Israel aleripa yërulune Egipto Éxodo 1.1–20.21 Yëkkuö i' kiè si'kuaie Éxodo, e' wà kiane chè yërulune. Ka̱m sa' tö yëkkuö i' mane'ù̱ se̱raa̱ se'ie, isha̱böts maneo̱' sa' tö dö̀ capítulo 20.21. Ì maneo̱' sa' tö e' blatëule mañat tsi̱ní. Et tsi̱ní e' dör capítulo et dö̀ capítulo dabom eyök kí̱ ske̱l (1-15). Iët tsi̱ní e' dör capítulo dabom eyök kí̱ teröl dö̀ capítulo dabom eyök kí̱ pàköl (16-18). Ibata ë́k tsi̱ní e' dör capítulo dabom eyök kí̱ su̱li̱tu dö̀ capítulo dabom böyök (19-20). Et tsi̱ní e' tö se' a̱ ipakè tö ì bak Israel aleripa ta̱ ie'pa mía̱ Egipto e̱' tsa̱tkök ketba yöki̱ e' ukuöki̱. Ke̱we ie'pa ka̱wö tka buaë Egipto. Ie'pa ena ie'pa iyiwak alöne tai̱ë. Ká̱ tka tai̱ë ta̱ egiptowak suanémi dö' Israel aleripa e̱' alö̀ka̱ ie'pa ki̱. E' kue̱ki̱ ie'pa tö Israel aleripa sué̱ suluë ta̱ iwe'ikérakitö sia̱rë. Ie'pa kérakitö kaneblök darërëë kë̀ patue̱ta̱'. Erë Skëköl tö ie'pa weirke e' sué̱ ta̱ wëm kéka̱itö eköl ie'pa yöktsa̱ egiptowak ulà a̱. Wëm e' kiè Moisés, e' ë̀ tö yëkkuö i' kit. Skëköl e̱' kkayë' ie' a̱ ta̱ iwák kiè yë'itö ia̱. E' ukuöki̱ ta̱ ipatkéitö Israel aleripa yöktsa̱ Egipto. Moisés tö iché Egipto blú a̱ tö Israel aleripa ö́mine. Erë Egipto blú kë̀ é̱na Skëköl ttö̀ iu̱tak. E' kue̱ki̱ Skëköl tö egiptowak we'iké sia̱rë tsa̱ki̱ë ie' diché tai̱ë wa. E' wa ie' tö ikkaché ie'pa a̱ ena Israel aleripa a̱ tö yi dör ie'. Skëköl tö Israel aleripa tsa̱tkée yéttsa̱ Egipto ie' diché tai̱ë wa, e' wa ie'pa de ie' ichaie ena ie' de ie'pa Këkölie. Ie'pa yënettsa̱ Egipto e' ké̱wö tkö'u̱k ie' tö ie'pa patké duas bit ekkë. Iët tsi̱ní e' tö se' a̱ ipakè tö we̱s Skëköl tö ie'pa wëttse̱' ena ie'pa ki̱me'itö shköktkö ká̱ sir poë wé̱ kë̀ yi se̱rku̱' ee̱. Erë́ ie'pa tö ie' tsiriwé̱ tai̱ë kabene wa, erë ie' tö ie'pa tié ena ie'pa tsa̱tkéitö ibolökpa yöki̱ e̱r bua' wa. Ibata ë́k tsi̱ní e' tö se' a̱ ipakè tö Skëköl ena Israel aleripa ttè me' ñì a̱. Mik ie'pa de Sinaí ké̱bata a̱, eta̱ ie' tö ittè dalöiëno mé ie'pa a̱ döka̱ dabop. Ie' tö iché ie'pa a̱ tö ie'pa tö ie' ttè dalöiëno e' ko̱s iu̱té buaë, e' ta̱ ie'pa döraë ie' wák icha chö́kie ena ie'pa a̱ ie' e̱r buaë chöraë ká̱ male̱pa wakpa tsa̱ta̱.
1Israel aleripa tso' Egipto e'pa weine tai̱ë 1-4 Israel kiè ñies Jacob e' ala'r dë'mi Egipto ie' ta̱, e'pa ko̱s yamipa ta̱'. Ie'pa kiè Rubén, Simeón, Leví, Judá, Isacar, Zabulón, Benjamín, Dan, Neftalí, Gad ena Aser. 5 Jacob yamipa mìne ie' ta̱ Egipto e'pa döka̱ dabom kuryök (70) se̱raa̱. Erë José, e' tso'tke Egipto ke̱we iyamipa yöki̱.6 Ka̱wö tka tai̱ë, eta̱ José ena iëlpa blërulune. Ñies iyamipa dë'mi Egipto ie'pa ta̱, e'pa ko̱s blërulune se̱. 7 Erë Israel aleripa alöne tai̱ë, e' kue̱ki̱ ie'pa de diché ta̱' tai̱ë. Ie'pa tso' Egipto wa'ñe.
8 E' ukuöki̱ ta̱ blu' ské tkëneka̱ eköl e' kë̀ wa̱ José pakè jche̱r. Ie' tö iché egiptowak a̱: 9 “Ye' ttö̀ ttsö́. Israel aleripa dör tai̱ë. Ie'pa diché tkö̀ka̱ se' diché tsa̱ta̱, dö' ie'pa e̱' alö̀ka̱ se' ki̱. 10 Mik se' bolökpa ñippö̀mi se' ta̱, e' ta̱ dö' ie'pa ñì wöiöka̱ se' ppök se' bolökpa ta̱, ta̱ es imi'miyal se' yöki̱. E' kue̱ki̱ se' tö ibikeitsö́ bua'iewa̱ tö we̱s se' tö ie'pa wöklö'wè̱mi a̱s kë̀ ikí̱ alör tai̱ë.”
11 E' kue̱ki̱ egiptowak tö iwökirpa patké Israel aleripa we'ikök kanè darërë wa a̱s ie̱riardak. Ie'pa tö ikérak ká̱ yuök böt chkewö dapa'wo̱ie Egipto blú a̱. Ká̱ e' kiè Pitón ena Ramsés. 12 Israel aleripa we'ikeke ie'pa tö sia̱rë, erë ikí̱ alörkerak tai̱ë. E' kue̱ki̱ egiptowak suarke tai̱ë ie'pa yöki̱.
13 Egiptowak tö ie'pa ké kaneblök kësik wa. 14 E' tö ie'pa e̱riawé̱ tai̱ë. Ikérakitö ska̱u̱chka yuök shtrót shtrót u yuoie. Ñies ikérakitö kaneblök kañika̱ kanè ulitane u̱k. Es Israel aleripa ko̱s we'ikérakitö sia̱rë. 15 E' kí̱ie ta̱ Egipto blú tté alakölpa kiè Sifrá ena Puvá e'pa ta̱. Ie'pa dör hebreowak*hebreowak: E' kiè ñies Israel aleripa. alakölpa alà ku̱rke e' kanéu̱kwakpa. Ie' tö iché ie'pa a̱:
16 —Mik a' tö hebreowak alakölpa alà ku̱rke, e' kanewe̱ke, eta̱ isa̱ú̱ ¿ì iwák dör? Iwák wëm e' ta̱ ittö́wa̱. Iwák dör alaköl, e' ta̱ imúa̱t, kë̀ ittarwa̱.
17 Erë alakölpa e'pa tö Skëköl dalöieta̱'. E' kue̱ki̱ ie'pa kë̀ wa̱ Egipto blú ttö̀ iu̱tëne we̱s itö iché es. Ie'pa ala'r wëpa méa̱t ttsë'ka. 18 Eta̱ Egipto blú tö ie'pa kiére ta̱ ichéitö ia̱rak:
—¿Iö́k a' tö iwamblé es? ¿Iö́k a' tö ala'rla wëpa e' méa̱t ttsë'ka?19 Ie'pa tö iiu̱té:
—Hebreowak alakölpa kë̀ alà ku̱r we̱s egiptowak alakölpa es. Ie'pa alakölpa dör darërë. Ie'pa alà ku̱r bet buaë. Mik sa' demi, eta̱ ie'pa alà ku̱netke.20-21 Es Israel aleripa kí̱ alönèmi tai̱ë. Ie'pa diché kí̱ iërke tai̱ë. Sifrá ena Puvá e'pa tö Skëköl dalöieta̱'. E' kue̱ki̱ Skëköl tö ie'pa ki̱mé, ala'r méitö ie'pa a̱ tai̱ë.
22 Eta̱ Egipto blú tö ikue̱blupa ulitane a̱ ka̱wö mé tö hebreowak ala'rla wëpa ku̱ne ko̱s e' ö́mi di' ki̱. Alakölpala ë̀ múa̱t.
Éxodo 2 ->
- a hebreowak: E' kiè ñies Israel aleripa.
6 Ka̱wö tka tai̱ë, eta̱ José ena iëlpa blërulune. Ñies iyamipa dë'mi Egipto ie'pa ta̱, e'pa ko̱s blërulune se̱. 7 Erë Israel aleripa alöne tai̱ë, e' kue̱ki̱ ie'pa de diché ta̱' tai̱ë. Ie'pa tso' Egipto wa'ñe.
8 E' ukuöki̱ ta̱ blu' ské tkëneka̱ eköl e' kë̀ wa̱ José pakè jche̱r. Ie' tö iché egiptowak a̱: 9 “Ye' ttö̀ ttsö́. Israel aleripa dör tai̱ë. Ie'pa diché tkö̀ka̱ se' diché tsa̱ta̱, dö' ie'pa e̱' alö̀ka̱ se' ki̱. 10 Mik se' bolökpa ñippö̀mi se' ta̱, e' ta̱ dö' ie'pa ñì wöiöka̱ se' ppök se' bolökpa ta̱, ta̱ es imi'miyal se' yöki̱. E' kue̱ki̱ se' tö ibikeitsö́ bua'iewa̱ tö we̱s se' tö ie'pa wöklö'wè̱mi a̱s kë̀ ikí̱ alör tai̱ë.”
11 E' kue̱ki̱ egiptowak tö iwökirpa patké Israel aleripa we'ikök kanè darërë wa a̱s ie̱riardak. Ie'pa tö ikérak ká̱ yuök böt chkewö dapa'wo̱ie Egipto blú a̱. Ká̱ e' kiè Pitón ena Ramsés. 12 Israel aleripa we'ikeke ie'pa tö sia̱rë, erë ikí̱ alörkerak tai̱ë. E' kue̱ki̱ egiptowak suarke tai̱ë ie'pa yöki̱.
13 Egiptowak tö ie'pa ké kaneblök kësik wa. 14 E' tö ie'pa e̱riawé̱ tai̱ë. Ikérakitö ska̱u̱chka yuök shtrót shtrót u yuoie. Ñies ikérakitö kaneblök kañika̱ kanè ulitane u̱k. Es Israel aleripa ko̱s we'ikérakitö sia̱rë. 15 E' kí̱ie ta̱ Egipto blú tté alakölpa kiè Sifrá ena Puvá e'pa ta̱. Ie'pa dör hebreowak*hebreowak: E' kiè ñies Israel aleripa. alakölpa alà ku̱rke e' kanéu̱kwakpa. Ie' tö iché ie'pa a̱:
16 —Mik a' tö hebreowak alakölpa alà ku̱rke, e' kanewe̱ke, eta̱ isa̱ú̱ ¿ì iwák dör? Iwák wëm e' ta̱ ittö́wa̱. Iwák dör alaköl, e' ta̱ imúa̱t, kë̀ ittarwa̱.
17 Erë alakölpa e'pa tö Skëköl dalöieta̱'. E' kue̱ki̱ ie'pa kë̀ wa̱ Egipto blú ttö̀ iu̱tëne we̱s itö iché es. Ie'pa ala'r wëpa méa̱t ttsë'ka. 18 Eta̱ Egipto blú tö ie'pa kiére ta̱ ichéitö ia̱rak:
19 Ie'pa tö iiu̱té:
20-21 Es Israel aleripa kí̱ alönèmi tai̱ë. Ie'pa diché kí̱ iërke tai̱ë. Sifrá ena Puvá e'pa tö Skëköl dalöieta̱'. E' kue̱ki̱ Skëköl tö ie'pa ki̱mé, ala'r méitö ie'pa a̱ tai̱ë.
22 Eta̱ Egipto blú tö ikue̱blupa ulitane a̱ ka̱wö mé tö hebreowak ala'rla wëpa ku̱ne ko̱s e' ö́mi di' ki̱. Alakölpala ë̀ múa̱t.
Éxodo 2 ->- a hebreowak: E' kiè ñies Israel aleripa.