1 Manak tuk'aj che yen c'o más cosas nintz'ibaj-a chiva chin niya' re ofrenda[a] chique re je rajc'ual chic re Dios[b] re jec'o pa tenemit Jerusalén.[c] 2 Roma ntaman che can irayin-va che niya' re ofrenda re'. y jare' re nintzijoj[d] yen chique re hermanos vova' pa Macedonia, che yex hermanos re yixc'o chila' pan Acaya can jonabir[e] can iyaben che niya' re ofrenda re nic'atzin chique re hermanos re jec'o pa tenemit Jerusalén.[f] Y roma yex can riq'uin ronojel ivánma xiban quire', mare' camas je q'uiy hermanos re jec'o pa Macedonia xquirayij chuka' che ye'ta'on. 3 Y ye'ntak c'a-a re je oxe' hermanos chila' iviq'uin, chin che ronojel re otz ntzijon chivij can-ta quire' xtibanataj, y can-ta imalon[g] chic re ofrenda, roma yen can ntzijon chivij che yex can niya' re jun ofrenda re' chique re hermanos, 4 roma riq'uin ba' jec'o hermanos aj-vova' pa Macedonia re ye'ba chuij[h] c'a chila' iviq'uin, y yex xa man ibanon-ta preparar re ofrenda tak yojapon, xa xtiya' iq'uex y xtiya' chuka' kaq'uex yoj roma kabin che can ibanon chic listo.[i] 5 Mare' can xinojij-va y ximbij chique re je oxe' hermanos che nabey c'a que'ba reje' iviq'uin y te'quiq'uisa' rumolic re ofrenda re xalax pan ivánma che nijo' niya', chin quire' re ofrenda re niya' man tik'alajin che can ja yoj xojbin chiva che niya', roma man quire-ta, xa can nik'alajin-ta jabal che iviq'uin yex alaxnak-va-pa.[j]
6 Y yen ninjo' nimbij jun ejemplo chiva: Tak yex niban jun tico'n, vo xa ba-oc nitic, ba-oc cosecha nilisaj, pero vo xa yex q'uiy nitic, q'uiy cosecha nilisaj.[k] 7 Cada jun chiva yex tiya' re jenipa' yixtiquir niya', ancha'l nubij re ivánma chiva.[l] Man c'a tiya' riq'uin bis, y man tiya' chuka' xaxe roma xc'utux chiva. Man tiban quire'. Xa can tiqui'cot re ivánma tak niya' re ofrenda,[m] roma re Dios can ye'rajo' re ye'bano quire'. 8 Y camas q'uiy utzil xtic'ul re pitinak riq'uin re Dios, roma pa ruk'a' reja' c'o-va ronojel poder. Ronojel rach utzil xtuya-pa chiva,[n] chin che nojel tiempo c'o re nicusaj y c'o chuka' chin ye'to' re nic'aj chic[o] vinak y chuka' chin ye'banala' ronojel rach utzil. 9 Can ancha'l-va re tz'iban can chupan re ruch'abal re Dios y nubij quire':
- a Ga 2.10.
- b Hch 11.29.
- c Ro 15.26; 1 Co 16.1.
- d 2 Co 8.24.
- e 2 Co 8.10.
- f 2 Co 8.19.
- g 2 Co 8.6, 17.
- h Hch 20.4.
- i 2 Co 11.17.
- j Gn 33.11.
- k Pr 11.24; 19.17; 22.9; Ga 6.7, 9.
- l Ex 25.2; 35.5; Dt 15.7; 2 Co 8.12.
- m Ro 12.8.
- n Fil 4.19.
- o Pr 28.27.
- p Sal 112.9.
- q Gn 1.11.
- r Is 55.10.
- s Os 10.12; Mt 6.1.
- t 2 Co 4.15.
- u 2 Co 8.14.
- v Mt 5.16.
- w He 13.16.
- x 2 Co 8.1.
- y Stg 1.17.