Liba Aba Yoꞌoidi.

Aba antalasam Aba tolena somo yai dodoga edi ainauya e felefele sa angabu Yaubada lisina.

Aba Baꞌisa Nuꞌuna Yaubada ena Aba Baꞌisa Nuꞌuna mate Yaubada ena basileiya

Aba oiꞌoigogo lumana Diusi edi aba oigogo lumana mate “sunago.” Wawaya tatau ainiya sa sikusikuli, na Sabati yai ainiya dodoga mahudoꞌidi sa lauꞌuꞌula.

Bayawa Anꞌangogona ‒ Hesana hesa mate pasowa na anꞌangogo itete mate laꞌilaꞌina Fwalawa Fafayisti Gesana Anꞌangogodi wikina ganahewana yai. Au itaꞌita lau Esedo 12.

Deiwidi ena Nuꞌu “Deiwidi ena Nuꞌu” hesana hesa mate “Saiyon” mate Deiwidi ena tefa Yesusalem ganahewana yai, Amainiya, Dubu Tabuna sa faꞌobiyo Saiyon yai hinaga.

Diudeya ‒ Diusi edi nuꞌu hesa hesana mate Diudeya. Na Yesu ena fuya yai, edi nuꞌu hesa hesana “Galili.”

Diusi ‒ Isalaela dodoga hesana hesa mate Diusi.ꞌ

Diusi edi aba oiꞌoigogo lumana ‒ Alina Suau hesana mate, “Sunagogo.”

Diyon Babasito ‒ Doga te mate Yaubada ya fatamali bwaꞌiyen, be Yesu ena fuya laoma ya nonohai. Wasa loholohona ya lauguguyaꞌen, yo dodoga boludi ya babasitodi.

Doga Natuna Hesana hesa Buka Falifalihuna yai, na aniyona wananahana mate Yaubada Natuna,ꞌ e Yesu Keliso.ꞌ

Dubu Tabuna Yaubada ena luma tabuna, somo yai dodoga sa lauꞌuꞌula yo tau antalasam adi antalasam sa gabu.

Falesiya - Pele hesa hesana Falesiya Diusi ganahewadi yai edi laulau mate, laugagayo boludi sa ginaulidi be sa famuli watanidi.

Fwalawa Fafayisti Gesana Anꞌangogodi Mate anꞌangogo fuyanna laꞌilaꞌina Diusi edi Bolima ganahewana. Au itaꞌita lau Esedo 12.

Galili Diusi edi nuꞌu hesa hesana mate Galili.ꞌ Na hoꞌowa poꞌopoꞌona laꞌilaꞌina ganahewana yai mate hesana Galili Gabogabona.ꞌ

Galili Gabogabona Hoꞌowa poꞌopoꞌona laꞌilaꞌina Galili nuꞌuna ganahewana yai mate hesana Galili Gabogabona. In moho, in moho hoꞌowana te hige alita. Hoꞌowa ganahewana yai gonowana bena dodoga sa nom.

Guyau Baꞌisa laꞌilaꞌi e bada laꞌilaꞌi. Buka Tabuna ganahewana yai Guyau mate Yaubada hesana hesa. Na Buka Falifalihuna yai, Yesu Keliso sa atahiyen Guyau hinaga.

Hebelu Abelaham ena fuya yai, ya laoma aho te, Diusi alinadi sa atahiyen “Hebelu’ yo Diusi dodoga hesana hesa sa tole “Hebelu” hinaga.

Heloda ‒ Kin hudoꞌi Diudeya nuꞌuna yai. Fuya hesa ena gati ya falibadi be Diyon Babasito gadona sa ibofahi.

Helodiya Waihin te mate Pilipi, Heloda tasina lahuna. In moho Heloda mate waihin te ya kamofahi be ya abi, na ya fai.

Isalaela Guyau mate Iyakobo hesa ya tole: Isalaela. Genesi 32:28

Iyakobo Iyakobo hesana hesa Guyau ya felen mate “Isalaela.” Genesis 32:28

Keliso Aniyona mate Yaubada ena fasinabo dogana.ꞌ Alina Hebelu yai, libana te aniyona mate “Messiah.”

Keliso tau fawaiyununa sai Keliso ena tau fawaiyunuwen, mate “Anti-Christ.”

Keliso tau fawaiyunuwenna sai Keliso ena tau fawaiyunuwen, mate “Anti-Christ.”

Keliso tau fawaiyunuwenna, Keliso tau fawaiyununa sai Keliso ena tau fawaiyunuwen, mate “Anti-Christ.”

Laugagayo Somo Yaubada ya fatalahada be te famuli watanidi na tabu ta utusidi. In moho, dodoga doha Falesiya tataudi edi laugagayo gaibu hinaga sa anpate bena ti faꞌobiyodi hinaga.

Laugagayo tau faꞌataena ‒ Suau Bukana yai hesana hesa sa tole mate tau uliꞌuli.ꞌ Iti mate pele hesa Diusi ganahewadi yai. Na Yaubada ena laugagayo sa siba komakomani.

Nada - Maꞌi panepanena hesana nada mate panena ya loholoho, na maisana ya laꞌi.

Sadusi ‒ Pele hesa hesana Sadusi Diusi ganahewadi yai, edi kawawananaha mate, ibege ta mwahuli fuyo.

Saiyon - Deiwidi ena siu Yelusalem ganahewana yai hesana “Saiyon”. Tupina hesana luwaga: “Saiyon Piupiu Hitina” yo “Deiwidi ena Aba Miya.” Tuꞌana mate Yelusalem maihala ena aba kepama yo tefa bolima yai. Ya famala dodoga lalaꞌi edi aba boꞌusaidi. Muliyai habahim Dubu Tabuna amainiya sa ginauli hinaga.

Sanhedeli - Diusi edi Konisela laꞌilaꞌi hesana mate Sanhedeli.

Sisa - Loma dodogadi edi kin sa ataꞌatahi ‘Sisa’

Tau antalasam ‒ Ainauya e antalasam tau gabudi Yaubada lisina yai. Alina Suau yai hesana hesa sa tole mate kohena.ꞌ

Tau antalasam baꞌibaꞌisadi ‒ Tau antalasam ganahewana yai edi babada mate iti mate tau antalasam babaꞌisadi.

Tau Antalasam edi Baꞌisa ‒ In mate tau antalasam mahudoꞌidi edi guyau.

Tau famuli watanina ‒ Safaluma Yesu sa famuli watan. Hesana hesa mate Yesu ana hewahewali e Yesu ana tau anpate.ꞌ

Tau faꞌona wasawasa ‒ safaluma Guyau ya fatamalidi nuꞌu hesa ‒ hesa yai be Yesu wasana sa dui.

Taꞌowawa ‒ Safaluma mate nuꞌu hahaisa dodogadi. Hige Diusi wananahadi.

Umaꞌuma hesa tumana ya kiu ‒ Alina dimdim yai hesana mate ꞌmustardꞌ na in moho, hige mahina. Hige doha haufida. Umaꞌuma itete mate begana doha saihala dimdim.ꞌ

wain wain gabuna mate wain aba umaꞌuma. Wain uluna sa an, na yena wain uludi sa folodi mate ya famala wain nomnomna.

Yali aba husanina Yali Aba Husanina hesana hesa mate “Laugagayo Aba Husanina” paꞌana beyabeyana, laugagayo Guyau Mose ya felen, Mose mate ya toledi bogesina ganahewana yai, na ai muli bogesina sa tole Dubu Tabuna ganahewana yai.

Yaubada ena Aba Baꞌisana ‒ aniyona mate “basileia” Giliki yo Suau alinadi yai.

Yesu Yesu aniyona mate ‘Tau-fofofofahi e tau fafamwahuli. Hebelu alinadi yai, mate “Diyesuwa.”

Yesu tau fawaiyunuwenna sai Yesu ena tau fawaiyunuwen, alina dimdim yai mate “Anti-Christ.”