1 Jac'a pa ruvi' ri to'onic[a] ri nic'atzin chique ri erichin ri rutinamit ri Dios,[b] man nic'atzin ta chi c'a ninc'utuj-e chive. 2 Roma yin veteman chi rix nirayij yixto'on-e, y romari' ninya' juba' ik'ij chiquivech ri quiniman ri Jesucristo vave' pa roch'ulef Macedonia. Yin nu'in chique chi ri rixc'o chila' pa roch'ulef Acaya, xe juna'ir[c] can inojin yixto'on-e, y riq'uin ri quiri' xiya' pan ivánima, jari' xbano chique eq'uiy chiquicojol rije' chi xalex-pe pa cánima chi xeto'on-e. 3 Pero nintak-e chila' iviq'uin[d] ri Tito y ri ca'i' chic ri junan kaniman ri Jesucristo quiq'uin, richin quiri' can ta imolon chic ri ofrenda richin nijach chike, achel ri xin-ij tok xinya' juba' ik'ij rix pa ruvi' ri ofrenda ri nijo' niya', y man ta xe cha' ri utzulaj itzijol nubanon. 4 Roma xa ta ec'o jujun vave' pa roch'ulef Macedonia ri yebe chuvij,[e] y si yixquil chi xa man imolon ta ri ofrenda, xa jun q'uix chike roj roma can cukul kac'u'x iviq'uin, pero yin ninna' chi más q'uix chive rix. 5 Xa romari', yin xinnojij chi más utz xinc'utuj favor chique ri Tito y ri ca'i' chic chi quenabeyaj chinuvech chila' iviq'uin, richin quiri' nequitz'akatisaj rumolic ri man juba' ta oc chi ofrenda ri alaxnak-pe pan ivánima chi niya'. Richin quiri' nik'alajin chi pan ivánima ntel-vi-pe chi q'uiy niya', y man xa tik'alajin chi rix kanimimen chuc'utuxic.

6 Pero tivelesaj ejemplo chirij ri ticonel. Ri man q'uiy ta tico'n nu'on, man q'uiy ta nrelesaj chuvech, jac'a ri q'uiy nutic, q'uiy[f] nrelesaj. 7 Roma c'a ri', chi'ijununal tiya' ri ajani nalex-pe pan ivánima,[g] man xa riq'uin bis, ni man roma rix nimimen chuc'utuxic. Roma ri Dios can yerojo' ri yequicot niquiya' qui-ofrenda. 8 Y rija' c'o uchuk'a' pa ruk'a' richin nuya-pe[h] chive ronojel ruvech beyomal richin yixtiquer ye'ito' ri nic'atzin quito'ic,[i] roma jumul c'o ronojel iviq'uin ri achok pa ruvi' ni'e-vi ri ik'a'. 9 Achel nu'ij ri tz'iban can: