53
Yaubada ena Tau Paisowa
Isaiya 53:1-12
1 Sai haꞌa ema wasa ya kawawananahaꞌen?
Yo Guyau ena gigibwali haꞌa sai ya ita?
2 Guyau ena tau paisowa ya in, doha liꞌe ya sipolaꞌa,
yo doha oyagi ya tutuli hasaema tanohi pitapitalina yai.
Nenena ya heyaya be hige ta modeꞌen,
yo hige hewalina yai, haba nuwada i abi.
3 Te ita lidilidiyen yo te ꞌwaiyoꞌoꞌen.
In moho kamkamna yo kalapi ya fahoinadi.
Te sana mulimuliyen.
Hige sai laꞌi i fanuha bena nenena i ita,
yo hige ta fafaꞌatitiyen.
4 Kamkamnadi te, ita egoba te ginaulidi,
in moho In ya baheidi.
Eda nuwatuhu bena haga ena ankamkamna mate
Yaubada ya fatamaliyama.
5 In moho, eda heyaya yai,
sa famwalofo yo tauna sa faꞌomatadi. (Diyon 19:34)
Sa talai, paꞌana eda heyaya debadi yai.
Nuwa talu ya leyama,
be ana omata sa faloholohoda.
6 Mahudoꞌida doha sipi gegegedi,
hesa - hesa ena nuwatuhu ya lau watan.
In moho kamkamna bena ita te fahoina
mate Guyau ya fabahei.
7 Sa fahisu faheyaya yo sa fakamkamna.
In moho hige somo i libaen;
sa foyahi doha sipi gubugubufwauna be sa wunui.
Hige somo hesa i libaen,
doha sipi sa lawen be olona sa tomodi na hige i kehe.
8 Sa au be ana maisa sa felen
na habahim sa lawen be sa wunui.
Hige sai laꞌi i modeꞌen.
Egu dodoga edi heyaheyaya maisadi yai sa wunui.
9 In hige i bwalabwala yo hige heyaya laꞌi i ginauli.
In moho maꞌena dodoga inono heyaheyayadi sa toledi,
yo tau fagogo maidana sa boꞌusaidi.
10 Guyau ena nuwatuhu yai
bena ena fayofayo tau abina
ya ankamkamna be ya famala antalasam.
Haba dodoga edi heyaya aba nuwa afulenna.
Matabahim haba ya miya fuya lofalofa
be laulauwewena ya itadi.
Guyau ena nuwatuhu mahudoꞌidi
mate ya ginaulidi.
11 Yaluyaluwana ena kamkamna mulina yai,
mwahuli malana haba ya ita,
be nuwana ya talu.
Ena sibasiba yai, Egu tau paisowa dudulaina
edi heyaheyaya ya baheidi,
yo ya nuwatuhu afuledi.
12 Debana yai ena tefa haba E felen
dodoga fafahesadi ganahewadi yai.
Tau heyaya yo tau loholoho haba ya hinelidi,
paꞌana ena mwahuli ya fele afulen, be ya peꞌi.
Yo tau heyaya maidana sa falau esegahidi.
In moho, eda heyaya ya bahei,