1 Tok xsakar-pe, conojel ri nima'k tak quik'ij sacerdotes israelitas y ri nima'k quijuna' achi'a' c'o quik'ij chiquicojol ri quivinak, xquimol-qui'[a] richin niquinojij achique ta niqui'en richin niquitak ri Jesús pa camic. 2 Xquixim c'a e ri Jesús y xbequijacha'[b] pa ruk'a' ri gobernador Pilato.[c]

11 Jac'a tok paban-apu ri Jesús chuvech ri gobernador,[l] ri gobernador xuc'utuj che: ¿Ja rat ri Rey quichin ri israelitas?[m] xcha'. Ja', achel ri na'ij,[n] xcha' ri Jesús. 12 Jac'a tok yesujun-apu ri nima'k tak quik'ij sacerdotes israelitas y ri nima'k quijuna' achi'a' c'o quik'ij chirij ri Jesús, rija' man jun rutzolic quitzij[o] xu'on. 13 Ri Pilato xu'ij che ri Jesús: ¿Man navac'axaj ta ri ajani chi sujunic niqui'en-pe chavij?[p] 14 Pero ri Jesús man jun ch'abel xu'ij che ri Pilato. Y romari' ri gobernador can achique na xuna' che.

15 Ronojel juna' chupan ri nimak'ij pascua, ri gobernador can nucol-vi-e jun preso;[q] pero ja ri tinamit yec'utun-apu ri achique preso nicol-e.[r] 16 Y chupan ri tiempo ri', c'o jun kajnak pa cárcel rubinan Barrabás, ri chi naj chi nakaj benak-vi rutzijol chi itzel chi achi. 17 Romari' ri Pilato quire' xuc'utuj-pe chique ri quimolon-apu-qui': ¿Achique ri nijo' chi nincol-e? ¿Ja ri Barrabás, o ja ri Jesús ri ni'ix chi takon-pe chucolic rutinamit ri Dios? 18 Rija' quiri' xuc'utuj chique, roma reteman chi xaxe roma eq'uiy yetzekle'en richin ri Jesús tok yekukut pa cánima[s] xequijacha' pa ruk'a'. 19 Y quiri' tz'uyul ri Pilato pa rutz'uyubal ri nic'ojon-vi, tok ri rixayil quire' rutakon-e rubixic che: Man ja jun rat taju-apu-avi' quiq'uin ri vinak ri yec'utun rucamic ri chojmilaj achi ri'. Roma yin can nuxi'in-vi' xic'astaj roma c'o achic'[t] xin-en chirij ri achi ri'. Quiri' ri rutakon-e rubixic ri rixayil ri Pilato. 20 Pero ri nima'k tak quik'ij sacerdotes israelitas y ri nima'k quijuna' achi'a' c'o quik'ij, xquiya' quino'oj ri vinak, chi tiquic'utuj-apu che ri Pilato chi ja ri Barrabás ticol-e[u] y ri Jesús ticamises.[v] 21 Jac'ari' tok ri gobernador xuc'utuj chic pe jun bey chique: ¿Achique chique ri ca'i' ri nijo' chi nincol-e? xcha'. Ja ri Barrabás, xecha-apu. 22 Rija' xuc'utuj chic pe: ¿Y achique nin-en che ri Jesús, ri ni'ix chi takon-pe roma ri Dios chucolic rutinamit? xcha'. ¡Tirip chuvech cruz![w] xecha-apu conojel. 23 Y ri gobernador xu'ij-pe chique: Pero, ¿achique rumac rubanon chivech? Jac'a rije' xa más riq'uin cuchuk'a' xesiq'uin y xqui'ij-apu: ¡Tirip chuvech cruz! xecha'.

24 Tok ri Pilato xutz'et chi xa man yek'ilitaj ta ka ri vinak, roma xa más nicataj coyoval, rija' xuc'utuj juba' ya' richin xuch'aj ruk'a' chiquivech,[x] y xu'ij: Yin man jun numac che ri rucamic ri jun chojmilaj achi re'. Can rix vi, achique na xti'en, xcha' chique. 25 Y conojel ri vinak xqui'ij: Pa kavi' c'a roj[y] y pa quivi' ri ekami'al-kalc'ua'l tika-vi rucamic ri achi re', xecha'. 26 Jac'ari' tok ri Pilato xucol-e ri Barrabás, y xu'ij chi tich'ay ri Jesús.[z] Tok banon chic ri xu'ij, jari' xujach-e richin tibajix chuvech cruz.[aa]

27 Jac'ari' tok ri soldados[bb] richin ri gobernador xquic'uaj ri Jesús pa nimajay ri nic'uje-vi ri gobernador, y xecoyoj-apu ri ch'aka' chic soldados chirij. 28 Tok quelesan chic e rutziak ri Jesús chirij, xquiya' jun tziek quiek[cc] chirij, 29 y xquiya-ka jun corona pa (rujolon, ruvi') banon che rakan tak xic'a'y c'o quiq'uixal, y xquiya' jun aj pa ruk'a' derecha. Jac'ari' richin yetze'en chirij, yexuque-apu chuvech y niqui'ij che: ¡Caquicot rat ri rat Rey quichin ri israelitas![dd] yecha'. 30 Niquichubaj[ee] ri Jesús, niquimaj-e ri aj pa ruk'a'[ff] y niquipoj[gg] (rujolon, ruvi') che. 31 Tok xetane' chi yetze'en chirij,[hh] xquelesaj-e ri tziek quiek chirij, xquiya-e ri can rutziak vi, y xquic'uaj c'a e[ii] richin nequibajij chuvech cruz.[jj]

32 Tok ja ye'el-e chuchi' ri tinamit,[kk] xquic'ul jun achi rubinan Simón, aj pa tinamit Cirene. Ri soldados xqui'en che ri Simón chi tuc'uaj-e ru-cruz ri Jesús.[ll] 33 Y (xe'apon, xe'ebos) pa jun lugar rubinan Gólgota.[mm] Gólgota nu'ij tzij, lugar richin rubakil (rujolon, ruvi') ámna. 34 Tok ec'o chic chiri', ri soldados xquiya' jun ch'amilaj vino[nn] ri yo'on c'ayilaj mirra riq'uin che ri Jesús, pero tok rija' rutojto'en chic, man xrojo' ta xutij. 35 Jac'a tok quibajin chic ri Jesús chuvech cruz, chi etz'anen[oo] xquijach-vi-e ri rutziak chiquivech, richin nibanataj ri ruch'abel ri profeta ojer tok xu'ij: Xquijachala' ri nutziak chiquivech; xqui'en etz'anen tzakoj chirij. Quiri' ru'in can. 36 Ri soldados etz'uyul chiri' quichajin-apu ri Jesús. 37 Xquibajij c'a jun pedazo tabla chutza'n e ri cruz ri nu'ij-vi ri achique roma nicamises ri Jesús. Chiri' nu'ij: JARE' RI JESUS RI REY QUICHIN RI ISRAELITAS.[pp] 38 Jac'ari' junan riq'uin ri Jesús xequibajij ca'i' elek'oma'[qq] chuvech qui-cruz y chi tak rutzalanen[rr] xequiya-vi. 39 Ri yek'ax chiri', yequibila' can tzij chupalaj ri Jesús, y niquisiquisa' can (quijolon, quivi')[ss] chuvech. 40 Y quire' niqui'ij can che: Rat ri na'ij chi (navulaj, navulij) racho ri Dios y chi oxi' k'ij napaba' chic jun bey,[tt] vacami tacolo-avi' ayon. Si kitzij chi rat Ruc'ajol ri Dios, caka-pe chuvech la cruz, yecha'. 41 Quiri' mismo ri nima'k tak quik'ij sacerdotes, ri achi'a' q'uiy queteman chirij ri ley ri xyo'ox che ri Moisés, ri achi'a' fariseos y ri nima'k quijuna' achi'a' c'o quik'ij, richin man jun ruk'ij niqui'en ri Jesús, quire' niquibila': 42 Rija' xerucol ch'aka' chic,[uu] pero man nitiquer ta nucol-ri' ruyon. Si kitzij chi rija' Rey richin ri tinamit Israel, tika-pe chuvech la cruz, c'ajari' xtikanimaj-apu. 43 Rija' nu'ij chi ruyo'on ránima riq'uin ri Dios, y si kitzij chi ri Dios[vv] nrojo' ri Jesús, vacami tucolo'. Roma ri Jesús nu'ij chi Ruc'ajol ri Dios, yecha'. 44 Quiri' mismo ri elek'oma' ri ebajin chuvech qui-cruz chi tak rutzalanen, yequibila-apu tzij[ww] che ri Jesús.

45 Tok xnic'ajar ri k'ij, xk'uk'umer ruvech ronojel ri roch'ulef, y c'a richin las tres xk'ak'ij xq'uis-e ri k'eku'n.[xx] 46 Richin cami las tres nik'ak'ij, ri Jesús riq'uin ronojel ruchuk'a' xu'ij:[yy] Elí, Elí, ¿lama sabactani? xcha'. Ri ch'abel ri' nu'ij tzij: Nu-Dios yin, nu-Dios yin,[zz] ¿achique roma xinaya' can nuyon? 47 Ec'o chique ri ec'o-apu chiri' tok xquic'axaj ri xu'ij, niquibila': Re' ja ri profeta Elías nroyoj, yecha'. 48 Jun chique rije' cha'anin xeruc'ama-pe jun esponja, xumuba' pa jun ch'amilaj vino, y xuya' chutza'n jun aj richin xutz'ub[] ri Jesús. 49 Pero ri ch'aka' chic niqui'ij: Jun taya-vi, tikoyo'ej na, k'alaj c'a ri' xtipe ri Elías chucolic,[] xecha'. 50 Pero tok riq'uin ronojel ruchuk'a' ch'ovinak chic pe jun bey ri Jesús, jari' xujach ránima pa ruk'a' ri Dios y (xcom, xquen).[]

51 Jari' tok ri pinilaj tziek[] ri achok che jachon-vi rupan ri racho ri Dios[] xel pa ca'i'.[] Tixilil xpe pa ruvi' c'a chuxe' ka.[] Ri roch'ulef xsilon y ri chovon tak abaj xepax.[] 52 Ri quijul ri anima'i' xejakataj, y eq'uiy lok'olaj tak ralc'ua'l ri Dios riq'uin qui-cuerpo xeyac-pe[] ri achique lugar emukun-vi, 53 xe'el-pe chiri' pa camposanto, xe'oc-apu pa lok'olaj tinamit Jerusalem tok c'astajnak chic pe ri Jesús chiquicojol ri anima'i', y xetz'etetaj coma eq'uiy vinak. 54 Ri capitán y ri ec'o riq'uin richin quichajin ri Jesús, tok xquitz'et ri xu'on ri cobrakan, y ri xebanataj, jani na xquixi'ij-qui'[] y xquibila': Can kitzij chi ri achi re'[] Ruc'ajol ri Dios,[] xecha'.

55 Chiri' eq'uiy ixoki'[] yetzu'un-apu chi naj.[] Rije' c'a pa Galilea quitzekle'en-vi-pe ri Jesús y can quilin-vi-pe. 56 Chiquicojol rije' c'o ri María Magdalena, c'o ri María ri quite' ri Jacobo y ri José, y c'o ri quite' ri eruc'ajol ri Zebedeo.[]

57 Tok ja nika-ka ri k'ij chiri', c'o jun tzekle'ey richin ri Jesús (xapon, xebos) chiri', jun achi beyon rubinan José, aj pa tinamit Arimatea. 58 Rija' xbe-apu riq'uin ri Pilato ri gobernador richin xuc'utuj ru-cuerpo ri Jesús,[] y ri Pilato xu'ij chi tiyo'ox-pe che.[] 59 Xbe c'a ri José, xubolkotij-e ri cuerpo pa jun ch'ajch'oj tziek. 60 Jac'ari' xberuya' chupan jun jul ri c'a juba' tic'ot-apu chuvech jun juyu' ruyon abaj,[] ri ruc'oton ri José richin ru-panteón rija' mismo. Jac'ari' xubolkotij-apu jun mama setesic abaj chuchi' ri jul richin xutz'apij can, y xbe. 61 Jac'a ri María Magdalena y ri jun chic ixok mismo rubinan María,[] chi ca'i' xetz'uye' can chuvech ri jul ri xyo'ox-vi can ri Jesús.