113
Calec vach' lolonel d'a Jehová‘R’yuj svach'c'olal
1 Calec vach' lolonel d'a Jehová.
A on̈ schecab' on̈ Jehová, calec vach' lolonel d'ay.
2 Aljocab' vach' lolonel d'ay ticnaic yed' d'a masanil q'uinal.
3 B'itajocab' b'aj sjavi c'u masanto b'aj tz'em c'u.
4 A Jehová Yajal yaj d'a yib'an̈ juntzan̈ nivac chon̈ab'. A stziquiquial tz'ec'b'at d'a schaan̈il satchaan̈.
5 Malaj mach lajan yed' Jehová co Diosal. Ato d'a yib'an̈toq'ue satchaan̈ syac'cot Yajalil d'a yib'an̈ smasanil.
6 Tz'emta q'uelan d'a yib'an̈ satchaan̈ yed' d'a sat luum tic.
7 A tz'ic'anelta eb' meb'a' d'a yalan̈ smeb'ail, scolvaj pax d'a eb' malaj jab'oc tas d'ay,
8 yic vach' tz'em c'ojan eb' d'a scal eb' yetanimail ay yelc'och d'a yol schon̈ab' chi'.
9 A Jehová tz'ac'an unevi ix ix max unevitaxonlaj. Tz'och ix nunab'ilal, tzalajc'olal tz'ajec' ix d'a spat yed' yune' chi'.