SALMOS 6

Lesal ayic ay nivan ilc'olal

Ayic sb'itan jun b'it tic vin̈ cuchb'um yic b'it, a yamc'ab' vajxaque' sch'an̈al sc'anchaji. Sb'it jun tic vin̈aj David.

1 Mamin Jehová, man̈ in a tumej yed' yoval a c'ool. Man̈ ac' in yaelal ayic scot oval d'ayin.

2 Mamin, oc'oc val a c'ool d'ayin, yujto man̈xalaj vip svab'i. Mamin, ac'xi b'ox in c'ool yujto a in nivanil tic sluclon yuj man̈ ipal.

3 Te somchajnac in c'ool. A achxo Mamin Jehová, ¿b'aq'uin̈ ol ach och ved'oc?

4 Mamin Jehová, ochan̈ val q'uelan d'ayin, colinel yed' val a nivan vach'c'olal.

5 ¿Tom ay mach olto ach naancotoc ayic toxo ix chami? Malaj junoc mach ol b'itan d'ayach d'a scal eb' yetchamnaquil chi'.

6 Ste el vip voq'ui. Man̈ jantacoc voc' d'a junjun ac'val. Sch'ayxiel in c'an̈ jolom yuj yal in sat.

7 Maxtzac yal-laj vilani, yujto ix mal in sat voq'ui yujn̈ej eb' ayoch ajc'olal d'ayin.

8 Elan̈ec d'a in tz'ey a ex to an̈ej chucal tze c'ulej. Toxo ix yab' Jehová in sic'sic'an voq'ui.

9 Toxo ix yab' in tevi d'ay. Toxo ix scha in lesal.

10 A eb' ayoch ajc'olal d'ayin, ol can eb' d'a q'uixvelal. Ton̈ej ol somchajcanel eb'. D'a junn̈ej mutz'satil ol can eb' d'a q'uixvelc'olal.