yoj yojc'o chic-apo riq'uin re Jesús re nisamajin re c'ac'a trato re xuban re Dios kaq'uin yoj re yoj vinak. Reja' xcom y re ruq'uiq'uel✡1 P 1.2. re xbiyin xuch'ojersaj re kánma, roma re ruq'uiq'uel reja' más rajkalen✡He 7.19; 8.6. que chach re quic' re xusuj re Abel cha re Dios ajuer can.

25 Takachajij-ki' che man takatzelaj re nubij re Dios chaka. Man takaban ancha'l xquiban re kavinak xe'c'ue' ajuer can. Reje' can xquitzelaj re xbex chique chach re ruch'ulef chire' pa rue' re loma rubini'an Sinaí, mare' xka re castigo pa quive'.✡Nm 16. Y vo xa yoj nakatzelaj re nibex-pa chila' chicaj chaka, más nem re castigo re xtika pa kave'. 26 Tak re Dios xch'o pa rue' re loma rubini'an Sinaí, re lugar xsilon.✡Ex 19.18. Y vocame reja' nubij: Xtapon jun k'ij tak man xe-ta chic re ruch'ulef xtinsiloj, xa can xtinsiloj chuka' re rocaj,✡Hag 2.6. xcha' reja'. 27 Y tak nubij che xa ye'silon, re' ndel che tzij che can xque'jalataj✡Sal 102.26; Mt 24.35. roma xa je'banon, xaxe chin che ye'k'alajin can ronojel re man jun bey xque'jalataj. 28 Y mare' takatioxij che kachin chic yoj re ru-gobierno re Dios re man jun bey xtijalataj. Y roma man jun bey xtijalataj re ru-gobierno, mare' can takasamajij re rube' re Dios, can ancha'l re nika chach reja'. Y takaya' chuka' ruk'ij, roma te'ka chakac'o'x che ja reja' re más nem. 29 Roma re ka-Dios can xque'ruq'uis ronojel re man je otz-ta, roma reja' can ancha'l k'ak'.✡Sal 21.9; 2 Ts 1.8.

<- HEBREOS 11HEBREOS 13 ->