1 PEDRO 3

Ri kach'alal ixoki' y ri kach'alal achi'a' can ruc'amon chi niquic'uaj jun c'aslen choj

1 Y que chuka' ri' rix ixoki' ri c'o ivachijlal y iniman ri Dios, can tinimaj c'a quitzij rije'. Richin queri', vi ri ivachijlal man quiniman ta ri ruch'abel ri Dios, roma ta ri ic'aslen rix, xtiquinimaj ta.* Y man nic'atzin ta na xtitzijox chique richin niquinimaj. 2 Xaxe riq'uin niquitz'et chi ic'uan jun ch'ajch'ojilej c'aslen y yixniman tzij, xtiquinimaj. 3 Y rix ixoki' can nic'atzin-vi nivik-ivi' (nivek-ivi'), pero man quiq'uin ta cosas ri e banon riq'uin k'anapuek, ni man riq'uin ta jebel tak tziek, ni man riq'uin ta ri ruchojmirisaxic ri rusmal tak ivi'.† 4 Xa titija' ik'ij richin ja ta ri ivánima jebel vikil (vekil) chuvech ri Dios.‡ Tivika-ivi' (tiveka-ivi') riq'uin jun c'aslen ch'uch'uj y riq'uin jun c'aslen ri nuc'ut chi jebel ina'oj quiq'uin ri ch'aka' chic. Roma re vikbel re' (re vekbel re') man xtiq'uis ta, y jare' ri más rejkalen chuvech ri Dios. 5 Roma ri ojer can, que chuka' ri' xquivik-qui' (xquivek-qui') ri lok'olej tak ixoki' ri xcoyobej ri rutzil ri Dios. Xquivik (Xquivek) jebel ri cánima y xquinimaj chuka' quitzij ri cachijlal.§ 6 Achi'el xuben ri Sara; rija' can xunimaj rutzij ri Abraham ri rachijil, y vajaf chuka' xcha' chire.* Y rix kach'alal ixoki' utz chi nibix riy ri Sara chive, pero vi can nic'uaj jun utzilej c'aslen y man nixibij ta ivi' chi yixapon chuvech jun tijoj-pokonal.

7 Y que c'a chuka' ri' rix achi'a' ri iniman ri Dios, utz c'a ina'oj tibana' quiq'uin ri ivixjaylal,†1 Co. 7:3. roma rije' man e junan ta iviq'uin rix. Y rije' c'o chuka' quik'ij. Y can junan chuka' xtivichinaj ri utzilej c'aslen ri nuya' ri rutzil ri Dios chive. Quixoc c'a utz quiq'uin richin queri' ri i-oraciones‡Job 42:8; Mt. 18:19. choj ye'apon riq'uin ri Dios.

Ri niquitej pokon roma ja ri utz banobel niquiben

8 Pa ruq'uisibel ninbij c'a chive chi'ivonojel chi can junan ivech tibana'.§ Vi c'o jun chive ri c'o nuc'ulvachij, can tina' c'a chuka' rix ri k'axo'n ri nuna' ri jun pa ránima. Tivajovala-ivi'* chi'ivach'alal ivi'. Tijoyovala' ivech.† Utz tibana' quiq'uin conojel. 9 Y tok niban jun itzel chive, man c'a tiben ruq'uexel.‡ Y tok nibix ch'abel ri janíla e pokon chive, man c'a chuka' tibij jun chic ch'abel queri' rix richin niben ruq'uexel chire. Man tiben queri', xa tic'utuj chire ri Dios chi tuto' ri vinek ri'. Roma ri Dios can ix royon richin niben ri utz, y nrajo' c'a chuka' chi rix nic'ul ri utz.§ 10 Y can achi'el chuka' nubij ri ruch'abel ri Dios ri tz'iban can. Ri chiri' nubij:

Vi navajo' jun c'aslen richin quicoten,*

y vi navajo' chuka' ne'avila' k'ij janíla jebel,

man tacusaj ri avak' richin nabij ch'abel ri man e utz ta,

ni man chuka' tacusaj ri achi' richin nabij tzij richin yak'olon.

11 Man taben ri etzelal,

xa ja ri utz ri ruc'amon chi naben.

Tacanoj ri c'aslen richin uxlanen

y jari' tavojkaj.

12 Roma ri Ajaf can yerutzu' ri vinek choj quic'aslen.

Y can nrac'axaj† ri qui-oración.‡

Jac'a ri yebanon etzelal, man utz ta yerutz'et.

Queri' nubij ri ruch'abel ri Dios ri tz'ibatel can.

13 ¿Can c'o ta cami jun ri c'o itzel nuben chive, tok rix xa can ja vi ri utz ri niben?§Pr. 16:7; Ro. 8:28. 14 Pero vi roma ri chojmilej ic'aslen, rix nivil pokonal, jebel ruva-ik'ij.*Mt. 5:10. Y romari' man tixibij-ivi'†Is. 8:12; Jer. 1:8. chiquivech ri yebanon queri' chive. Ni man tisach c'a chuka' ic'u'x. 15 Xa tiya' ruk'ij ri Cristo ri pan ivánima roma rija' lok'olej, y toka' chi'ic'u'x chi ja rija' ri Rajaf ri ivánima. Y man jun bey c'a tipokonaj nitzijoj ri achique roma tok ivoyoben ri rutzil ri Dios, tok c'o jun ri nic'utun chive. Y xabachique c'a ri nic'utun chive, tibij c'a chire riq'uin ch'uch'ujil‡Col. 4:6; 2 Ti. 2:25. y ajovabel ri achique roma tok ivoyoben ri rutzil ri Dios. Y tiya' chuka' ruk'ij. 16 Can man jun bey c'a tiben ri etzelal, richin man nik'axon ivánima romari'. Y vi roma ja ri Cristo ri iniman, romari' c'o jun vinek ri nimolon-pe tzij chivij, chi man utz ta ri ic'aslen, ri nimolon-pe tzij chivij, xtiq'uixbitej, roma ri ic'aslen can utz vi.§Mt. 5:44; 1 P. 2:12. 17 Roma vi rurayibel ri Dios richin chi rix nivil pokonal*2 Ti. 3:12. stape' ja ri utz ri niben, yalan jebel. Que chuvech nivil ta pokonal roma c'o etzelal ri ibanalon.

18 Toka' chi'ic'u'x chi ri Cristo xutej chuka' pokon stape' ri ruc'aslen rija' can chojmilej vi. Rija' xquen c'a (xcom c'a) koma roj ri man choj ta kac'aslen. Rija' xaxe jun bey ri xc'atzin richin xquen (xcom) roma ri kamac, richin queri' yojoc richin ri Dios.†Col. 1:21. Rija' xquen (xcom), pero ri ránima can q'ues vi.‡Ro. 1:4; 8:11. 19 Y ri ránima rija' xapon quiq'uin ri ch'aka' chic ánima ri e tz'apen§Is. 42:7. y c'o ri xberutzijoj chique. 20 Ri ánima ri e tz'apen, ja ri man xquinimaj ta rutzij ri Dios ri ojer can. Rije' xec'oje' pa ru-tiempo ri Noé,*He. 11:7. tok xban ri nimalej barco. Ri Dios janíla q'uiy tiempo xuya' chique richin xeroyobej. Pero man jun ri xtzolin ta pe ruc'u'x. Y ri xe'oc chupan ri barco ja ri vinek ri xeniman y xa man e q'uiy ta, xa can xe ri e vakxaki'. Rije' ja ri ya' ri xcolon quichin, roma ri barco xc'oje' pa ruvi' ri ya'. 21 Y ja chuka' ri' nic'atzin-vi ri ya' chike roj vacami. Tok yojban bautizar, ri ya' noc jun retal ri kacolotajic. Ri ya' man nic'atzin ta richin chi nuch'ej-el ri tz'il richin ri kach'acul. Man que ta ri'. Ri ya' nuc'ut c'a chi roj nikajo' nikaben ri utz chuvech ri Dios. Nikajo' chi ch'ajch'oj†Ef. 5:26; Tit. 3:5. ri kánima chuvech. Y ri kamac ye'el c'a roma ri camic y ri c'astajibel‡1 P. 1:3. richin ri Jesucristo. 22 Ri Jesucristo xbe chila' chicaj, y vacami c'o-apo pa rajquik'a' ri Dios.§Sal. 110:1; Ro. 8:34; Ef. 1:20; Col. 3:1; He. 1:3. Can pa ruk'a' c'a rija' ec'o-vi ri ángeles, y pa ruk'a' c'a chuka' rija' ec'o-vi ri k'atoy tak tzij, y ri uchuk'a' ri ec'o.

<- 1 PEDRO 2 1 PEDRO 4 ->