Lewitikusi

Lewi Laulauwewena Adi Paisowa

Dimdim alinadi yai Buka te hesana Lewitikusi, paꞌana Lewi laulauwewena wasadi ya dedei. Sulu ni ganahewana yai, antalasam tau gabugabudi yo tau faisagusagu. Iti Guyau ena Palai Tabuna tau itaꞌita watanina hinaga.

2 Itete mate antalasam abiꞌabidi lau faꞌatadi. Isalaela dodogadi u falibadi uwe,

Sai yosiyosi ya antalasamen Guyau lisina yai mate gonowana bulumakau e sipi e gouti esega ya leyama ena Antalasam.

3 Yena ena antalasam bulumakau, bena tamoꞌana tubutubu loholohona ya leyama Palai Tabuna e Tabanaikeli aba luhuluhu launa yai be habaGuyau ya ita faloholoho. 4 Antalasam tau leyamana bena nimana ya tole lawen antalasam gabugabuna kuluna yai ya famala ena heyaya aba nuwa afulenna be Guyau haba ya ita faloholoho na ena heyaya ya nuwatuhu afuledi. 5 Guyau matana yai bena bulumakau tamoꞌana gubufwauna ya lau funuhi na Elon nanatuna, iti antalasam tau gabugabudi haba yosiyosi ꞌwasinana ni sa abi be aba antalasam sadaidi fati sa lau sibusibuwedi Palai Tabuna aba luhuluhu launa yai. 6 ꞌWapina ya papa na fisihona ya lau iboꞌiboi. 7 Tau antalasam Elon, nanatuna tatau bena oyagi sa toledi aba antalasam hewana yai na sa yufi. 8-9 Antalasam tau leyamana bena hoꞌowa ya abi be yosiyosi ganahewana yo ahena ya kaisudi na antalasam tau gabugabudi ya feledi. Piꞌadi, kuluna yo momona haba sa gabu faꞌofidi aba antalasam hewana yai. Ainauya te mate oyagi yai sa gabu na panena ya loholoho wananaha Guyau lisina yai.