64
Hige Yaubada hesa doha Um!
Isaiya 64:4-9
4 Beyabeyana hige sai laꞌi yaubada hesa wasana i atahiyen
yo nenena i ita, doha Um.
Um ibom mate salumadi sa bagibagiyem enehedi wa paisowa.
5 Wa laoma be salumadi ma nuwa amnadi dudulai sa laulau ginauli, wa saguhida.
Yo em laulau sa miyamiyaꞌedi, wa yoga hitinidi.
In moho heyaya hola E laulau ginauli, be manam E fabala.
Haba sidohana ema mwahumwahuli?
6 Mahudoꞌimai tau heyaya.
Ema laulau dudulaidi mahudoꞌidi doha ahe sausau bidabidadi.
Ai E hohoya doha oyagi lugudi;
Yo doha hwayahwayau ema heyaya ya uya hudoꞌiyedi.
7 Hige sai hesam yai i lauꞌuꞌula,
e, i miya esegahi lisim yai.
Be wa sana mulimuliyemai,
yo wa ita afulemai, be ema heyaya sa lawe hudoꞌiyemai.
8 In moho, Guyau, um Tamamai.
Ai bwadagowa, na um tau falasa.
Nimam yai wa falasamai. (2 Kolinto 4:3)
9 Guyau, tabu em manabala u falofa,
yo ema heyaheyaya tabu ai nuwam ti ota.
Ema lauꞌuꞌula u atahiyedi, be u nuwatohatohaemai