1 PEDRO 5

Re ruc'amon che niban yex re iniman chic re Jesucristo

1 Vocame ninjo' nimbij ca'e-oxe' tzij chique re achi'a' re ye'c'uan ivichin. Y yen, jun chuka' chique reje'. Xaxe yen can xintz'at✡ re Jesucristo tak xuk'asaj tijoj-pokonal.✡ Pero tak xtapon re k'ij tak xtik'alajin re ruk'ij re Jesucristo, konojel yoj xkojc'ue' riq'uin. 2 Yex achi'a' re yixc'uan quichin re hermanos, can que'ichajij. Roma reje' je richin chic re Dios, y ja re Dios re ya'yon re samaj re' chiva. Que'ichajij c'a', can ancha'l nuban jun ache re nichajin ovejas.✡ Can riq'uin ronojel ivánma tibana' re samaj. Y man tiban roma xaxe yixtakon-a. Y chuka' man tiban xaxe roma yixtajon.✡ Xa que'ichajij re hermanos riq'uin ronojel ivánma. 3 Pero man roma-ta che ja yex re yixchajin quichin, mare' niban xabanchique nijo' niban chique.✡ Xa can tic'uaj jun choj c'aslen chiquivach, chin quire' reje' niquitamaj niquic'uaj chuka' jun choj c'aslen. 4 Y vo xa ja re otz re xtiban yex chiquivach y jabal ye'chajij xtic'ul jun premio ancha'l jun corona re man jun bey xtiq'uis. Y mare' yex xtic'ul ik'ij y re' xtic'ul ja tak xte'c'ulum-pa re Jesucristo, re namalaj Chajinel.✡

5 Y chuka' yex re yix c'ajola' y yex re yix k'apoji', tinimaj quitzij re rejeta'k tak vinak y re hermanos re je'ac'ayon ivichin. Y chiyixnojel tibana' respetar-ivi'.✡Ef 5.21. Man tiban che c'o ik'ij. Roma chupan re ruch'abal re Dios re tz'iban can, nubij:

Re Dios ye'rutzelaj y man nuc'am-ta quivach re niquina' che c'o quik'ij.

Jac'a re niquina' che manak quik'ij, reja' nuya' re utzil pa quive'.

6 Mare' can tina' che manak ik'ij✡ chach re Dios, roma reja' c'o ru-poder, chin quire' tak xtapon re k'ij, reja' camas xtuya' ik'ij. 7 Y ronojel re pena c'o iviq'uin✡ tiya' pa ruk'a' re Dios, roma reja' can yixruchajij-va.

8 Can tina' jabal re andex niban. Y can tichajij chuka' re ic'aslen. Roma re itzel re ka-enemigo, can nuyala' vuelta chakij, can ancha'l nuban jun león tak nich'umun rupan roma can nisiq'uin. Can ja quire' nuban re itzel✡Mt 4.1, 11; 13.39; 25.41; Jn 8.44; Ef 4.27; 6.11; Stg 4.7. chaka. 9 Mare' man tiya' k'ij che nich'acon chivij. Man quixtzak pa ruk'a', y man tiya' can re Jesucristo. Roma itaman che man xe-ta yex re yixk'asan re tijoj-pokonal,✡Hch 14.22. xa can quire' chuka' re nic'aj chic hermanos re quiquiran-qui' chach re ruch'ulef. 10 Y vova' chach re ruch'ulef man q'uiy-ta tijoj-pokonal re xtik'asaj-a. Y tak ik'asan chic re tijoj-pokonal re', re Dios xtuchojmersaj re ic'aslen. Xtuban chiva che man jun bey niya' can reja'. Xtuya' ivuchuk'a', y chuka' xtuban chiva che más niban confiar-ivi' riq'uin. Re Dios nuya' ronojel utzil✡He 13.21. pa kave'. Y reja' can c'o-va ruk'ij. Reja' xojrayoj chin yojc'ue' riq'uin nojel tiempo y jabal xtakabana' riq'uin, roma jun kabanon riq'uin re Jesucristo. 11 Reja' c'o ruk'ij y c'o ru-autoridad pa rue' ronojel, y re autoridad re' man jun bey xtiq'uis.✡1 P 4.11. Amén.

Ja ruq'uisibal tak ch'abal cha re carta re'

12 Y yen can ntaman che re hermano Silvano✡ camas nisamaj y riq'uin ronojel ránma nuban rusamaj re Dios. Mare' yen xinc'utuj utzil cha reja', roma re carta re nintz'ibaj-a chiva,✡ chin nimbij-a che can katzij-va re utzil c'o riq'uin re Dios re anchok riq'uin ibanon-va confiar-ivi'. Y mare' man jun bey tiya' can.

13 Y vocame re yixc'o chire' tic'ulu' re ruxnokil-ivach re niquitak-a re hermanos re jec'o vova' chupan re tenemit nibex Babilonia cha,✡Ap 17.5, 18. hermanos re can je'cha'on-va roma re Dios, can ancha'l xixrucha' yex re yixc'o chire'. Chuka' tic'ulu' re ruxnokil-ivach re nutak-a re jun ancha'l nuc'ajol rubini'an Marcos.✡Hch 12.12. 14 Tiyala' ruxnokil-ivach chivach-ka yex y tik'etela-ivi', chin quire' nik'alajin che camas nijo-ivi'.

Y chiyixnojel✡ re yixc'o chire', re ivánma can-ta otz nuna' roma can yix richin chic re Jesucristo. Amén.

<- 1 PEDRO 4